Հուլիսի 12-ին Սևանա լճի հանրային լողափերում հերթապահություն իրականացնող ջրափրկարարները նկատել են ափից տարբեր հեռավորությունների վրա շրջված ջրային մոտոցիկլետներ։
Ջրափրկարարների օպերատիվ արձագանքի շնորհիվ բոլոր քաղաքացիներն անվտանգ դուրս են բերվել ափ։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ՝ հուլիսի 12-ին, ավտովթար է տեղի ունեցել Երևանում։ Ժամը 22:20-ի սահմաններում Սեբաստիա փողոցում՝ «Եռաբլուր» զինվորական պանթեոնի մուտքի դիմաց, բախվել են 2 «Mercedes» և «Mitsubishi» մակնիշի ավտոմեքենաները։
Shamshyan.com-ի տեղեկություններով՝ վթարի հետևանքով 3 հոգի տարբեր աստիճանի մարմնական վնասվածքներով տեղափոխվել են «Աստղիկ» բժշկական կենտրոն։
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզում են ավտոմեքենաների սեփականատերերի, վարորդների և վիրավորների ինքնությունը։
«Լուսավոր Հայաստան» կուսակցության (ԼՀԿ) անդամ, Երևանի ավագանու նախկին պատգամավոր Դավիթ Խաժակյանը հայտարարել է կուսակցությունում իր առաքելությունն ավարտելու և հեռանալու մասին: Այս մասին նա տեղեկացրել է սոցցանցի իր էջերում տարածած հայտարարությամբ:
Խաժակյանը նշել է, որ 21 տարեկանում քաղաքականություն մտնելու որոշումը բարդ, բայց գիտակցված ընտրություն էր, որի համար չի ափսոսում, իսկ անցած տարիներն իր համար եղել են քաղաքական հասունացման շրջան։
«Փորձել եմ լինել թիմային խաղացող՝ հպարտանալով մեր համատեղ ձեռքբերումներով և պատասխանատվություն կրել ձախողումների համար»,- գրել է նա։
Քաղաքական գործիչը շնորհակալություն է հայտնել թիմակիցներին և ԼՀԿ նախագահ Էդմոն Մարուքյանին՝ ընդգծելով, որ խորհրդարանական ընտրություններին չմասնակցելը եղել է իր անձնական ընտրությունը:
Հայտարարության վերջում Խաժակյանը մեջբերել է Արթուր Մեսչյանի հայտնի տողերը՝ «Ես հեռանում եմ, որ դառնամ, հազար փակված դռներ բանամ…»՝ հավելելով, որ վերարժևորում է անցած ճանապարհը և շարժվում առաջ՝ նոր շնչով:
Հռոմի պապ Լևոն XIV-ը մտահոգություն է հայտնել աշխարհում զինված հակամարտությունների թվի աճի կապակցությամբ և կոչ է արել շարունակել լուծումներ փնտրել երկխոսության և դիվանագիտության միջոցով։
«Ցավոք, պատերազմի քամիները կրկին փչում են Մերձավոր Արևելքում, Ուկրաինայում և աշխարհի բազմաթիվ այլ հատվածներում՝ սերմանելով բռնություն, ահաբեկչություն ու մահ և կրկին անդրադառնալով բազմաթիվ անմեղ մարդկանց վրա», — գրել է պոնտիֆիկոսը X սոցիալական ցանցում։
դիտվել է 40 անգամ
Լրահոս
Ամենաընթերցվածները
Շուտով
Հուլիսի 13-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Հուլիսի 13-ին՝ ժամը 14։00-ին, Հայելի ակումբի հյուրն է Լևոն Զուրաբյանը
Հուլիսի 13-ին՝ ժամը 12։00-ին, Հայելի ակումբի հյուրն է Կարինե Նալչաջյանը
Հուլիսի 13-ին՝ ժամը 11։00-ին, Հայելի ակումբի հյուրն է Հայկ Նահապետյանը
Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը
Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը
Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
ՀՀ ԱԺ պատգամավոր Տիգրան Աբրահամյանը ֆեյսբուքյան իր էջում գրում է․
«Մինչ տեղական կառավարիչը հայտարարում է, որ նոր Սահմանադրության տեքստը պատրաստ կլինի տարեվերջին, Բաքվից ի պատասխան հիշեցնում են, որ մինչև իրենց պահանջը չկատարվի՝ Սահմանադրությունը չփոխվի, խաղաղության պայմանագիր չեն ստորագրի։
Ադրբեջանը, խաղացնելով, իսկ տեղ-տեղ՝ պարեցնելով, այնքան է «քշելու» փաշինյանական իշխանությանը, մինչև իր բոլոր նախապայմաններն ու պահանջները կատարվեն։
Թե հընթացս ինչ նոր ծրագրեր կկազմվեն և ինչ կպարտադրվի գործող իշխանությանը, դեռ դժվար է ասել»,- գրել է նա։
Բաքուն միակողմանիորեն վերացրել է Երեւանի նկատմամբ սահմանված բոլոր տարանցիկ սահմանափակումները, ասել է Ադրբեջանի նախագահ Իլհամ Ալիեւը Շուշիում 4-րդ գլոբալ մեդիա ֆորումի բացման ժամանակ։
Ալիեւը նշել է, որ Ռուսաստանից, Ղազախստանից և այլ երկրներից Ադրբեջանով Հայաստան են տեղափոխվել ավելի քան 40,000 տոննա տարբեր բեռներ։ «Ավելին, Ադրբեջանն ինքն է սկսել նավթամթերք արտահանել Հայաստան։ Եթե չեմ սխալվում, մինչ օրս մատակարարվել է ավելի քան 10,000 տոննա նավթամթերք։ Հատկապես ներկայիս իրավիճակում, երբ շատ երկրներ վառելիքի պակասի են բախվում, Հայաստանն ունի վառելիքի հուսալի աղբյուր, և այդ աղբյուրը Ադրբեջանն է։ Առանց դրա, Հայաստանը, հավանաբար, ստիպված կլիներ բենզին և դիզելային վառելիք փնտրել աշխարհի այլ վայրերում», – ընդգծել է Իլհամ Ալիեւը։
Իրանի դեմ ագրեսիային երրորդ երկրների ցանկացած մասնակցություն նրանց կդարձնի պատասխան հարվածների օրինական թիրախներ, հայտնում է իրանական Mehr գործակալությունը՝ հղում անելով Իրանի ԱԳՆ-ի հայտարարությանը։
«Ագրեսոր կողմերի հետ ցանկացած մասնակցություն կամ համագործակցություն հետևանքներ կունենա, և այն աղբյուրներն ու վայրերը, որտեղից Իրանի դեմ հարվածներ են հասցվում, կդառնան Իրանի Իսլամական Հանրապետության զինված ուժերի պաշտպանական հարվածների օրինական թիրախներ», – ասված է գործակալության հաղորդագրության մեջ։
Ավելի վաղ ԱՄՆ ԶՈՒ կենտրոնական հրամանատարությունը (CENTCOM) հայտնել էր Իրանի դեմ հերթական հարձակման ավարտի մասին, որը տևել էր գրեթե վեց ժամ։
