Արգենտինայի ազգային հավաքականի ավագ Լիոնել Մեսսին խոսել է Իսպանիայի ընտրանու եզրային հարձակվող Լամին Յամալի մասին՝ ընդգծելով երիտասարդ ֆուտբոլիստի տաղանդն ու անդրադառնալով սպասվող եզրափակչին։
«Այն լուսանկարը, որտեղ ես լողացնում եմ վեցամսյա Յամալի՞ն… Պարզապես խելահեղություն է, որ հիմա մենք մրցելու ենք դեմառդեմ։ Այժմ նա աշխարհի լավագույն ֆուտբոլիստներից մեկն է։ «Բարսելոնայի» բախտը շատ է բերել. այն, ինչ լավ է Յամալի համար, լավ է նաև մեր «Բարսելոնայի» համար։
Յամալը հիասքանչ ֆուտբոլիստ է։ Ես ուշադիր հետևում եմ նրան, քանի որ խաղում է այն ակումբում, որը ես սիրում եմ։ Նրան միշտ ամենայն բարիք եմ մաղթում։ Սակայն եզրափակչում մենք կանենք հնարավորը, որպեսզի Յամալը չկարողանա ցուցադրել իր լավագույն խաղը։ Իհարկե, մենք պետք է փորձենք կանգնեցնել նաև ողջ Իսպանիային, քանի որ խնդիրը միայն Լամինը չէ։ Նրանք ունեն գերազանց խաղացողներ և ուրույն խաղաոճ, բայց մենք էլ ունենք մեր հաղթաթղթերը»,- Լիոնել Մեսսիի խոսքերն է մեջբերում The Touchline-ը։
Հիշեցնենք, որ Իսպանիայի և Արգենտինայի ազգային հավաքականները աշխարհի գավաթը կվիճարկեն հուլիսի 19-ին, Երևանի ժամանոկով 23:00-ին։
Երևան քաղաքի առաջին ատյանի ընդհանուր իրավասության քաղաքացիական դատարանը, դատավոր Ա.Կարաքեհյանի նախագահությամբ բավարարել է Կարեն Ջալավյանի (Քյոխ) հայցն ընդդեմ Ռոման Բաղդասարյանի՝ պարտավորեցնելով վերջինիս իր ֆեյսբուքյան էջերով հրապարակել հերքում՝ հետևյալ բովանդակությամբ.
«Ես՝ Ռոման Բաղդասարյանս, հրապարակային հայտարարում եմ, որ 2026 թվականի փետրվարի 5-ին «facebook.com» սոցիալական կայքի էջերումս հրապարակած այն արտահայտությունները, թե Կարեն Ջալավյանը (Քյոխը) գողացել է զինվորներից սնունդը և նրանց առանց ջրի պահել, Եղնիկներում ծաղրել և նվաստացրել է մեր զինվորներին, սովի է մատնել, ինչպես նաև Քյոխը մարդ է, որը միշտ ատել է Հայաստանից եկած զինվորներին, չեն համապատասխանում իրականությանը»:
Դատարանը նաև պարտավորեցրել է Ռոման Բաղդասարյանին որպես բարոյական վնասի փոխհատուցում Կարեն Ջալավյանին վճարել 100.000 ՀՀ դրամ:
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երևանում հուլիսի 20-ի ցերեկը, 21-ին, 25-ին սպասվում է առանց տեղումների եղանակ։ Հուլիսի 22-24-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Հուլիսի 20-25-ին երեկոյան սպասվում է քամու ուժգնացում՝ 14-17մ/վ։
Հանրապետության տարածքում հուլիսի 20-ի ցերեկը, 21-ին սպասվում է առանց տեղումների եղանակ։ Հուլիսի 22-23-ին, 25-ին կեսօրից հետո, 24-ին՝ գիշերը և կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է կարկուտ:
Քամին`հարավարևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 16-20մ/վ արագությամբ։ Հուլիսի 20-25-ին Արմավիրում, Արագածոտնի և Կոտայքի նախալեռներում երեկոյան ժամերին սպասվում է քամու ուժգնացում՝ 15-18մ/վ։ Օդի ջերմաստիճանն էապես չի փոխվի։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ամառվա շոգ օրերին անտառային հրդեհների վտանգը զգալիորեն մեծանում է։ Անգամ անզգույշ նետված մեկ ծխախոտը, չմարված խարույկը կամ կայծը կարող են հանգեցնել մեծ աղետի՝ վտանգելով մարդկանց կյանքը, կենդանական աշխարհը և բնությունը։
Հայկական Կարմիր խաչի ընկերությունը հորդորում է բոլորին լինել առավել զգոն և պահպանել հրդեհային անվտանգության կանոնները.
