24News-ին հայտնի դարձավ, որ «Արարատ ցեմենտ» ՓԲԸ-ում օրեր առաջ՝ խուզարկություն իրականացնելու ընթացքում և հետո, գործարանի մի խումբ աշխատակիցների կանչել են Քննչական կոմիտե՝ հարցաքննության՝ ոչ թե հարուցված քրեական գործի ու խուզարկության շրջանակներում, այլ հետաքրքրվել են՝ ԲՀԿ-ի հանրահավաքներին ստիպե՞լով, բռնի ուժո՞վ են տարել, ինչքա՞ն գումար են տվել, որ մասնակցեն հավաքներին։ Ընդ որում, ոչ թե մարզային վարչություն են հրավիրել, այլ Երևան` Պարույր Սևակ՝ Երևան քաղաքի քննչական վարչություն:
Հիշեցնենք, որ օրեր առաջ ԲՀԿ առաջնորդ Գագիկ Ծառուկյանին վերաբերող քրեական գործի շրջանակներում խուզարկություններ են իրականացվել նաև «Արարատ ցեմենտ» ՓԲԸ-ում: Իրավապահները կապարակնքել և հեռացել էին գործարանից:
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված ս.թ հուլիսի 9-ին ժամը 10:00- 19:00-ն կդադարեցվի Վերին Արտաշատ գյուղի ջրամատակարարում
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Ժամանակակից արտադրությունը վաղուց այլևս միայն սարքավորումների, տեխնոլոգիաների և հզորությունների մասին չէ։ Այսօր նույնիսկ գերժամանակակից գործարանը կարող է աշխատել աննախադեպ արտադրողականությամբ, սակայն կա մի բան, որը հնարավոր չէ ստեղծել որևէ արտադրական հոսքագծի վրա։ Հատկապես սննդի ոլորտում, որտեղ յուրաքանչյուր գնման հետևում մարդու առողջությունը, ընտանիքի սեղանի պարունակությունն ու ամենօրյա ընտրությունն են, վստահությունը հաճախ ավելի կարևոր է, քան գինը, փաթեթավորումը կամ նույնիսկ գովազդը։
Վերջին տարիներին սպառողների վարքագիծն ամբողջ աշխարհում զգալիորեն փոխվել է։ Եթե նախկինում մարդիկ հիմնականում ուշադրություն էին դարձնում ապրանքի արտաքին տեսքին կամ արժեքին, ապա այսօր սկսել են ակտիվ ուսումնասիրել բաղադրությունը, ծագումը, արտադրության պայմանները և արտադրողի հեղինակությունը։ Սա պատահական փոփոխություն չէ։ Տեղեկատվության հասանելիությունը մարդկանց ավելի պահանջկոտ է դարձրել։ Սպառողն այսօր ցանկանում է հասկանալ, թե ո՞վ է արտադրում իր սնունդը, ի՞նչ արժեքներ ունի այդ ընկերությունը և որքա՞ն պատասխանատու է իր գործունեության նկատմամբ։
Հենց այս պայմաններում են առանձնանում այն ընկերությունները, որոնք տարիների ընթացքում կառուցել են ոչ միայն արդյունավետ արտադրական գործընթացներ, այլև սպառողի հետ անմիջական կապ։ Հայաստանում այդպիսի օրինակներից է 30 և ավել տարիների պատմություն ունեցող, ոլորտի բացարձակ առաջատար «Աթենք» մսամթերքի ընկերությունը։ Ընկերության հաջողությունը դժվար է բացատրել միայն արտադրանքի բազմազանությամբ, որակով կամ արտադրական ծավալներով։ Շուկայում բազմաթիվ ընկերություններ կարող են առաջարկել նմանատիպ ապրանքներ, ներդնել նոր տեխնոլոգիաներ կամ ընդլայնել արտադրությունը, սակայն ոչ բոլորին է հաջողվում տարիներ շարունակ պահպանել սպառողի վստահությունը։
