Category: Ambion.news

Երևանում հուլիսի 8-ի ցերեկը, 9-ի գիշերը սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 17–20 մ/վ արագությամբ։ Հուլիսի 9-ի ցերեկը, 10-13-ին սպասվում է առանց տեղումների եղանակ։

Հանրապետության տարածքում հուլիսի 8-ի ցերեկը, 9-ի գիշերը շրջանների զգալի մասում, 9-ի ցերեկը, 10-13-ին՝ կեսօրից հետո առավելապես հյուսիսային շրջաններում սպասվում է կարճատև անձրև և ամպրոպ, առանձին վայրերում սպասվում է նաև կարկուտ։ Հուլիսի 8-ի ցերեկը, 9-ի գիշերը առանձին հատվածներում անձրևները կլինեն հորդառատ։ Քամին`արևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 18-23 մ/վ արագությամբ։

Այսօր՝ հուլիսի 8-ին, ժամը 08:50-ի սահմաններում, Ֆուչիկ-Բեկնազարյան փողոցների խաչմերուկում շղթայական ավտովթարի ընթացքում բախվել են «Mercedes», «Chevrolet», «Kia» և «Toyota» մակնիշի մեքենաները։ Վթարի հետևանքով 3 հոգի վիրավորվել են։

Դեպքի վայրից ֆոտոլրագրող Գագիկ Շամշյանը հայտնում է, որ ըստ դեպքի վայրում հավաքվածների՝ օպերատիվորեն են ժամանել ՀՀ ՆԳՆ Փրկարար ծառայության Երևանի թիվ 7-րդ հրշեջ-փրկարարական ջոկատի փրկարարներն ու Երևանի 103 շտապօգնության բժիշկների հերթապահ խմբերը, վիրավորները տեղափոխվել են Երևանի տարբեր հիվանդանոցներ։

Վթարի փաստով քննչական բաժնում նախաձեռնվել է քրեական վարույթ, պարզվում են ավտոմեքենաների սեփականատերերի, վարորդների և վիրավորների տվյալները։ Ֆոտոլրագրողի տեղեկություններով՝ «Kia»-ն և «Toyota»-ն եղել են կայանված, վնասվել է նաև բնակչին պատկանող շինության մի հատված։

ԲՀԿ առաջնորդ Գագիկ Ծառուկյանի դուստրը հայտարարել է, որ ընտանիքն արդեն մեկ անգամ անցել է նման փորձությունների միջով, սակայն, իր խոսքով, առավել մտահոգիչը երկրի համար հնարավոր երկարաժամկետ հետևանքներն են։

«Հայրս մեկ ամիս եղել է կալանքի տակ, ամուսինս այժմ տնային կալանքի մեջ է։ Վստահ եմ՝ այս փորձությունն էլ կանցնի, և մենք կկարողանանք դիմակայել»,- ասել է նա։

Միաժամանակ նա նշել է, որ հասարակությունը պետք է ուշադրություն դարձնի ոչ միայն առանձին դատական գործընթացներին, այլև այն փոփոխություններին, որոնք, իր գնահատմամբ, կարող են անդառնալի ազդեցություն ունենալ Հայաստանի պետականության, մշակույթի և արժեհամակարգի վրա։

«Այսօրվա որոշումների հետևանքները կարող են տարիներ անց զգալ մեր երեխաները։ Կոչ եմ անում բոլորին լինել սթափ, զգոն, ճիշտ գնահատել իրավիճակը և չտրվել փոխադարձ թշնամանքին։ Վստահ եմ, որ ի վերջո արդարությունը կհաղթի»,- ասել է Ծառուկյանի դուստրը։

Կրիշտիանու Ռոնալդուն ԱԱ-2026-ից դուրս մնալուց հետո հաստատել է, որ սա իր կարիերայի վերջին Մունդիալն էր։ Միևնույն ժամանակ, 41-ամյա հարձակվողը դեռ չի որոշել՝ կավարտի՞ արդյոք ելույթները Պորտուգալիայի հավաքականում։

Նա ասաց, որ տխուր է, բայց արել է առավելագույնը, պետք է խուսափել իմպուլսիվ քայլերից, ժամանակ կունենա մտածելու և ընտանիքի հետ լինելու, «կյանքը շարունակվում է»։

Միջազգային կարիերան ավարտելու հնարավորության մասին Ռոնալդուն նշել է, որ չի շտապում և հարցը կքննարկի ընտանիքի հետ, փոխանցում է The Touchline-ը։ ԱԱ-2026-ի 1/8 եզրափակիչում Պորտուգալիան 0-1 հաշվով պարտվեց Իսպանիային։

