«Ուժեղ Հայաստան» կուսակցությունում պատգամավորական մանդատներից հրաժարվելու շարքը շարունակվում է։ Կուսակցության ընտրական ցուցակի 18-րդ համար Լիլիա Շուշանյանը պատգամավորական մանդատից հրաժարվելու դիմում է ներկայացրել։ Տեղեկությունը հաստատել են Կենտրոնական ընտրական հանձնաժողովից։
Շուշանյանը հունիսի 7-ի ընտրություններում ընտրված 29 պատգամավորներից մեկն էր։ Նա նախկինում զբաղեցրել է ՀՀ տարածքային կառավարման փոխնախարարի պաշտոնը։ Մինչ այս պահը հայտնի չէ, թե ինչն է եղել մանդատից հրաժարվելու պատճառը։
Սա արդեն հերթական ինքնաբացարկն է «Ուժեղ Հայաստան»-ի շարքերում։ Ավելի վաղ մանդատից հրաժարվելու դիմումներ էին ներկայացրել նաև Գոհար Մելոյանը, Ավետիս Առաքելյանը և Արթուր Դանիելյանը։
Հիշեցնենք, որ Սամվել Կարապետյանի գլխավորած «Ուժեղ Հայաստան» կուսակցությունը խորհրդարանում երկրորդ քաղաքական ուժն է և ամենամեծ ընդդիմադիր խմբակցությունը՝ 29 պատգամավորով։ Մանդատներից հրաժարվելու շարունակական դեպքերը քաղաքական շրջանակներում արդեն տարբեր մեկնաբանությունների տեղիք են տալիս, մինչդեռ կուսակցությունը դեռևս պաշտոնական պարզաբանում չի ներկայացրել։
ՀՀ քննչական կոմիտեն ավարտել է Գյումրիի «Սև բերդ» ամրոցի օտարման դեպքի առթիվ հարուցված քրեական վարույթի նախաքննությունը։ Ըստ ՔԿ-ի՝ վարույթի շրջանակում հանրային քրեական հետապնդում է հարուցվել ՀՀ պաշտպանության նախկին նախարար Սերժ Սարգսյանի նկատմամբ՝ պաշտոնեական լիազորությունները չարաշահելու կամ դրանցով պայմանավորված ազդեցությունը չարաշահելու հոդվածով։ «ՀՀ քննչական կոմիտեի հատկապես կարևոր գործերի քննության գլխավոր վարչության ընդհանուր բնույթի և ընտրական հանցագործությունների քննության վարչությունում ավարտվել է ՀՀ ՊՆ նախկին նախարար Ս.Ս.-ի կողմից Գյումրի քաղաքի Սև բերդ ամրոցն օտարելու դեպքի առթիվ նախաձեռնված քրեական վարույթի նախաքննությունը: Քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ ՀՀ պաշտպանության նախկին նախարար Ս.Ս.-ն 2005 թվականի մայիսի 11-ին անշարժ գույքի առուվաճառքի պայմանագրով, ուղղակի վաճառքով՝ 22 մլն 951 հզր 500 ՀՀ դրամով ֆիզիկական անձի է օտարել ՀՀ Կառավարության որոշումներից չբխող և դրանցով չնախատեսված հանրապետական նշանակության՝ պատմության և մշակույթի անշարժ հուշարձան հանդիսացող 626.45քմ մակերեսով Գյումրի քաղաքի Սև բերդ ամրոցը և դրա օգտագործման համար նախատեսված 0.7 հա հողամասը: Նկարագրված գործողությունների արդյունքում էական վնաս է պատճառվել պետության օրինական շահերին՝ անզգուշությամբ առաջացնելով ծանր հետևանքներ, այն է՝ պետությունը կորցրել է հանրապետական նշանակության պատմամշակութային արժեքի նկատմամբ սեփականության իրավունքը և այն չի ընդգրկվել 2007 թվականի մարտի 15-ի թիվ 385-Ն ՀՀ պետական սեփականություն համարվող և օտարման ոչ ենթակա պատմության և մշակույթի անշարժ հուշարձանների պետական ցուցակը հաստատելու մասին ՀՀ կառավարության որոշման կից հավելվածներում։ Նախաքննության ընթացքում հսկող դատախազի որոշմամբ Ս.Ս.-ի նկատմամբ հարուցվել է հանրային քրեական հետապնդում՝ Քրեական օրենսգրքի 441-րդ հոդվածի 2-րդ մասի 5-րդ կետով (պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը, որն անզգուշությամբ առաջացրել է այլ ծանր հետևանք): Քրեական վարույթը մեղադրական եզրակացությամբ ուղարկվել է հսկող դատախազին»,- ասված է ՀՀ քննչական կմիտեի տարածած հաղորդագրությունում։ Հիշեցնենք, որ Սերժ Սարգսյանը ՀՀ պաշտպանության նախարարի պաշտոնը զբաղեցրել է երկու ժամանակահատվածում՝ 1993-1995 թվականներին և 2000-2007 թվականներին։ Նա հետագայում զբաղեցրել է նաև ՀՀ վարչապետի և նախագահի պաշտոնները։
Կալանավորված նախկին պատգամավոր Արեգնազ Մանուկյանին արգելվել է հեռախոսով շփվել իր 13-ամյա դստեր և 85-ամյա մոր հետ։
Վենեսուելայի կառավարությունը սկսել է պաշտոնական բանակցություններ ընդդիմության անդամների հետ, նպատակ ունենալով ամրապնդել ժողովրդավարական ինստիտուտները և ընտրական համակարգը։
Ջրասուզակը նրա մարմինը հանել է մոտ 6 մետր խորությունից
Էդգար Բաղդասարյանը իր ֆեսբուքյան էջում գրում է. Մուշ թաղամասի բնակիչ Լուսյա Գալստյանին գզել են թափառող շները։
Այսօր՝ ժամը 21:30-ի սահմաններում, արտակարգ դեպք է գրանցվել Գյումրիում՝ Կարող Հալաբյան փողոցի 13-րդ շենքի մուտքի մոտ։
2026 թվականի առաջին կիսամյակում «Կոլցովո» օդանավակայանը (Եկատերինբուրգ) սպասարկել է 3,84 մլն ուղևորի՝ 3%-ով ավելի, քան 2025 թվականի նույն ժամանակահատվածում, հաղորդում է Ռոսավիացիան։ Հիմնական աճն ապահովել են միջազգային չվերթները, որոնցով ուղևորահոսքն աճել է 10%-ով։
Արգենտինայի ազգային հավաքականի ավագ Լիոնել Մեսսին սոցիալական ցանցերում դիմել է երկրպագուներին Իսպանիայի դեմ ԱԱ-2026-ի եզրափակչից առաջ։ «Այս բոլոր տարիների ընթացքում ամենագեղեցիկը ոչ միայն տիտղոսներն էին, այլև հենց անցած ուղին… Ինչ էլ որ պատահի վաղը, այս թիմն արդեն կերտել է պատմություն… Առա՛ջ, Արգենտինա»,— գրել է նա։