• Մի՛ վառեք խարույկներ այն վայրերում, որտեղ դա արգելված է կամ վտանգավոր է։
• Խարույկ վառելու դեպքում համոզվեք, որ այն ամբողջությամբ մարված է՝ նախքան տարածքը լքելը։
• Մի՛ նետեք վառված լուցկիներ, ծխախոտի մնացորդներ կամ այլ այրվող առարկաներ։
• Եթե նկատում եք ծուխ կամ հրդեհ, անմիջապես տեղեկացրեք համապատասխան մարմիններին և հնարավորության դեպքում հեռացեք վտանգավոր տարածքից։
Յուրաքանչյուրիս պատասխանատու վերաբերմունքը կարող է կանխել մեծ կորուստները։ Եկե՛ք միասին պաշտպանենք մեր անտառները, շրջակա միջավայրը և մարդկային կյանքերը։
Հայկական Կարմիր խաչի ընկերությունն արդեն չորս տարի է իրականացնում է նաև «Հայաստանում առաջին արձագանքման կամավորական ծառայության ինստիտուցիոնալիզացում․ VolFiRe» ծրագիրը։
Այս նախագիծնը կյանքի է կոչվում Ավստրիական զարգացման գործակալության և Ավտրիական Կարմիր խաչի ֆինանսավորմամբ Հայկական Կարմիր խաչի ընկերության, Ավստրիական Կարմիր խաչի, Հայկական Կարիտասի, Կարիտաս Ավստրիայի և ՀՀ Ներքին գործերի նախարարության Փրկարար ծառայության սերտ համագործակցությամբ։ Ծրագրի աշխարհագրական ծածկույթն ընդգրկում է Հայաստանի 9 մարզերի 13 համայնքներ, մասնավորապես՝ Արենին, Բաղրամյանը, Ծաղկաձորը, Տեղը, Ապարանը, Ճամբարակը, Գառնին, Կապանը, Նոյեմբերյանը, Սպիտակը, Թալինը, Վայքը և Վեդին։
Հայաստանի քաղաքացիական պաշտպանության համակարգն ավանդաբար հենվել է պետական պրոֆեսիոնալ ծառայությունների վրա, ինչը սահմանափակում է արձագանքման հնարավորությունները հեռավոր շրջաններում և խոշոր աղետների ժամանակ։ VolFiRe ծրագիրը, հիմնվելով նախկինում իրականացված «StrengthVol» պիլոտային նախագծի փորձի վրա, նպատակ ունի ներդնել և ազգային համակարգում ինտեգրել Կամավորական հրշեջ-փրկարարական խմբերի մոդելը, որը թույլ կտա ձևավորել համայնքահեն և կայուն արձագանքման մեխանիզմ։
Այս մոդելի շրջանակներում կամավորները պայմանագրեր են կնքում Հայկական Կարմիր խաչի ընկերության հետ և ՆԳՆ Փրկարար ծառայությունում ատեստավորման քննություններ հանձնելուց հետո ստանում փրկարարի պաշտոնական վկայական։ Կամավորական խմբերը գործում են մշտական 24/7 ռեժիմով՝ արձագանքելով 112 Օպերատիվ կառավարման կենտրոնի ահազանգերին: Ծրագրի մեկնարկից ի վեր գործող կայանների թիվը 2-ից հասել է 13-ի, իսկ կամավորներն արձագանքել են շուրջ 190 իրական պատահարների, որոնք ներառում են անտառային և կենցաղային հրդեհներ, ջրհեղեղներ ու ճանապարհատրանսպորտային պատահարներ։
Ծրագրի ընթացքում զգալի աճ են գրանցել նաև կամավորների ներգրավվածության և ներառականության ցուցանիշները։ Եթե 2024 թվականի սկզբին ցանցն ուներ ընդամենը 80 ակտիվ կամավոր, ապա 2025-2026 թվականների դրությամբ համայնքներում ներգրավված է արդեն 190 կամավոր, որոնցից 124-ը լիարժեք որակավորված փրկարարներ են։ Կամավորների պաշտպանվածությունն ապահովելու նպատակով Հայկական Կարմիր խաչի ընկերության կողմից 190 անձի տրամադրվել է կյանքի ապահովագրություն։ Դրական փոփոխություն է արձանագրվել նաև գենդերային կազմում. կանանց թիվը 3-ից հասել է 23-ի՝ կազմելով ընդհանուր թվի 12 տոկոսը։ Բացի այդ, խմբերում ներգրավվել է հաշմանդամություն ունեցող 2 կամավորներ, ինչը փաստում է համակարգի ներառականության մասին։