Հարգելի քաղաքացիներ, վերջին օրերին այս երկու հեռախոսահամարներից իմ անունից հաղորդագրություններ են ուղարկվում։

Նշված համարներն իհարկե որևէ առնչություն չունեն ինձ հետ, իսկ դրանցից տարածվող հաղորդագրությունները կեղծ են։

Դեպքի վերաբերյալ տեղեկացրել եմ իրավապահ մարմիններին։ Խնդրում եմ լինել զգոն, չվստահել և անտեսել նման հաղորդագրությունները։

ԲՀԿ առաջնորդ Գագիկ Ծառուկյանի առանձնատնից երեք առյուծ և 1 վագր այս պահին կարանտինի մեջ են Երևանի կենդանաբանական այգում։

Այս մասին Armenia Sputnik-ին հայտնել են սեփական աղբյուրները։ Ընդ որում, մեր տվյալներով, կենդանիներին կենդանաբանական այգի են տեղափոխել հուլիսի 7-ի գիշերը և անմիջապես տեղավորել կարանտինային գոտում։

Լուրը, որ կենդանաբանական այգի են բերվել նոր բնակիչներ, մեծ հետաքրքրություն է առաջացրել այցելուների շրջանում։ @ArmeniaSputnik-ի թղթակցի հետ զրույցում քաղաքացիները հայտարարել են, որ հատուկ են եկել այստեղ՝ կենդանիներին տեսնելու հույսով։ Սակայն թե երբ առյուծներին ու վագրին կտեղափոխեն ցուցադրական ազատավանդակներ, դեռ չի հաղորդվում։

ՀՀ Շուկայի վերահսկողության տեսչական մարմինը վերահսկողական գործողություններ է իրականացրել հեղուկացված ածխաջրածնային գազի վաճառքով զբաղվող «ԱՆՆԱ ՕՀԱՆՅԱՆ ԼՅՈՎԱՅԻ» Ա/Ձ-ին պատկանող լցակայանում (ՀՀ Լոռու մարզ, Վանաձոր, Դեմիրճյան 1)։

Ստուգմամբ պարզվել է, որ շահագործվում են չստուգաչափված չափիչ միջոցներ, ինչի հետևանքով կասեցվել է հեղուկացված ածխաջրածնային գազի վաճառքը մինչև խախտումների վերացումը։

Ընկերության տնօրենին հանձնարարվել է սահմանված ժամկետում վերացնել խախտումը։ Հայտնաբերված խախտումների հիմքով տնտեսվարող սուբյեկտը Օրենքով սահմանված կարգով կենթարկվի վարչական պատասխանատվության։

«Իմ քայլը» բարեգործական հիմնադրամի «Գյուղական զբոսաշրջություն» (Գաստրոբակ) ծրագրի շրջանակներում նախատեսվում է աջակցել Արագածոտնի մարզի Թալին համայնքի Գառնահովիտ բնակավայրում գործող «Սերվեն» հյուրատանը (հիմնադիր՝ Սիրանուշ Եղիազարյան)։

Ներկայումս հյուրատուն տանող 300 մետր երկարությամբ ճանապարհահատվածը գտնվում է խիստ անբարեկարգ վիճակում, ինչը խոչընդոտում է զբոսաշրջիկների հոսքին և հարվածում է տեղական բիզնեսի զարգացմանը։

Ծրագրի շրջանակում նախաձեռնում ենք համայնքային կամավորական աշխատանք՝ հրավիրելով բոլոր պատրաստակամ կամավորներին` ճանապարհը խճաքարերով բարեկարգելու և հարթեցնելու նպատակով։

📌Մանրամասներ և ժամանակացույց.

📅 Հուլիսի 11, 10:30

📍 Հանդիպման վայր՝ Գառնահովիտի եկեղեցու հարակից տարածք

ℹ️ Հարցերի դեպքում կարող եք զանգահարել 060 501 444

Գառնի ,քարերի սիմֆոնիայի մոտ տարիներով բիզնեսի համար շահագործվող այս ձին շատ վատ վիճակում է։ Ահազանգ ենք ստացել, որ հղի է , բայց այդ շոգին էլ > օգտագործում է տուրիստներին ման տալու համար։

Ահազանգող աղջիկը պատրաստ է ոստիկանությունում դիմում գրել, ո՞վ կմիանա։ Կամ ուրիշ ի՞նչ ռեալ լուծում կառաջարկեք(🚩անեծքները չեն օգնում, իրական քայլեր են պետք ձեռնարկել)