Սննդամթերքի ոլորտում վստահությունը ձևավորվում է դանդաղ, բայց կարող է մեկ ակնթարթում կորցնել իր արժեքը։ Հենց այդ պատճառով երկարաժամկետ հաջողության հիմքում ընկած է ոչ միայն հաջողված արտադրանքը, այլև հետևողականությունը։ Սպառողը ցանկանում է վստահ լինել, որ հաջորդ գնումը նույն փորձառությունն է ապահովելու, ինչ նախորդը, որ որակը չի փոխվելու, որ բրենդի նկատմամբ ձևավորված սպասումները կմնան նույնը։
Տարիների ընթացքում «Աթենք»-ի հաջողության կարևոր գործոններից մեկը հենց այդ կանխատեսելիությունն է եղել։ Մարդիկ սովորել են ստանալ այն, ինչ ակնկալում են։ Սակայն վստահությունը միայն որակի արդյունք չէ։ Կան գործոններ, որոնք նույնպես կարևոր դեր ունեն, օրինակ՝ բրենդի ներկայությունը մարդկանց առօրյայում։ Ապրանքանիշը կարող է ունենալ լավագույն արտադրանքը, սակայն եթե այն չի հասնում մարդկանց առօրյա, չի կարող դառնալ մասսայական ընտրություն։ «Աթենք»-ի զարգացման պատմությունը նաև բաշխման, ներկայության և հասանելիության պատմություն է։ Ընկերությունը կարողացել է լինել այնտեղ, որտեղ սպառողն է։
Թերևս ամենամեծ ձեռքբերումը մշակութային ներկայությունն է, հենց այն սահմանը, որը տարբերակում է բրենդը սովորական արտադրողից։ Շատերը ստեղծում են արտադրանք, բայց միայն քչերն են դառնում հիշողությունների, ավանդույթների և ընտանեկան պատմությունների մի մասը։
Հայաստանում դժվար է գտնել մի ընտանիք, որի սեղանին որևէ կերպ հայտնված չլինի «Աթենք»-ի արտադրանքը։ Ընտանեկան հավաքույթներ, տոնական սեղաններ, արագ պատրաստվող ընթրիքներ, ուսանողական տարիներ, աշխատանքային առօրյա. ապրանքանիշը տարբեր ձևերով ներկա է եղել և կա մարդկանց կյանքի բազմաթիվ փուլերում։ Երբ դա տեղի է ունենում, ընկերությունն արդեն մրցակցում է ոչ միայն ոլորտի այլ ընկերությունների, այլև մարդկանց հիշողությունների և սովորությունների հետ։ Սա այն մակարդակն է, որտեղ ապրանքանիշն սկսում է ունենալ ոչ միայն տնտեսական, այլև սոցիալական դեր։
Սակայն ժամանակակից սպառողը սպասում է ոչ միայն կայունություն, այլև զարգացում։ Շուկան անընդհատ փոխվում է, փոխվում են մարդկանց նախասիրությունները, առաջանում են նոր պահանջներ։ Այս պայմաններում երկար տարիների պատմություն ունեցող ընկերությունների գլխավոր մարտահրավերն է պահպանել այն, ինչի համար իրենց վստահում են, և միաժամանակ շարունակել զարգանալ։ Վերջին տարիներին «Աթենք»-ը փորձել է լուծել նաև հենց այս խնդիրը՝ շուկա ներկայացնելով նոր արտադրատեսակներ և նոր ձևաչափեր՝ համադրելով տարիների փորձն ու ժամանակակից սպառողի սպասումները։ Բացի այդ, վերջերս ընկերությունն իր արտադրական հնարավորություններն ավելացրել է՝գործարկելով գերժամանակակից արտադրական համալիր, որն իր հզորությամբ բացառիկ է ոչ միայն Հայաստանում, այլև ամբողջ տարածաշրջանում։
Ի վերջո, շուկայում երկար կյանք ունեցող ապրանքանիշերի արժեքը չի չափվում միայն վաճառքի ծավալներով, արտադրական հզորություններով կամ նոր արտադրատեսակներով։ Եվ թերևս հենց սա է պատճառը, որ որոշ ընկերություններ տարիների ընթացքում չեն մնում պարզապես արտադրողներ, այլ դառնում են մարդկանց առօրյայի մի մասը։