Կարողությունների զարգացման ուղղությամբ իրականացվել է դասընթացավարների վերապատրաստման 3 փուլ, իսկ Ավստրիական Կարմիր խաչի փորձագետների մասնակցությամբ անցկացվել են գործնական սիմուլյացիոն վարժանքներ և առաջին օգնության դասընթացներ։ Տեխնիկական հագեցվածության ապահովման շրջանակներում ՀՀ ՆԳՆ ՓԾ-ի կողմից հրշեջ-փրկարարական մեքենաներ են տրամադրվել 13 համայնքների, իսկ ծրագրի կողմից անհրաժեշտ մասնագիտական գույք ու հանդերձանք ստացել են բոլոր խմբերը: Ենթակառուցվածքների բարելավման նպատակով Նոյեմբերյան, Սպիտակ և Բաղրամյան համայնքներում իրականացվել են կայանների վերանորոգման աշխատանքներ, իսկ Վեդիում, Ապարանում ու Վայքում կառուցվում են նոր կայաններ:
Արտակարգ դեպքերի, հատկապես անտառային հրդեհների կտրուկ աճը, որը 2025 թվականի առաջին կիսամյակում գերազանցել է 2000-ը, հիմնավորում է տեղական մակարդակում արագ արձագանքման ուժերի հրատապ անհրաժեշտությունը։ Այս մոդելի երկարատև կայունությունն ու ինստիտուցիոնալացումն ապահովելու նպատակով ներկայումս կնքվում են քառակողմ համաձայնագրեր ՀՀ ՆԳՆ Փրկարար ծառայության, Հայկական Կարմիր խաչի ընկերության, համայնքապետարանների և մարզպետարանների միջև։ Բացի այդ, ՆԳՆ Փրկարար ծառայության հետ համատեղ մշակվում են օրենսդրական փոփոխություններ՝ Կամավորական հրշեջ-փրկարարական խմբերի մոդելը քաղաքացիական պաշտպանության ազգային համակարգում պաշտոնապես և վերջնականապես ներառելու համար։
Բոլոր իրավունքները պաշտպանված են: Մեջբերումներ անելիս հղումը պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց հղման արգելվում է: Կայքում տեղ գտած տեսակետները կարող են չհամընկնել խմբագրության կարծիքի հետ: Գովազդների բովանդակության համար կայքը պատասխանատվություն չի կրում:
Սյունիքի մարզ աշխատանքային այցի շրջանակում Մարդու իրավունքների պաշտպան Անահիտ Մանասյանն այցելել է «ՎԻՆՆԵԹ Գորիս» զարգացման հիմնադրամ, որտեղ հանդիպել է հիմնադրամի անձնակազմի և շահառուների հետ։
Հիմնադրամի տնօրեն Ռուզաննա Տոռոզյանը ներկայացրել է կազմակերպության գործունեության հիմնական ուղղությունները, իրականացված և ընթացիկ ծրագրերը, ինչպես նաև առաջիկա նախաձեռնությունները։ Նա նշել է, որ «ՎԻՆՆԵԹ Գորիս» զարգացման հիմնադրամը երկար տարիներ իրականացնում է կանանց տնտեսական և սոցիալական զորեղացման, համայնքային զարգացման, քաղաքացիական մասնակցության խթանման և կարողությունների զարգացմանն ուղղված ծրագրեր՝ առանձնահատուկ ուշադրություն դարձնելով խոցելի վիճակում գտնվող խմբերին աջակցությանը։
Հանդիպման ընթացքում Անահիտ Մանասյանը կարևորել է կանանց իրավունքների արդյունավետ պաշտպանությունը՝ հատկապես ուշադրություն հրավիրելով հաշմանդամություն ունեցող, ազգային փոքրամասնությունների համայնքները ներկայացնող և բռնի տեղահանված կանանց իրավունքների ապահովման անհրաժեշտության վրա։
Պաշտպանը նշել է, որ այդ խմբերի ներկայացուցիչների սոցիալական ներառումն ու տնտեսական զորեղացումը մարդու իրավունքների պաշտպանության կարևոր ուղղություններից են։
Ընդգծվել է, որ կանանց տնտեսական անկախության խթանումը միայն սոցիալական կամ տնտեսական խնդիր չէ, այլ մարդու հիմնարար իրավունքների իրացման կարևոր նախապայման։
«Յուրաքանչյուր կին պետք է ունենա հավասար հնարավորություն կրթություն ստանալու, աշխատելու, սեփական կարողություններն իրացնելու և հասարակական կյանքին լիարժեք մասնակցելու համար։ Առանձնահատուկ ուշադրության կարիք ունեն այն կանայք, որոնք միաժամանակ բախվում են մի քանի խոցելիության գործոնների։ Պետության և քաղաքացիական հասարակության համատեղ ու հետևողական աշխատանքը կարող է էական դեր ունենալ նրանց իրավունքների իրական պաշտպանության և հնարավորությունների ընդլայնման գործում»,– նշել է Անահիտ Մանասյանը։
Քննարկվել են բռնի տեղահանված անձանց սոցիալական ապահովության իրավունքի արդյունավետ երաշխավորման, նրանց սոցիալական իրավունքների պաշտպանության և առկա հիմնախնդիրների լուծմանն ուղղված հարցեր։ Անդրադարձ է կատարվել նաև բռնի տեղահանված անձանց համար իրականացվող սոցիալական աջակցության ծրագրերին, դրանց հասանելիության, կիրառման ընթացքում ի հայտ եկող խնդիրներին, ինչպես նաև աջակցության միջոցառումների արդյունավետության բարձրացման հնարավորություններին։
Պաշտպանն անդրադարձել է նաև կանանց իրավունքների պաշտպանության հարցերում հանրային պատասխանատվության և զգայուն մոտեցման կարևորությանը՝ ընդգծելով, որ հատկապես հանրային դերակատարների խոսքն ու վարքագիծը պետք է նպաստեն հավասարության, փոխադարձ հարգանքի և խտրականության բացառման մշակույթի ձևավորմանը։
Քննարկման ընթացքում հիմնադրամի շահառուները բարձրաձայնել են իրենց հուզող մի շարք խնդիրներ, որոնք վերաբերում էին համայնքային ենթակառուցվածքների մատչելիությանը, սոցիալական աջակցության ծրագրերի հասանելիությանը, զբաղվածության սահմանափակ հնարավորություններին, կրթական և վերապատրաստման ծրագրերի հասանելիությանը, հանրային պաշտպանների կողմից անվճար հիմունքներով իրավաբանական
օգնության տրամադրման հարցերին, ինչպես նաև հաշմանդամություն ունեցող անձանց իրավունքների ապահովմանը։
Անահիտ Մանասյանը նշել է, որ բարձրացված բոլոր հարցերը գտնվում են Մարդու իրավունքների պաշտպանի ուշադրության կենտրոնում և, մանդատի շրջանակում, կդառնան հետագա քննարկման առարկա՝ նպաստելով դրանց համակարգային լուծումների մշակմանը։
Հանդիպման ավարտին մասնակիցները շնորհակալություն են հայտնել Մարդու իրավունքների պաշտպանին այցի և բաց քննարկման համար՝ պատրաստակամություն հայտնելով շարունակել համագործակցությունը մարդու իրավունքների պաշտպանության ոլորտում։
Մարդու իրավունքների պաշտպանի մարզային այցերը կրում են շարունակական բնույթ՝ նպատակ ունենալով տեղում բացահայտել համակարգային խնդիրները, խթանել արդյունավետ համագործակցությունը և նպաստել մարդու իրավունքների առավել արդյունավետ պաշտպանությանը Հայաստանի բոլոր մարզերում։
Գագիկ Ծառուկյանի ընտանիքին պատկանող «Առինջ մոլ» առևտրի կենտրոնում ՊԵԿ-ը վաղ առավոտից ստուգումներ է իրականացնում։ 24News-ի տեղեկություններով, ստուգումները կապված են խոշոր չափերի հարկերի հնարավոր թաքցման կասկածների հետ։
ՊԵԿ-ից, սակայն, ստուգումներին առնչվող որևէ տեղեկություն չտրամադրեցին՝ միայն նշելով, որ հրապարակման ենթակա ցանկացած տեղեկատվություն օպերատիվ կերպով տրամադրվում է
Երևան քաղաքի առաջին ատյանի ընդհանուր իրավասության քաղաքացիական դատարանը, դատավոր Ա.Կարաքեհյանի նախագահությամբ բավարարել է Կարեն Ջալավյանի (Քյոխ) հայցն ընդդեմ Ռոման Բաղդասարյանի՝ պարտավորեցնելով վերջինիս իր ֆեյսբուքյան էջերով հրապարակել հերքում՝ հետևյալ բովանդակությամբ.
«Ես՝ Ռոման Բաղդասարյանս, հրապարակային հայտարարում եմ, որ 2026 թվականի փետրվարի 5-ին «facebook.com» սոցիալական կայքի էջերումս հրապարակած այն արտահայտությունները, թե Կարեն Ջալավյանը (Քյոխը) գողացել է զինվորներից սնունդը և նրանց առանց ջրի պահել, Եղնիկներում ծաղրել և նվաստացրել է մեր զինվորներին, սովի է մատնել, ինչպես նաև Քյոխը մարդ է, որը միշտ ատել է Հայաստանից եկած զինվորներին, չեն համապատասխանում իրականությանը»:
Դատարանը նաև պարտավորեցրել է Ռոման Բաղդասարյանին որպես բարոյական վնասի փոխհատուցում Կարեն Ջալավյանին վճարել 100.000 ՀՀ դրամ:
Երևան քաղաքի առաջին ատյանի ընդհանուր իրավասության քաղաքացիական դատարանը այսօր՝ հուլիսի 20-ին, դատավոր Ա.Կարաքեհյանի նախագահությամբ բավարարել է Կարեն Ջալավյանի (Քյոխ) հայցն ընդդեմ Ռոման Բաղդասարյանի։
Դատարանը պարտավորեցրել է վերջինիս իր ֆեյսբուքյան էջերով հրապարակել հերքում՝ նշելով, որ 2026 թվականի փետրվարի 5-ին արված այն գրառումները Քյոխի վերաբերյալ չեն համապատասխանում իրականությանը, և որպես բարոյական վնասի փոխհատուցում Կարեն Ջալավյանին վճարել 100.000 ՀՀ դրամ։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Վեոլիա Ջուր» ընկերությունը տեղեկացնում է իր հաճախորդներին եւ սպառողներին, որ վթարի վերացման աշխատանքներով պայմանավորված, ս.թ. հուլիսի 21-ին ժամը 10:00-22:00-ն կդադարեցվի Կոտայքի մարզի Ծաղկաձոր քաղաքի ջրամատակարարումը:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Երևան քաղաքի առաջին ատյանի ընդհանուր իրավասության քաղաքացիական դատարանը այսօր՝ հուլիսի 20-ին, դատավոր Ա.Կարաքեհյանի նախագահությամբ բավարարել է Կարեն Ջալավյանի (Քյոխ) հայցն ընդդեմ Ռոման Բաղդասարյանի։