Author: Balance2

ԱՄՆ-ն հարվածներ է հասցրել Իրանի հարավում գտնվող մի շարք ռազմակայանների, հայտնել է Իրանի պետական հեռարձակող ընկերությունը:

«Հակառակորդը յոթ արկ է արձակել Բուշեր քաղաքի ռազմակայանների ուղղությամբ, Դեյր շրջանում՝ հինգ արկ, Ասալույեում՝ չորս արկ», – հայտնել է իրանական հեռարձակողը:

Ավելի վաղ ԱՄՆ զինված ուժերի կենտրոնական հրամանատարությունը (CENTCOM) հայտնել էր Իրանի ուղղությամբ նոր հարվածների մասին: Ի պատասխան՝ իրանցի զինվորականները հարվածներ են հասցրել Մերձավոր Արևելքում գտնվող ամերիկյան օբյեկտներին:

Հիսուս Քրիստոսի Պայծառակերպության տոնը Հայ առաքելական Եկեղեցու հինգ տաղավար տոներից երրորդն է:

Պայծառակերպության տոնով հաստատվել է այն ճշմարտությունը, որ Հիսուս Աստծո որդին է: Տոնի թելադրանքն է՝ սիրել Աստծուն, լսել Նրա պատվիրանները և իրականցնել Աստծո կամքը:

Գրիգոր Տաթևացին տոնի «Վարդավառ» անունը բացատրում է Հիսուսի` վարդի հետ համեմատությամբ. ինչպես վարդը մինչև բացվելը թաքնված է իր պատյանի մեջ և բացվելով` երևում է բոլորին, այնպես էլ Հիսուս մինչև այլակերպություն Իր մեջ կրում էր Աստվածության պայծառությունը և պայծառակերպվելով` հայտնեց Իր Աստվածությունը:

Վարդավառը գալիս ա, ծաղիկը ցնծալիս ա,

Այ գյուլում կանչող աղջիկ, ձենդ ծլվլալիս ա…

(«Սոնա յար» Կոմիտաս)

Ժողովրդի մեջ տոնն առավել հայտնի է Վարդավառ անունով:  

Վարդավառը համընկնում էր դաշտերում հասունացած հացահատիկների հավաքին: Տոնի օրը գրեթե ամենուր հասկեր էին տանում եկեղեցի` խնդրելով, որ դաշտերը կարկուտից և մորեխից անվնաս մնան: Ցորենի հասկերից «Խաչբուռ» էին պատրաստում: Դրանք լինում էին խաչաձև, ծառի ճյուղի, ծաղկեփնջի նման և այլն:

Ինչպես առաջին խաղողն ուտում էին Վերափոխման կամ Խաղողօրհնեքի տոնին, այնպես էլ տարվա առաջին խնձորն ուտում էին Վարդավառին: Մինչև Վարդավառ ընդունված էր խնձոր չուտել, «խնձորի պաս» էր: 

Տոնի կարևոր պայմաններից է միմյանց վրա ջուր ցողելը: Հատկապես երիտասարդներն առուների եզրին կամ աղբյուրների մետ հավաքվելով՝ ժամեր շարունակ ուրախ կատակներով, ճիչ ու աղմուկով ջուր էին ցողում միմյանց վրա:

Վարդավառը ցնծության, կերուխումի, երգ ու պարի տոն էր` ողողված վարդերով, ծաղիկներով ու ջրով:

Վարդավառի տոնին նախորդում է շաբաթապահքը: Իսկ հաջորդ օրը, ինչպես տաղավար բոլոր տոներից հետո, Մեռելոց է. բոլոր եկեղեցիներում ննջեցյալների հոգիների համար մատուցվում է Ս. Պատարագ և կատարվում հոգեհանգիստ:

Հուլիսի 11-ին՝ ժամը 21։16-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևան քաղաքի Եղվարդի խճուղում ծառն ընկել է մոպեդի վրա․ անհրաժեշտ է փրկարարների օգնությունը։ Այդ մասին հայտնում է ՆԳՆ փրկարար ծառայությունը:

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ ծառն ընկել է ընթացող մոպեդի վրա․ վերջինի վարորդը մահացել է։ Ծառի ընկնելու հետևանքով վնասվել է նաև Honda մակնիշի ավտոմեքենա։

Փրկարարները սահմանազատել են տարածքը և ճանապարհի երթևեկելի հատվածից հեռացրել ծառը։

Օրեր առաջ համացանցում լայն տարածում գտած տեսանյութը, որտեղ պատկերված էր, թե ինչպես են Ազգային անվտանգության ծառայության (ԱԱԾ) աշխատակիցները գործարար, «Բարգավաճ Հայաստան» կուսակցության նախագահ Գագիկ Ծառուկյանին նրա առանձնատանը բերման ենթարկում՝ կիրառելով ֆիզիկական ուժ, շարունակում է մնալ հանրային և քաղաքական քննարկումների կենտրոնում։

Այս պատմության ամենացավալի և մարդկային կողմը հանրությանը հայտնի դարձավ երեկ։ Մամուլում հրապարակվեց, որ համացանցում տարածված տեսանյութը դիտելուց հետո կտրուկ վատացել է Գագիկ Ծառուկյանի 93-ամյա մոր առողջական վիճակը։ Ավելի ուշ այդ տեղեկությունը հաստատեց նաև Գագիկ Ծառուկյանի խոսնակ Իվետա Տոնոյանը։