Իսկ այդպիսի դիրքը հնարավոր չէ գնել, հնարավոր չէ արագ կառուցել և հնարավոր չէ «արտադրել» գործարանում։
Հրազդանի միկրոշրջանում մի փոքրիկ անկյուն կա, որտեղ առաջին հայացքից արդեն աչքի է ընկնում յուրօրինակ միջավայրն ու ֆրանսիական նրբերանգներով տրամադրությունը։
«Ազնավուր» սրճարան-ռեստորանը, որը գործում է 2025 թվականից, առանձնանում է ոչ միայն իր յուրահատուկ միջավայրով, այլ նաև համարձակ գաղափարով՝ Հրազդանում ստեղծել ֆրանսիական շունչ ունեցող հանգստի վայր։
Այստեղ այցելուներին դիմավորում է Էյֆելյան աշտարակի մանրակերտը։ Ինտերիերն ու միջավայրը կառուցված են ֆրանսիական մոտիվներով, իսկ խոհանոցը համադրում է ֆրանսիական նրբաճաշակությունն ու տեղական համերը՝ ստեղծելով յուրահատուկ փորձառություն։
«Ազնավուր»-ը տարբերվում է շրջակայքում գտնվող սրճարաններից ոչ միայն իր դիզայնով. այստեղ մարդիկ գալիս են ոչ թե պարզապես սնվելու, այլև գեղեցիկ միջավայրում հաճելի երաժշտություն վայելելու համար։ Սրճարան-ռեստորանը զարգանալու և ընդլայնվելու ծրագրեր ունի։
Այս ճանապարհին, ինչպես և ստեղծման փուլում, կարևոր դեր է ունենալու Կոնվերս Բանկի հետ համագործակցությունը: Ի վերջո, ցանկացած ճանապարհ անհամեմատ հաճելի է անցնել վստահելի գործընկերոջ հետ:
Ֆինանսավորումն իրականացվել է Converse SME պրոդուկտի շրջանակում:
Հայաստանում մեկնարկում է նույնականացման քարտերի «ռեբրենդինգը», գրում է shantnews-ը։
Այս աշնանից մեր գրպաններում կհայտնվեն բոլորովին նոր փաստաթղթեր, որոնք ոչ միայն անխոցելի են կեղծումներից, այլև ունենալու են վառ ընդգծված ազգային դիմագիծ։ Թե ինչպիսին են լինելու նոր քարտերը, որքան կարժենան դրանք և ինչպես է կազմակերպվելու տրամադրման գործընթացը՝ տեսանյութում։
Քարտերի մեծածավալ տպագրությունն արդեն ավարտված է: Նույնականացման քարտի վրա կլինեն հայկական զարդանախշեր և ՀՀ դրոշի գույները՝ նպատակ ունենալով արտահայտել մեր ազգային դիմագիծը: Քարտերը տրամադրվելու են մասնավոր գործընկերոջ կողմից՝ 14 գրասենյակներում: Քաղաքացիները գրանցվելու են օնլայն, ապա մոտենալու են մասնավոր ընկերության գրասենյակ և համապատասխան գործընթացներից հետո ստանալու են քարտը:
Նոր քարտերն արժենանալու են 5850 ՀՀ դրամ և 5 տարի վավերականության ժամկետ են ունենալու:
Իրանի շուրջ հակամարտությունն ուժեղացնում է տարաձայնությունները ՆԱՏՕ-ի ներսում, քանի որ եվրոպական շատ դաշնակիցներ պատրաստ չեն աջակցել ԱՄՆ-ի կողմից դաշինքի հնարավոր ռազմական ներգրավմանը։ «РИА Новости»-ին հայտնել է փորձագիտական-դիվանագիտական շրջանակների եվրոպական աղբյուրը։
հակամարտությունը բաժանում է ՆԱՏՕ-ն, քանի որ դաշինքի եվրոպական շատ անդամներ հրաժարվում են բախման մեջ մտնել Իրանի հետ և ուղղակիորեն աջակցել ամերիկյան ռազմական գործողություններին Հորմուզի նեղուցի շրջանում՝ նախապատվությունը տալով դիվանագիտական մոտեցմանը։ ՆԱՏՕ-ի մի շարք եվրոպական անդամների՝ առաջին հերթին Մեծ Բրիտանիայի, Լեհաստանի և Մերձբալթյան երկրների համար ռուս-ուկրաինական հակամարտությունը մնում է ավելի կարևոր և առաջնահերթ»,- ասել է գործակալության զրուցակիցը։