«Լուսավոր Հայաստան» կուսակցության Կառավարման խորհրդի որոշմամբ՝ Գևորգ Գորգիսյանն ընտրվել է կուսակցության փոխնախագահ: Այս մասին տեղեկացնում են կուսակցությունից: Գևորգ Գորգիսյանը երկար տարիներ ակտիվ մասնակցություն է ունեցել կուսակցության քաղաքական և կազմակերպչական գործունեությանը՝ իր ներդրումն ունենալով կուսակցության զարգացման, ծրագրային առաջնահերթությունների առաջմղման և քաղաքական գործունեության իրականացման գործում։
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր՝ հուլիսի 12-ին, կրակոցներ են հնչել Երևանում։ Ժամը 19։20-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Արաբկիրի բաժնում և ՀՀ ՆԳՆ ոստիկանության քրեական ոստիկանության գլխավոր վարչության Երևան քաղաքի վարչությունում միաժամանակ օպերատիվ տեղեկություններ են ստացվել, որ Վաղարշյան փողոցի 24/6 շենքի բակային հատվածում միջադեպ է տեղի ունեցել, որի ժամանակ հնչել են կրակոցներ և կան վիրավորներ։
Shamshyan.com-ի տեղեկություններով, օպերատիվորեն ժամանել են Երևանի 1-03 շտապօգնության բժիշկների 2 հերթապահ խումբ, ովքեր ըստ դեպքի վայրում հավաքվածների 2 հոգու բուժօգնություն են ցուցաբերել, ապա տեղափոխել Երևանի տարբեր մասնագիտացված հիվանդանոցներ։
Դեպքի վայրում հայտնաբերվել են կրակված պարկուճներ, գնդակ, վնասված ավտոմեքենաներ, մեկ այլ ավտոմեքենայի վրա էլ առկա է կրակոցի հետք, իսկ մեկ այլ ավտոմքենայի վրա՝ արնանման հետքեր, հայտնաբերվել է նաև կացինի պոչ, որի վրա նույնպես կա արնանման հետքեր, գլխարկներ, հողաթափեր, որոնց վրա նույնպես առկա են արնանման հետքեր։
Դեպքի փաստով Արաբկիրի քննչական բաժնում նախաձեռնվել է քրեական վարույթ, որտեղ էլ պարզվում են դեպքի հանգամանքները, վնասվածք ավտոմեքենաների սեփականատարերի, վիրավորների և դեպքի մասնակիցների ինքնությունը։
Հայ Առաքելական Եկեղեցու Մասյացոտնի թեմի առաջնորդ Գերաշնորհ Տեր Ռուբեն եպիսկոպոս Զարգարյանի քարոզը՝ խոսված Արարատի Սուրբ Հակոբ եկեղեցում՝ Պայծառակերպության տոնի առիթով.
«Դա է որդի իմ սիրելի ընդ որ հաճեցայ, դմա լուարուք»
«Սա է իմ սիրելի Որդին, որին հավանեցի, նրա՛ն լսեցեք» (Մտթ․ ԺԷ 5)։
Սիրելի՛ բարեպաշտ ժողովուրդ
Սուրբ Հակոբ եկեղեցու սիրելի՛ հավատացյալներ,
Այսօր տաղավար տոն է՝ Սուրբ Պայծառակերպության կամ Վարդավառի լուսաշող տոնը, որով Սուրբ Եկեղեցին մեզ բարձրացնում է Թաբոր լեռ, որպեսզի մեր աչքերը տեսնեն այն, ինչ սովորական աչքը չի տեսնում, և մեր սրտերը լսեն այն, ինչ աշխարհի աղմուկի մեջ հաճախ չի լսվում. «Սա է իմ սիրելի Որդին, որին հավանեցի, նրա՛ն լսեցեք»։ Պետրոս, Հակոբոս և Հովհաննես առաքյալներին տրված երկնային այս հայտնությունը մշտահունչ պատգամ է՝ ուղղված ամբողջ Եկեղեցուն և ամեն քրիստոնյայի։ Սինա լեռան վրա Աստված իր ժողովրդին տվեց Օրենքը, որպեսզի մարդը ճանաչի Աստծո կամքը, իսկ Թաբոր լեռան վրա հայտնեց իր Որդուն, Ով Ինքն է Աստծո կամքի կատարյալ հայտնությունը։ Եթե Սինայում Աստված ասաց՝ ինչպես պետք է ապրել, ապա Թաբորում ցույց տվեց՝ Ում պետք է հետևել։ Այդ պատճառով էլ ամպից հնչեց ոչ թե նոր պատվիրան, այլ մեկ պատգամ. «Դա է իմ սիրելի Որդին, նրա՛ն լսեցեք»։
Հետևաբար, քրիստոնյայի համար Աստծո կամքը Քրիստոսի կենդանի ձայնն է․ ով լսում է նրան, կատարում է ամբողջ Օրենքը, որովհետև Քրիստոս լրումն է Օրենքի և մարգարեությունների (Հռոմ. Ժ 4)։ Թաբորի վրա հնչած երկնային ձայնը դառնում է քրիստոնեական կյանքի ամենահակիրճ բանաձևը. քրիստոնյա լինել նշանակում է լսել Քրիստոսին։ Այսօր աշխարհը լեցուն է ձայներով, որոնք ձգտում են գրավել մարդու միտքն ու սիրտը։ Ամեն օր մեզ առաջարկվում են նոր ճշմարտություններ, նոր արժեքներ, նոր ճանապարհներ։ Սակայն հավատացյալի կոչումն է բոլոր այդ ձայների միջից տարբերակել մեկ Ձայն՝ Բարի Հովվի ձայնը։ Այդ Ձայնը չի խաբում, չի մոլորեցնում, չի փոխվում ժամանակին զուգընթաց, որովհետև Քրիստոս «նույնն է երեկ, այսօր և հավիտյան»։ Նրա խոսքը պարզապես ուսուցում չէ, այլ կյանք պարգևող զորություն, որովհետև «հոգի է և կյանք» (Հովհ. Զ 63)։
Սիրելի՛ հավատացյալներ,
Տոնական օրվա Ավետարանը մեզ ներկայացնում է մի ուղեցույց, որի յուրաքանչյուր քայլը պատրաստում է հաջորդը։ Եվ այդ ամենն սկսվում է մի հարցից, որը հնչում է ոչ միայն Կեսարիայի ճանապարհին, այլև այսօր՝ մեր սրտերում․ «Դո՞ւք ինչ եք կարծում, ո՞վ եմ ես» (Մտթ․ ԺԶ 15)։ Ավետարանի ամենաանձնական հարցերից մեկը, որով Հիսուս ակնկալում է ամեն մեկիս անձնական պատասխանը։ Եթե Հիսուս մեզ համար պարզապես մեծ ուսուցիչ է կամ պատմության նշանավոր դեմք, ապա նրա խոսքերը կարող են մեզ միայն հիացնել։ Բայց եթե, Պետրոսի նման, մեր սրտի խորքից հռչակում ենք՝ «Դու Քրիստոսն ես՝ կենդանի Աստծո Որդին», ապա այս խոստովանությունը այլակերպում է մեր կյանքը, որովհետև այդ պահից մենք հետևում ենք ոչ թե մի ուսուցչի, այլ կենդանի Աստծո Որդուն։
Ուշագրավ է, որ Տերը չի թողնում աշակերտներին կանգ առնել միայն հավատքի խոստովանության վրա։ Պետրոսի շուրթերից դեռ չէր լռել «Դու Քրիստոսն ես․․․» խոսքը, երբ Հիսուս արդեն խոսում է ոչ թե փառքի, այլ խաչի մասին։ Նա հայտնում է, որ Մեսիայի ճանապարհը անցնում է չարչարանքի, մերժման, մահվան և ապա հարության միջով։ Ավելին՝ նույն ճանապարհն առաջարկում է նաև իր աշակերտներին․ «Եթե մեկն ուզում է հետևել ինձ, թող ուրանա իր անձը, վերցնի իր խաչը և գա իմ հետևից» (Մտթ․ ԺԶ 24)։ Այդպես Քրիստոս ցույց է տալիս, որ հավատքի ճշմարիտ խոստովանությունը վերածվում է կյանքի ճանապարհի։
Եվ միայն այս խոսքերից հետո է Տերը բարձրանում Թաբոր լեռ՝ իր հետ տանելով Պետրոսին, Հակոբոսին և Հովհաննեսին։ Սա պատահական հաջորդականություն չէ, այլ Աստծո փրկարար մանկավարժությունը։ Քրիստոս նախ հայտնում է խաչի խորհուրդը, ապա միայն մի պահ բացում իր աստվածային փառքի վարագույրը։ Նա ցանկանում է, որ աշակերտները հասկանան՝ դեպի փառք տանող ճանապարհը խաչի միջով է անցնում։ Ահա թե ինչու Թաբորն ու Գողգոթան հակադիր լեռներ չեն, այլ մեկ փրկարար խորհրդի երկու անբաժանելի գագաթներ։ Թաբորը վկայում է Քրիստոսի աստվածության մասին, իսկ Գողգոթան՝ նրա անսահման սիրո։ Առանց Թաբորի խաչը կարող էր ընկալվել որպես պարտություն, իսկ առանց Գողգոթայի Թաբորի փառքը կմնար անհասկանալի հայտնություն։ Միայն երկուսը միասին են բացում Ավետարանի ամբողջ ճշմարտությունը. խաչը Քրիստոսի փառքի ճանապարհն է, որը մի ակնթարթ լուսարձակում է Այլակերպության պահին։
Սիրելինե՛ր, Թաբորն ու Գողգոթան միմյանցից անբաժանելի են նաև մեկ այլ խորունկ իմաստով։ Երկու լեռների վրա էլ մենք տեսնում ենք Քրիստոսի «այլակերպումը», բայց՝ երկու տարբեր կերպերով։ Թաբորի վրա Նրա դեմքը փայլում է աստվածային լույսով, և աշակերտները տեսնում են Նրա անթաքույց փառքը։ Իսկ Գողգոթայի վրա նույն այդ դեմքը խոշտանգվում է, արյունով պատվում և «կորցնում է մարդու կերպարանքը» (Ես. ԾԲ 14)։ Մի լեռան վրա Քրիստոս պայծառակերպվում է, մյուսի վրա՝ հանուն մեր փրկության կամովին «այլանդակվում»՝ կրելով մեղքի և մահվան ամբողջ ծանրությունը։ Բայց սա երկու տարբեր Քրիստոս չէ։ Նույն Տերն է՝ Թաբորի վրա Իր աստվածային փառքը հայտնող, իսկ Գողգոթայի վրա՝ մինչև վերջ սիրող Աստված։ Թաբորը մատնանշում է, թե ով է նա, իսկ Գողգոթան՝ թե որքան է նա սիրում մեզ։ Այս երկու լեռները միասին բացահայտում են Քրիստոսի ամբողջ ճշմարտությունը՝ փառքով լուսավորված և սիրով խաչված։
Մարդու սրտի բնական ցանկությունն է մնալ Թաբորի վրա։ Այդ ցանկությունն է արտահայտում Պետրոսը. «Տե՛ր, ի՜նչ լավ է այստեղ…»։ Ո՞վ չէր ցանկանա մշտապես ապրել Աստծո ներկայության և խաղաղության մեջ։ Սակայն Քրիստոս իջնում է լեռից, որովհետև լեռան ստորոտում նրան սպասում է տառապող աշխարհը՝ հիվանդները, հուսահատները, մեղքի ու մահվան դեմ պայքարող մարդիկ։ Թաբորի լույսը տրված չէր աշխարհից հեռանալու, այլ աշխարհն Աստծո լույսով լուսավորելու։ Ահա թե ինչու աղոթքը չի ավարտվում ինքնահափշտակությամբ։ Այն պսակվում է ծառայությամբ։ Ով իսկապես հանդիպել է Քրիստոսին, չի կարող չվերադառնալ իր եղբոր մոտ։ Թաբորը երբեք հանգրվան չէ. այն զորության աղբյուր է՝ սիրով ծառայելու և հավատարմությամբ կրելու կյանքի գողգոթաները։
Սիրելինե՛ր, Թաբորի հայտնությունը տրվեց ոչ թե մի քանի ակնթարթ հիանալու, այլ աշակերտների հավատն ամրապնդելու։ Շուտով նրանք պիտի տեսնեին իրենց Վարդապետին անարգված, խաչված ու արյունաքամ։ Այդժամ նրանց զորացնելու էր Թաբորի հիշողությունը. պայծառակերպված դեմքը պիտի լուսավորեր խաչված դեմքը, իսկ Հոր ձայնը՝ «Սա է իմ սիրելի Որդին, նրա՛ն լսեցեք», պիտի հաղթահարեր ամբոխի աղաղակն ու ծաղրանքը։ Այսօր այդ խոսքը մեզ էլ է ուղղված։ Մեր կյանքի ճանապարհին նույնպես գալիս են խաչի օրեր, երբ թվում է, թե լռում է երկինքը։ Բայց հենց այդ ժամանակ առավել քան երբևէ պետք է լսենք Քրիստոսին։ Նրա խոսքը մնում է անփոփոխ նույնիսկ այն ժամանակ, երբ փոխվում են հանգամանքները։ Ով կառչում է այդ խոսքից, չի պարտվում փորձությանը, որովհետև գիտի, որ խաչը ճանապարհ է, ոչ թե վերջնակետ։
Օրհնաբեր այս տոնի առիթով չեմ կարող չարտահայտել իմ խորին երախտագիտությունը Արարատի Սուրբ Հակոբ եկեղեցու սիրելի համայնքին։ Աստծո նախախնամությամբ և Նորին Սրբության տնօրինությամբ հենց այս սուրբ տաճարից սկսեցի առաջնորդական իմ ծառայությունը Մասյացոտնի թեմում։ Այդ օրերին, երբ մեր թեմը կանգնած էր ծանր փորձությունների, անորոշության և ներքին ու արտաքին մարտահրավերների առջև, դուք ինձ ընդունեցիք սիրով, անկեղծ աղոթքով և ջերմ հավատարմությամբ։ Ձեր վերաբերմունքը դարձավ մխիթարության և զորության աղբյուր՝ ամրացնելով իմ սիրտը շարունակելու ինձ վստահված ծառայությունը։ Այսօր, թեև փորձությունների ճանապարհը դեռևս ավարտված չէ, և հոգևոր պայքարը շարունակվում է, սակայն պետք է գիտակցենք, որ չարի գործելակերպը հաճախ փոխում է իր կերպերը․ երբեմն այն հանդես է գալիս ոչ թե բացահայտ, այլ ավելի ծածուկ, խաբուսիկ և խորամանկ ճանապարհներով։ Բայց մեր հույսը ոչ թե մարդկային ուժերի, այլ Քրիստոսի հաղթանակի մեջ է։ Ուստի ձեր հավատարմությունն ու եկեղեցասիրությունը մեզ համար մնում են մեծագույն զորություն և վկայություն։
Հատուկ երախտագիտություն և գնահատանք եմ հայտնում նաև համայնքի հոգևոր հովվին՝ մեր սիրելի Տեր Հարություն քահանային, որ այս դժվարին ժամանակներում իր ծառայությամբ դրսևորեց քաջ հովվի կերպարով՝ հավատարիմ մնալով իր կոչմանը։
Քաջ հովիվը ճանաչվում է ոչ միայն խաղաղության օրերին իր ծառայությամբ, այլ հատկապես այն ժամանակ, երբ գալիս են փորձության և մարտահրավերների պահերը։ Տեր Հարություն քահանան իր անխարդախ կեցվածքով վկայեց Տիրոջ այն խոսքը, թե «Հովիւ քաջ զանձն իւր դնէ ի վերայ ոչխարաց» (Հովհ․ Ժ 11)։
Տեր Հիսուս Քրիստոս, Սուրբ Հակոբի բարեխոսությամբ, առատապես թող օրհնի այս հոգևոր ընտանիքը։ Արարատի Սուրբ Հակոբ եկեղեցին թող մշտապես մնա հավատքի, միաբանության և սիրո օջախ՝ զորանալով Աստծո սրբարար շնորհներով և շողարձակելով պայծառակերպության անսպառ լույսը․ Ամեն»։