Որևէ մոր համար դժվար է հանգիստ հետևել, թե ինչպես են իր որդու նկատմամբ կիրառում ուժ, հատկապես այն պարագայում, երբ հրապարակված կադրերում վերջինս տեսանելի դիմադրություն չէր ցուցաբերում։ Հենց այս հանգամանքն էլ հանրության շրջանում առաջացրել է բազմաթիվ հարցեր՝ որքանո՞վ էր համաչափ նման գործողությունը և արդյոք հնարավոր չէր նույն իրավական նպատակը իրականացնել առավել զուսպ ու համաչափ միջոցներով։ Առավել ևս, որ գործողություններից հետո իրավապահները շուրջ 13 ժամ շարունակ իրականացրել են քննչական գործողություններ Ծառուկյանի առանձնատանը։

Անշուշտ, քրեական վարույթի իրավական գնահատականը պետք է տրվի բացառապես օրենքի շրջանակներում, և գործի բոլոր հանգամանքները պետք է պարզվեն իրավական ընթացակարգերով։ Սակայն այս պատմությունն արդեն վաղուց դուրս է եկել զուտ իրավական դաշտից՝ վերածվելով լայն հասարակական քննարկման թեմայի։

Այս օրերին սոցիալական ցանցերում և հանրային հարթակներում իրենց աջակցությունն են հայտնել բազմաթիվ հայտնի մարզիկներ, աշխարհի ու Եվրոպայի չեմպիոններ, օլիմպիական խաղերի մասնակիցներ, մշակույթի գործիչներ, քաղաքական և հասարակական դեմքեր։ Նրանք իրենց հրապարակումներում խոսել են Գագիկ Ծառուկյանի՝ տարիների ընթացքում հայկական սպորտի, բարեգործության և հասարակական կյանքի տարբեր ոլորտներում ունեցած ներդրման մասին՝ ընդգծելով, որ իրավական բոլոր գործընթացները պետք է իրականացվեն օրենքի, համաչափության և մարդու արժանապատվության պահպանման սկզբունքներով։

Գագիկ Ծառուկյանը երկար տարիներ եղել է հայկական սպորտի գլխավոր աջակիցներից մեկը։ Նրա անմիջական աջակցությամբ բազմաթիվ մարզաձևեր ստացել են զարգացման հնարավորություն, կառուցվել ու վերանորոգվել են մարզական համալիրներ, իսկ հարյուրավոր հայ մարզիկներ միջազգային մրցահարթակներում կարողացել են արժանապատվորեն ներկայացնել Հայաստանը՝ բարձրացնելով երկրի պետական դրոշը և հնչեցնելով ազգային օրհներգը։

Բարեգործության ոլորտում ևս նրա գործունեությունը լայն ընդգրկում է ունեցել։ Հատկապես 2020 թվականի պատերազմից հետո իրականացված աջակցության ծրագրերի շրջանակում բազմաթիվ արցախցի ընտանիքներ ստացել են բնակարանային, սոցիալական և ֆինանսական աջակցություն։ Հանրության ուշադրության կենտրոնում էր նաև Հատիս լեռան վրա Հիսուս Քրիստոսի հուշարձանի կառուցման նախաձեռնությունը, որը նախատեսվում էր իրականություն դարձնել որպես համահայկական նշանակության նախագիծ և Հայաստանի զբոսաշրջության զարգացման կարևոր խորհրդանիշ։

Մտահոգիչ է նաև ստեղծված իրավիճակի տնտեսական կողմը։ Հանրային քննարկումների համաձայն՝ Գագիկ Ծառուկյանի հետ փոխկապակցված բիզնեսների գործունեության դադարեցման հետևանքով շուրջ 10 հազար աշխատակից կարող է կանգնել աշխատանքը կորցնելու վտանգի առաջ։ Նման զարգացումները կարող են ծանր սոցիալական հետևանքներ ունենալ հազարավոր ընտանիքների համար, որոնց ապրուստի հիմնական աղբյուրը հենց այդ աշխատատեղերն են։

Առանձին քննարկման թեմա է դարձել նաև Գագիկ Ծառուկյանի մասնավոր կենդանաբանական այգու կենդանիների տեղափոխումը։ Հրապարակված տեղեկությունների համաձայն՝ տեղափոխման ընթացքում անկել է առյուծներից մեկը, իսկ մյուս կենդանիները տեղափոխվել են այլ վայր։ Այս հանգամանքները նույնպես հանրության շրջանում բազմաթիվ հարցեր են առաջացրել, քանի որ կենդանիները որևէ առնչություն չունեին իրականացվող քրեական վարույթին։

Անկախ գործի վերջնական իրավական հանգուցալուծումից՝ հանրության զգալի հատվածը սպասում է, որ արդարադատությունը կիրականացվի բացառապես օրենքի, համաչափության, հարգանքի և մարդասիրության սկզբունքների պահպանմամբ։ Իրավական պետությունում արդարադատությունը պետք է ոչ միայն իրականացվի, այլև հասարակության համար լինի տեսանելի որպես արդար, հավասարակշիռ և արժանապատիվ գործընթաց։

Մարգարիտա Դավթյան