ՀՀ նոտարական պալատի նախագահ Լիլիթ Մուրադյանը, նոտարական գործունեության ոլորտում ԱՊՀ երկրների Բազային կազմակերպության հասարակական խորհրդի անդամ Գայանե Ազարյանը և ՀՀ նոտարական պալատի էթիկայի հանձնաժողովի նախագահ Իռեն Սարգսյանը մասնակցել են նոտարական գործունեության ոլորտում ԱՊՀ երկրների Բազային կազմակերպության նախաձեռնած վեբինարին:
🎥Վեբինարը նվիրված էր ԱՊՀ անդամ պետություններում նոտարական էթիկային առնչվող արդի խնդիրներին։ ԱՊՀ անդամ պետությունների ներկայացուցիչները վեբինարի ընթացքում ներկայացրել են իրենց երկրներում նոտարների մասնագիտական էթիկայի սկզբունքները, նոտարին ներկայացվող պահանջները, օրենսդրական կարգավորումները: Քննարկվել են նաև կարգապահական պատասխանատվության առաջացման հիմքերը, կարգապահական վարույթի կարգը և կիրառվող կարգապահական տույժերը։
Վեբինարի ընթացքում նոտարական գործունեության ոլորտում ԱՊՀ երկրների Բազային կազմակերպության հասարակական խորհրդի անդամ Գայանե Ազարյանը հանդես է եկել զեկույցով, որի շրջանակում ներկայացրել է Հայաստանում նոտարի կարգավիճակի ձեռքբերման և դադարեցման իրավական կարգավորումները, ինչպես նաև «Նոտարիատի մասին» ՀՀ օրենքով նոտարին կարգապահական պատասխանատվության ենթարկելու հիմքերն ու ընթացակարգերը:
✔️Հայաստանի Հանրապետությունում նոտարական էթիկայի նորմերի առանձնահատկությունները միջազգային գործընկերներին ներկայացրել է ՀՀ նոտարական պալատի էթիկայի հանձնաժողովի նախագահ Իռեն Սարգսյանը։ Իր զեկույցի շրջանակում Իռեն Սարգսյանն անդրադարձել է նոտարական էթիկայի ոլորտում իրականացված վերջին փոփոխություններին, գործնականում հանդիպող խնդիրներին և դրանց կարգավորման առանձնահատկություններին:
Ռուսական Առաջին ալիքը գաղտնալսման ձայնագրություն է հրապարակել, ըստ որի՝ ԵԱՀԿ գլխավոր քարտուղարը պատրաստ է աջակցել Հայ Առաքելական Սուրբ Եկեղեցու Վեհափառ Հայրապետի հեռացմանը։ Այս մասին գրել է «Հանրապետություն» կուսակցության նախագահ Արամ Սարգսյանը։
«ՀՀ իշխանությունն արդեն բավական երկար ժամանակ այս թեման փաստացի դուրս էր բերել քաղաքական օրակարգից, մինչդեռ ՌԴ իշխանությունը նորից ակտիվացնում է։ Ինչո՞ւ։ Իմ կարծիքով՝ պատասխանը բավական պարզ է։ ՌԴ իշխանության նպատակն է հնարավորինս համախմբել ՀՀ իշխանության ընդդիմախոսներին։ Այս հրապարակմամբ, ըստ էության, Մոսկվան ուղերձ է հղում Ամենայն Հայոց Կաթողիկոսին, որ վերջին շրջանում որդեգրած չեզոք դիրքորոշումը չի բխում ոչ իր, ոչ ՌԴ շահերից, և ակնկալում է ավելի ակտիվ հակադրություն իշխանություններին։
Հ.Գ. Պուտինն իսկապես Նիկոլ Փաշինյանի ընկերն է՝ ոխերիմ ընկերը»,-գրել է նա։
ՀՀ նոտարական պալատի նախագահ Լիլիթ Մուրադյանը, նոտարական գործունեության ոլորտում ԱՊՀ երկրների Բազային կազմակերպության հասարակական խորհրդի անդամ Գայանե Ազարյանը և ՀՀ նոտարական պալատի էթիկայի հանձնաժողովի նախագահ Իռեն Սարգսյանը մասնակցել են նոտարական գործունեության ոլորտում ԱՊՀ երկրների Բազային կազմակերպության նախաձեռնած վեբինարին: