Բաքվի բանտում ապօրինի պահվող Արցախի նախկին պետնախարար, բարերար Ռուբեն Վարդանյանի գործը առաջիկա շաբաթներին կներկայացվի Մարդու իրավունքների եվրոպական դատարան։ Sputnik Արմենիայի հետ զրույցում այս մասին ասաց ՄԻԵԴ-ում հայ գերիների շահերի ներկայացուցիչ Սիրանուշ Սահակյանը։
Նրա խոսքով՝ Վարդանյանի գործով արդեն տրամադրվել է դատավճռի ամբողջական տեքստը, ինչը հնարավորություն է տալիս դիմել Եվրոպական դատարան՝ առանց Ադրբեջանի վերաքննիչ ատյանի որոշմանը սպասելու։
Նշենք, որ ՄԻԵԴ–ը Ադրբեջանին պարտավորեցրել էր մինչև օգոստոսի 31-ը տրամադրել գերիների դատավճիռները։
«Հաշվի առնելով, որ վերաքննիչ ատյանը մենք չենք դիտարկում որպես արդյունավետ մեխանիզմ, և պարոն Վարդանյանը նաև հրապարակայնորեն նշել է, որ մտադրություն չունի բողոքարկել վերադասության ատյան, մենք արդեն մտադիր ենք գործը ներկայացնել Մարդու իրավունքների եվրոպական դատարան»,– ասաց Սահակյանը։
Միաժամանակ իրավաբանը նշեց,որ որ մյուս 15 հայ գերիների գործերով ամբողջական դատավճիռները դեռ չեն տրամադրվել։ Ըստ նրա` փաստաբանների տրամադրության տակ առայժմ միայն դատավճիռների քաղվածքներն են, որոնց հիման վրա բողոքներ են ներկայացվել Ադրբեջանի վերաքննիչ դատարան։ Սահակյանի գնահատմամբ՝ նման ընթացակարգը չի կարող արդյունավետ համարվել, քանի որ առանց դատական ակտի պատճառաբանական մասին ծանոթանալու հնարավոր չէ հիմնավորված բողոք ներկայացնել։
«Մեր գնահատմամբ՝ այդ գործընթացը ձևական է։ Առանց դատական ակտի պատճառաբանական մասի ծանոթ լինելու հնարավոր չէ արդյունավետ բողոք իրականացնել»,– ընդգծեց իրավապաշտպանը։
ՄԻԵԴ-ում հայ գերիների շահերի ներկայացուցիչը հավելեց, որ հենց ամբողջական դատավճիռները հասանելի դառնան նաև մյուս 15 գործերով, դրանք ևս կներկայացվեն Մարդու իրավունքների եվրոպական դատարան։
«Երբ հասանելիություն կլինի նաև 15 գործով դատավճռի ամբողջական տեքստին, բնականաբար, Մարդու իրավունքների եվրոպական դատարան ներկայացվելու են նաև այդ գործերը։ Դատավարական ժամկետներ կան, և մենք առաջիկա շաբաթների ընթացքում Ռուբեն Վարդանյանի գործը ներկայացնելու ենք ՄԻԵԴ»,– նշեց Սիրանուշ Սահակյանը։
Աշխեն Հայրապետյանը ազատվել է Ազգային ժողովի նախագահի խորհրդականի պաշտոնից: Որոշումն ուժի մեջ կմտնի օգոստոսի 3-ից։
Այս մասին կարգադրությունը հուլիսի 10-ին ստորագրել է Ազգային ժողովի նախագահ Ալեն Սիմոնյանը։
դիտվել է 232 անգամ
Լրահոս
Ամենաընթերցվածները
Շուտով
Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը
Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը
Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը
Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը
Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը
«Հրապարակ»-ը գրում է․ Մեր տեղեկություններով, Փաշինյանը մտադիր է Գագիկ Ծառուկյանին պատկանող «Արարատցեմենտ» գործարանի ժամանակավոր կառավարիչ նշանակել էկոնոմիկայի փոխնախարար Էդգար Զաքարյանին, որն ի պաշտոնե համակարգում է ոլորտը եւ նախօրեին գործարանի առջեւ բողոքի ցույց անող աշխատակիցների հետ հանդիպման ժամանակ իր հավատարմությունն էր հայտնել Փաշինյանին․ «Նիկոլ Փաշինյանն իմ առաջնորդն է, ինչ ասում է, ճիշտ է ասում»։
Փաշինյանը կառավարության նիստից հետո՝ ճեպազրույցում դիմել էր «Արարատցեմենտի» աշխատակիցներին եւ հորդորել՝ չանել գործողություններ, որպեսզի հետո չազատվեն աշխատանքից, ըստ էության սպառնալով՝ բողոքելու դեպքում նրանց աշխատանքից ազատել: Նաեւ ասել էր, որ «Արարատցեմենտը» շուտով լինելու է պետական:
, որ Սամվել Կարապետյանին պատկանող ՀԷՑ-ի ժամանակավոր կառավարիչ Ռոմանոս Պետրոսյանը մոտ 6 միլիոն դրամ աշխատավարձ է ստանում, փոխնախարար Զաքարյանը, հավանաբար, նման ախորժակ ունի, դրա համար էլ անթաքույց քծնում է Փաշինյանին։
դիտվել է 322 անգամ
Լրահոս
Ամենաընթերցվածները
Շուտով
Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը
Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը
Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը
Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը
Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը
«Հրապարակ»-ը գրում է․ Ծաղիկ աճեցնող ջերմոցատերերից մեկը մեզ պատմեց, որ իշխանական օղակներից սպառնալիքներ են ստացել: Իրենց ասվել է` եթե դժգոհեք, հրապարակավ ելույթներ ունենաք, հարցազրույցներ տաք եւ պատմեք, որ եվրոպական շուկան չի փոխարինում ռուսական շուկային, ծաղիկ վաճառելը մեծ գլխացավանք է դարձել, ապա եվրոպական շուկայի դռները ձեզ համար` որպես պատիժ, ընդմիշտ կփակվեն:
Սա է նաեւ պատճառը, որ որոշ ջերմոցատերեր ստում են՝ ասելով, թե կարողացել են ծաղիկն արտահանել Եվրոպա, ամեն ինչ լավ է։ Նման բան ասողները, սակայն, չեն նշում, թե խոսքն ինչ քանակի ծաղկի մասին է, քանի որ իրականում որեւէ խոշոր արտահանում դեռ տեղի չի ունեցել՝ ընդամենը փորձանմուշներ են ուղարկվել մի քանի երկիր:
զրուցակիցը նաեւ ասաց, որ տեւական ժամանակ հույսով սպասել են, որ ծաղիկն արտահանելու են ԵՄ շուկա, սակայն արդեն իրենց համբերության բաժակը լցվել է, եւ լռել չեն պատրաստվում, քանի որ հասկացել են՝ իրենց խաբում են:
դիտվել է 368 անգամ
Լրահոս
Ամենաընթերցվածները
Շուտով
Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը
Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը
Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը
Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը
Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը
Հայաստանի տարածքն առանձնանում է կլիմայական պայմանների մեծ բազմազանությամբ, հանդիպում են կլիմայի գրեթե բոլոր տարատեսակները՝ չոր մերձարևադարձայինից մինչև ցուրտ բարձրլեռնային։
Հայաստանին բնորոշ են բարձր հաճախության և ինտենսիվության հիդրոօդերևութաբանական վտանգավոր երևույթներ:
Հայաստանը կլիմայի փոփոխության առումով համարվում է խոցելի երկիր: Խիստ խոցելի է կլիմայի փոփոխության մասնավորապես՝ հեղեղումների, երաշտների, կարկտի և սողանքների անբարենպաստ ազդեցությունների նկատմամբ։
Կլիմայական մոդելների հաշվարկների համաձայն՝ մինչև 2100 թվականը Հայաստանում օդի միջին ջերմաստիճանը կարող է բարձրանալ շուրջ 4,7°C-ով, իսկ տեղումների քանակը նվազել մոտ 8,3 %-ով։ Այս փոփոխությունները կարող են զգալի ազդեցություն ունենալ կլիմայից կախված տնտեսության ճյուղերի, բնական էկոհամակարգերի և ջրային ռեսուրսների վրա։
Կանխատեսումների համաձայն՝ կլիմայի փոփոխության հետևանքով լանդշաֆտային գոտիների սահմանները կտեղափոխվեն դեպի ավելի բարձր լեռնային գոտիներ: Սպասվում է նաև անտառների ստորին սահմանի բարձրացում։
Բացի այդ, սպասվում է հողերի և բնական արոտավայրերի դեգրադացիա, արոտավայրերի ընդհանուր մակերեսի և բերքատվության կրճատում, խոտհարքների բերքատվության նվազում և կերարտադրության ծավալների կրճատում։
Հայաստանը բախվում է նաև ջրային լարվածության բարձր մակարդակի, ինչպիսին է գերջրառը: Երկրի տնտեսության մեջ ջուրն առանցքային դեր է կատարում գյուղատնտեսության ոլորտում, նաև անհրաժեշտ է էլեկտրաէներգիայի արտադրության և մետաղների ու հանքանյութերի արտադրության համար։
2026թ-ի գարնանը և ամռան սկզբում դիտված ինտենսիվ տեղումները և գետային ներհոսքերի աճը չնայած օգնում են ջրային պաշարների համալրմանը, նվազեցնելով Սևանա լճից ոռոգման նպատակով իրականացվող ջրառի ծավալը, ինչպես նաև նպաստում են ընդհանուր հիդրոլոգիական իրավիճակի բարելավմանը, միաժամանակ ավելացնում են հանկարծակի հեղեղումների և սելավների հնարավորությունները։
Մասնագետների պնդմամբ զգայունությունը եղանակային կտրուկ փոփոխությունների նկատմամբ շատ բարձր է, ինչը պահանջում է շարունակական մոնիթորինգ և ռիսկերի կառավարում:
Ընդհանուր առմամբ, կլիմայի փոփոխությունը Հայաստանում կարող է ազդել թե՛ բնության, թե՛ տնտեսության վրա, ուստի անհրաժեշտ է ժամանակին միջոցներ ձեռնարկել այդ ազդեցությունները մեղմելու և հարմարվելու համար։
Այսօր՝ հուլիսի 11-ին, ողբերգական դեպք է տեղի ունեցել Երևանում։
Ժամը 21։50-ի սահմաններում ՀՀ ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Աշտարակի խճուղում՝ «Արմենիա» հեռուստաընկերության մոտ, հաստաբուն ծառը արմատից պոկվել և ընկել ավտոմեքենայի և մոպեդի վրա։
Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն դեպքի վայր է ժամանել ՀՀ ՆԳՆ փրկարար ծառայության Երևանի հրշեջ–փրկարարական ջոկատից 1 մարտական հաշվարկ։
Դեպքի վայր են ժամանել նաև ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկները՝ գնդի հրամանատար Անդրանիկ Խաչատրյանի, գումարտակի հրամանատար Արսեն Սարգսյանի, գումարտակի հրամանատարի տեղակալ Դավիթ Հովհաննիսյանի և վաշտի հրամանատար Արարատ Պետրոսյանի գլխավորությամբ։
Դեպքի վայր է ժամանել նաև ՀՀ ՆԳՆ ոստիկանության համայնքային ոստիկանության գլխավոր վարչության Մաշտոցի բաժնի օպերատիվ խումբը՝ բաժնի պետ Դավիթ Ավագյանի գլխավորությամբ։
Փրկարարները, պարեկները ու համայնքային ոստիկանները տեղում պարզել են, որ ուժեղ քամու հետևանքով փտած ու դարն ապրած հաստաբուն ծառը պոկվել և ընկել է այդ պահին ընթացող «Honda» մակնիշի ավտոմեքենայի և մոպեդի վրա, ինչի հետևանքով մոպեդավարը տեղում մահացել է։
Դեպքի մասին Ոստիկանության Մաշտոցի բաժնից տեղեկությունը փոխանցել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժին, որտեղից ժամանել է քննչական խումբը՝ բաժնի պետ Էդգար Բալոյանի և օրվա հերթապահ քննիչի գլխավորությամբ։
Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզվում է մահացածի, ավտոմեքենայի վարորդի և սեփականատիրոջ ինքնությունը։
Ֆոտոլրագրողը հայտնում է, որ Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի՝ ժողովրդին ավելի շատ հայտնի «Բեգոյանի հիմնարկ»-ի աշխատակիցները մի քանի անգամ փորձել են ծառը հեռացնել, քանի որ այն իրական վտանգ է ներկայացրել, բայց մի խումբ այսպես կոչված բնապահպանները դեմ են դուրս եկել ու եթե այդպես չլիներ այսօր այս դժբախտ դեպքը տեղի չէր ունենա։
Գ․ Շամշյանի տեղեկություններով, մոպեդավարը օտարերկրացի է։
«Հրապարակ»-ը գրում է․ Բոլորը բացատրություններ են փնտրում, թե ինչու Սահմանադրական դատարանը նման անօրինական որոշում կայացրեց՝ հունիսի 7-ի ընտրությունների հետ կապված, եւ տարբեր վարկածներ են հնչում։ Բայց կան նաեւ փաստեր, որոնք վկայում են ՍԴ դատավորների կաշկանդվածության մասին։
Յուրաքանչյուրի նկատմամբ իշխանությունը մի թեմա ունի, որի միջոցով արդյունքի է հասել։ Օրինակ, ՍԴ դատավոր Արթուր Վաղարշյանի որդու՝ Արեգ Վաղարշյանի նկատմամբ կա հարուցված քրեական գործ, որը հիմա սառեցված է, բայց ցանկացած պահի կարող է վերաբացվել՝ կապված դատավորի պահվածքի հետ։ Արեգ Վաղարշյանը մեղադրվում էր 2023 թվականին ոստիկանության նախկին գնդապետ Վարդան Նադարյանի որդուն՝ Էդուարդ Նադարյանին դանակահարելու համար։ Նրան ժամանակին մեղադրանք է առաջադրվել, կալանավորման միջնորդություն են տարել դատարան, որը մերժվել է։ Մեր տեղեկություններով՝ շուրջ 3 տարի տեւող նախաքննությունը դեռ չի ավարտվել, սակայն այս ընթացքում մեղադրանքը հանել են Վաղարշյանի որդու եւ մյուս մեղադրյալների վրայից, եւ դանակահարության գործը մնացել է առանց մեղադրյալի ու լռվել քննչականի դարակներում։ Մեկնաբանություն ստանալու համար դիմեցինք Քննչական կոմիտե, մեզ ասացին՝ գրավոր հարցում ուղարկեք։
դիտվել է 226 անգամ
Լրահոս
Ամենաընթերցվածները
Շուտով
Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը
Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը
Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը
Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը
Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը
«Հրապարակ»-ը գրում է․ Չնայած Ազգային ժողովի լիազորությունների ավարտին դեռ մեկ ամիս կա, եւ նոր գումարման խորհրդարանի անդրանիկ նիստն օգոստոսի 3-ին է, սակայն ՔՊ-ի կողմից մերժված Ալեն Սիմոնյանն ու նրա թիմն արդեն լքել են խորհրդարանը։
Սիմոնյանը հուլիսի 13-ից մինչեւ օգոստոսի 2-ն արձակուրդում է լինելու, նրա խորհրդական Աշխեն Հայրապետյանն ազատման դիմում է գրել։ Իսկ ՔՊ վարչության կողմից ընտրված Ռուբեն Ռուբինյանը, դեռ չընտրված, իրեն արդեն ԱԺ նախագահ է զգում, անցնում է կաբինետներով, հրահանգներ տալիս։ Նրանից ավելի ակտիվ է կինը՝ ԱԺ աշխատակից Մարիամ Հաջի-Հակոբյանը։
Հիշեցնենք, որ երբ ՔՊ վարչությունն Ալեն Սիմոնյանի փոխարեն ԱԺ նախագահի թեկնածու ընտրեց Ռուբեն Ռուբինյանին, Սիմոնյանը հրաժարվեց նաեւ պատգամավորի մանդատից։
դիտվել է 223 անգամ
Լրահոս
Ամենաընթերցվածները
Շուտով
Հուլիսի 10-ին՝ ժամը 14։00-ին, Հայելի ակումբի հյուրն է Դերենիկ Մալխասյանը
Հուլիսի 10-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Հուլիսի 10-ին՝ ժամը 12։00-ին, Հայելի ակումբի հյուրն է Արմինե Ադիբեկյանը
Հուլիսի 10-ին՝ ժամը 11։00-ին, Հայելի ակումբի հյուրն է Արամ Սարգսյանը
Հուլիսի 9-ին՝ ժամը 13։00-ին, Հայելի ակումբի հյուրն է Մայր Հայաստանից Սուսաննա Մելքոնյանը
Հուլիսի 9-ին՝ ժամը 15։00-ին, Հայելի ակումբի հյուրն է ազատամարտիկ Սեյրան Չիլինգարյանը
Հուլիսի 9-ին՝ ժամը 12։00-ին, Հայելի ակումբի հյուրն է ՀՅԴ Արմենուհի Կյուրեղյանը
Հուլիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը
Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը
«Ժողովուրդ» օրաթերթը գրում է. «Ազգային ժողովի «Քաղաքացիական պայմանագիր» խմբակցության պատգամավոր Էդուարդ Աղաջանյանը, որը նոր խորհրդարանում կրկին կշարունակի իր օրենսդրական գործունեությունը որպես պատգամավոր, հերթական անգամ հայտնվել է մեր ուշադրության կենտրոնում։ «Ժողովուրդ» օրաթերթը, հավատարիմ իր սկզբունքներին, մանրամասն ուսումնասիրել է բարձրաստիճան պաշտոնատար անձի վերջին տարիների հայտարարագրերը՝ վեր հանելով թե՛ գույքային փոփոխությունները, թե՛ անձնական կյանքին վերաբերող ուշագրավ տվյալներ։
Մինչ պատգամավորի գույքային վիճակին անդրադառնալը, հիշեցնենք, որ Էդուարդ Աղաջանյանը հանրությանը հայտնի է նաև իր անցյալով․ մինչ պատգամավոր դառնալը նա եղել է DJ Ed Ward բեմական անունով հայտնի DJ։ Բացի այդ, նրա անվան հետ է կապվում խորհրդարանում հնչած ամենաաղմկահարույց հայտարարություններից մեկը։ Մասնավորապես, 2023 թվականի մայիսի 3-ին Ազգային ժողովում Էդուարդ Աղաջանյանը հայտարարել էր, որ որևէ միջին վիճակագրական խնջույք առանց թմրանյութերի չի անցնում, և հարց էր ուղղել ՆԳ նախարար Վահե Ղազարյանին, թե ինչով է պայմանավորված այն հանգամանքը, որ ոստիկանական ռեյդերն անցկացվում են որոշակի ենթամշակութային առանձնահատկություն ունեցող ժամանցի վայրերում։
«Ժողովուրդ» օրաթերթի կողմից պատգամավորի տարբեր տարիների հայտարարագրերի ուսումնասիրությունը վեր է հանում նաև մեկ այլ ուշագրավ փաստ։ Եթե 2021, 2022, 2023 և 2024 թվականների հայտարարագրերով Էդուարդ Աղաջանյանի հետ համատեղ բնակվող անձ էր ներկայացված Վիկտորյա Այդինյանը, որը պետական պաշտոնյա է, ապա 2025 թվականի տարեկան հայտարարագրում նա արդեն նշված չէ որպես համատեղ բնակվող անձ։
2025 թվական․ եկամուտների թռիչքաձև աճ
Անդրադառնալով 2025 թվականի տարեկան հայտարարագրին՝ նշենք, որ Էդուարդ Աղաջանյանը հայտարարագրել է Երևանում բնակարան, Տավուշում հողամաս, մոտոցիկլ, ավտոմեքենա և ավելի քան 17.3 մլն դրամ եկամուտ։
2025 թվականի սկզբի և վերջի դրությամբ պատգամավորը ունեցել է երկու անշարժ գույք, որոնց կազմը տարվա ընթացքում չի փոխվել։ Դրանցից մեկը Երևանի Կենտրոն վարչական շրջանում գտնվող բնակարան է, որը գտնվում է համատեղ սեփականության ներքո և ձեռք է բերվել 2001 թվականի ապրիլի 11-ին՝ նվիրատվության եղանակով։ Մյուսը Տավուշի մարզի Նոյեմբերյան համայնքում գտնվող հողամաս է, որը պատգամավորի միանձնյա սեփականությունն է և ձեռք է բերվել 2013 թվականի ապրիլի 9-ին՝ գնման եղանակով։
Տրանսպորտային միջոցների մասով ևս փոփոխություններ չեն արձանագրվել։ Տարվա սկզբին և վերջում նրա սեփականության ներքո եղել են 2020 թվականի արտադրության YAMAHA մակնիշի մոտոցիկլը, որը ձեռք է բերվել 2021 թվականի մարտի 22-ին, ինչպես նաև 2013 թվականի արտադրության NISSAN մակնիշի մարդատար ավտոմեքենան, որը ձեռք է բերվել 2013 թվականի մարտի 28-ին։ Նոր տրանսպորտային միջոց չի ձեռք բերվել և չի օտարվել։
Բանկային հաշիվների մնացորդը 2025 թվականի սկզբին կազմել է ընդամենը 6 հազար 803 դրամ, իսկ տարվա վերջում հասել է 2 մլն 997 հազար 449.7 դրամի։ Կանխիկ դրամ, էլեկտրոնային հաշիվներ կամ կրիպտոարժույթներ չեն հայտարարագրվել։
Եկամուտների բաժնում նշված է, որ նա տարվա ընթացքում ստացել է 17 մլն 369 հազար 111.1 դրամ եկամուտ, որն ամբողջությամբ ձևավորվել է աշխատանքի վարձատրությունից և վճարվել է ՀՀ Ազգային ժողովի աշխատակազմի կողմից։
2024 թվական․ երեք տրանսպորտային միջոց
2024 թվականի տարեկան հայտարարագրով պատգամավորը հայտարարագրել է երկու անշարժ գույք, երեք տրանսպորտային միջոց և ավելի քան 13.2 մլն դրամ եկամուտ։
Հայտարարագրում նշված է, որ պատգամավորի հետ համատեղ բնակվում է Վիկտորյա Այդինյանը, որն այդ ժամանակ զբաղեցնում էր աշխատանքի և սոցիալական հարցերի նախարարի խորհրդականի պաշտոնը։
Անշարժ գույքի մասով 2024 թվականի ընթացքում փոփոխություններ չեն արձանագրվել։
Տրանսպորտային միջոցների մասով պատգամավորը հայտարարագրել է երեք տրանսպորտային միջոց՝ 2013 թվականի արտադրության Parvaz GL մակնիշի մոտոցիկլը (ձեռք բերված 2014 թվականի սեպտեմբերի 30-ին), 2020 թվականի արտադրության YAMAHA մակնիշի մոտոցիկլը (ձեռք բերված 2021 թվականի մարտի 22-ին), ինչպես նաև 2013 թվականի արտադրության NISSAN մակնիշի մարդատար ավտոմեքենան (ձեռք բերված 2013 թվականի մարտի 28-ին)։
Բանկային հաշիվների մնացորդը 2024 թվականի սկզբին կազմել է 1 մլն 192 հազար 897.41 դրամ, իսկ տարվա վերջում՝ 2 մլն 299 հազար 860 դրամ։ Կանխիկ դրամի չափը տարվա սկզբին կազմել է 350 հազար դրամ, իսկ տարվա վերջում կանխիկ դրամ չի հայտարարագրվել։ Էլեկտրոնային հաշիվներ և կրիպտոարժույթներ նշված չեն։
Եկամուտների համաձայն՝ նա 2024 թվականի ընթացքում աշխատանքի վարձատրության տեսքով ստացել է 13 մլն 203 հազար 612.68 դրամ, որը վճարել է ՀՀ Ազգային ժողովի աշխատակազմը։
2023 թվական
2023 թվականին Էդուարդ Աղաջանյանի բանկային հաշիվներում տարվա սկզբին եղել է 812 հազար 649 դրամ, իսկ տարվա վերջում՝ 1 մլն 192 հազար 897 դրամ 41 լումա։ Կանխիկ դրամական միջոցները տարվա սկզբի 250 հազար դրամից աճել են մինչև 350 հազար դրամ։
2023 թվականի ընթացքում Էդուարդ Աղաջանյանը ՀՀ Ազգային ժողովի աշխատակազմից որպես աշխատանքի վարձատրություն ստացել է 13 մլն 712 հազար 682.2 դրամ եկամուտ։
Ի տարբերություն հաջորդ տարիների՝ 2023 թվականի դեկտեմբերի 31-ի դրությամբ պատգամավորը ունեցել է նաև 303 հազար 699 դրամ վարկի մայր գումարի մնացորդ։
2022 թվական
2022 թվականին Էդուարդ Աղաջանյանի բանկային հաշիվների մնացորդը տարվա սկզբին կազմել է 818 հազար 999 դրամ, իսկ տարվա վերջում նվազել է՝ հասնելով 812 հազար 649 դրամի։
Կանխիկ դրամական միջոցները տարվա սկզբի 200 հազար դրամից տարվա վերջում հասել են 300 հազար դրամի։
2022 թվականի ընթացքում նա ՀՀ Ազգային ժողովի աշխատակազմից որպես աշխատանքի վարձատրություն ստացել է 9 մլն 377 հազար 305 դրամ եկամուտ։
2022 թվականի դեկտեմբերի 31-ի դրությամբ պատգամավորի վարկի մայր գումարի մնացորդը կազմել է 635 հազար 584 դրամ։
Ընդհանուր առմամբ, 2022 թվականին Էդուարդ Աղաջանյանի գույքային կազմը մնացել է անփոփոխ․ նա պահպանել է երկու անշարժ գույքը և երեք տրանսպորտային միջոցը, նոր գույք չի ձեռք բերել և չի օտարել, իսկ տարվա վերջում արձանագրել է 812 հազար 649 դրամ բանկային հաշվի մնացորդ, 300 հազար դրամ կանխիկ միջոց և 635 հազար 584 դրամ վարկային պարտավորություն։
2021 թվական
2021 թվականի տարեկան հայտարարագրի համաձայն՝ Էդուարդ Աղաջանյանի բանկային հաշվի մնացորդը տարվա ընթացքում նվազել է, իսկ կանխիկ միջոցները՝ աճել։
Տարվա սկզբին բանկային հաշվում ունեցել է 5 մլն 30 հազար 949 դրամ, իսկ տարվա վերջում՝ 2 մլն 101 հազար 740 դրամ, այսինքն՝ տարվա ընթացքում մնացորդը նվազել է 2 մլն 929 հազար 209 դրամով։
Կանխիկ դրամական միջոցները, հակառակը, աճել են․ եթե տարվա սկզբին նա հայտարարագրել է 100 հազար դրամ, ապա տարվա վերջում՝ 200 հազար դրամ։
2021 թվականի ընթացքում Էդուարդ Աղաջանյանի միակ հայտարարագրված եկամուտը կազմել է 2 մլն 101 հազար 740 դրամ, որը ստացել է որպես աշխատանքի վարձատրություն և դրան հավասարեցված այլ վճարումներ ՀՀ Ազգային ժողովից։
«Ժողովուրդ» օրաթերթի համեմատական վերլուծությունը ցույց է տալիս, որ պաշտոնավարման ընթացքում Էդուարդ Աղաջանյանի ֆինանսական դրությունը նկատելիորեն բարելավվել է։ Ամենամեծ աճն արձանագրվել է տարեկան եկամուտների մասով․ եթե 2021 թվականին այն կազմել է 2.1 մլն դրամ, ապա 2022 թվականին՝ 9.3 մլն դրամ, 2023-2024 թվականներին կայունացել է 13.2-13.7 մլն դրամի սահմաններում, իսկ 2025 թվականին արձանագրել է թռիչքաձև աճ՝ հասնելով շուրջ 17.3 մլն դրամի։
Զուգահեռաբար, 2025 թվականի վերջին պատգամավորի բանկային հաշիվների մնացորդը հասել է իր առավելագույն ցուցանիշին՝ գրեթե 3 մլն դրամի՝ տարեսկզբի ընդամենը 6 հազար 803 դրամի դիմաց։ Փոխարենը նվազել են կանխիկ միջոցները․ 2021 թվականի 100 հազար դրամից և 2023-2024 թվականների 350 հազար դրամից հետո, 2024 թվականի վերջից կանխիկ դրամ այլևս չի հայտարարագրվել»։
Մանրամասները՝ «Ժողովուրդ» օրաթերթի այսօրվա համարում:
«Հրապարակ»- գրում է․ Վերջին ընտրություններից հետո՝ նախօրեին, Նիկոլ Փաշինյանը, առաջին անգամ խոսելով անկլավների եւ էքսկլավների մասին, լրագրողների հետ ճեպազրույցում հայտարարեց, որ Հայաստանն ու Ադրբեջանը պետք է լուծեն այդ հարցը, եւ առաջին անգամ անկլավների թեման կապեց Հայաստանի օկուպացված տարածքների հետ․ «Ես չեմ կարող հայտարարել, որ մենք անկլավների, էքսկլավների թեմայից հրաժարվում ենք կամ կարող ենք հրաժարվել։ Ոչ, մենք պետք է գնանք եւ այդ հարցին լուծում տանք։ Ինչպիսին կլինեն լուծումները, դա արդեն քննարկման հարց է»։ Հարցը կա, սակայն որեւէ որոշում կամ պայմանավորվածություն դեռ չկա՝ մանրամասնեց նա եւ շեշտեց, որ այդ հարցերը կկարգավորվեն սահմանազատման ընթացքում։ Իրավիճակը, նրա խոսքով, հայելային է․ կա Արծվաշենը, կան նաեւ ադրբեջանական անկլավները։ Ասաց՝ ինչ լուծում կտրվի Արծվաշենին, նույն սկզբունքով կլուծվեն նաեւ մյուսների հարցերը։
Փաշինյանն ասաց, որ Արծվաշեն գյուղը հայկական էքսկլավ է՝ Ադրբեջանի վերահսկողության ներքո, մինչդեռ այն ՀՀ ինքնիշխան տարածք է՝ համաձայն 1991 թ․ Ալմա-Աթայի հռչակագրով ամրագրված սկզբունքների, անտեսելով, որ Արծվաշենն ու մյուս անկլավները ռազմավարական նույն նշանակությունը չունեն, եւ որեւէ մեկը չի գնալու ու չի բնակվելու Արծվաշենում, եթե այն վերադարձվի մեզ։ «Եթե մենք գնում ենք այն կանխավարկածով, որ ով ինչ տիրապետում է, ուրեմն դա իրանն է, դա նշանակում է՝ Ջերմուկի տարածքների, մնացած մեր օկուպացված տարածքների հարցը մենք օրակարգից հանում ենք։ Մենք պետք է գնանք դե յուրե ճանապարհով, այն քարտեզներով, որ դրված են սեղանին, եւ որով մենք արդեն սահմանազատում իրականացրել ենք Տավուշի մարզի հատվածում»,- ասաց Փաշինյանը՝ պատասխանելով հարցին, թե կարծում եք, որ Տիգրանաշենի հարցը հիմա պետք է քննարկման առարկա դառնա, եւ մեր քարտեզից դո՞ւրս դրվի, ինչպես Արծվաշենը Ադրբեջանի քարտեզում է կարմիր, եւ արդյո՞ք փոխանակման հարց կա դրված սեղանին։
2024-ին տավուշյան չորս գյուղերի վերադարձից հետո, սակայն, սահմանագծումը կանգ է առել։ 2 տարում կողմերը միայն պայմանավորվել են գործընթացը շարունակել հյուսիսից հարավ, այսինքն՝ սկսել Հայաստան-Ադրբեջան-Վրաստան սահմանի տավուշյան հատվածից, ավարտել Սյունիքում։ Թե երբ հերթը կհասնի Ադրբեջանի՝ մեզնից գրաված հայկական հողերին, ինչպես նաեւ՝ անկլավներին, չեն ասել։ Կողմերը նաեւ չեն հստակեցնում, թե անկլավների դեպքում ինչ լուծում են պատկերացնում։
«Երբ որ կլինեն տարբերակներ, մենք ժողովրդի առաջ հանդես կգանք։ Ես ընդամենը ասում եմ, որ մենք պետք է արձանագրենք, որ այդ հարցը կա, իրավիճակը հայելային է։ Ինչ լուծում Արծվաշենի դեպքում կլինի, նույն լուծումներն էլ կլինեն մյուսների դեպքում։ Որովհետեւ, եթե մենք ասենք՝ գիտեք ինչ՝ չէ, այդ քարտեզում կա, բայց դա մեզ չի հետաքրքրում, մենք դրանով Ադրբեջանին հնարավորություն կտանք ասելու, որ, հա, Ջերմուկի տարածքը քարտեզում կա, բայց դա մեզ չի հետաքրքրում, որովհետեւ մեր կոնտրոլի տակ է»,- նշեց Նիկոլ Փաշինյանը։
Անկլավների մասին Փաշինյանը դեռ 5 տարի առաջ՝ 2021-ին էր ասել, որ Ադրբեջանն այդ հարցը բարձրացնում է, սակայն կասկածի տակ էր դրել դրանց իրավական հիմքերը։ Հիմա ոչ միայն «ճանաչում» է այդ հիմքերը, այլեւ անկլավների հարցը կապում է այն տարածքների հետ, որոնք օկուպացված են՝ Ջերմուկի երկօրյա պատերազմի հետեւանքով, դրանից առաջ՝ 2021 թ․ մայիսին, առանց որեւէ կրակոցի զբաղեցրած տարածքների: Փաշինյանի այս հայտարարությունից հետո քաղաքագետներից ոմանք բարձրաձայնեցին, որ նա երկրորդում է ՀԱՊԿ-ի դիրքորոշումը, որը եւս արձագանքում էր, թե սահմանազատման ու սահմանագծման բացակայությունը հստակություն չի ստեղծում սահմանային վեճերի շուրջ: Հիմա Նիկոլ Փաշինյանն ինքն է ասում, որ սահմանային վեճերը պետք է լուծել փոխանակումով: Նույն օրը նաեւ Ադրբեջանի արտգործնախարարն է անդրադարձել անկլավներին։ «Դելիմիտացիայի հարցով հանձնաժողովներն աշխատում են, արդեն ունեցել ենք դրական արդյունքներ։ Իհարկե, այս գործընթացի շրջանակում կքննարկվեն եւ կլուծվեն նաեւ էքսկլավային գյուղերին վերաբերող հարցերը»,- ասել է Ջեյհուն Բայրամովը՝ ընդգծելով, որ սահմանազատումը կշարունակվի հյուսիսից հարավ ուղղությամբ։
Չորսը մեկի դիմաց հարաբերակցությամբ ադրբեջանական եւ հայկական անկլավները, ըստ տարբեր հաշվարկների, գրեթե նույն չափի տարածք ունեն։ Արծվաշենը մոտավորապես 40 քառակուսի կիլոմետր է, ադրբեջանական անկլավները միասին՝ շուրջ 44 ք/կմ, սակայն խիստ տարբեր է դրանց նշանակությունը։ Այսպես կոչված, ադրբեջանական անկլավները՝ տավուշյան 3 գյուղերն ու Տիգրանաշենը, Հայաստանի համար ռազմավարական նշանակություն ունեն։
Քաղաքագետ Սուրեն Զոլյանի կարծիքով՝ Փաշինյանն անկլավ-էքսկլավների հարցը կապում է ՀՀ սուվերեն տարածքների հետ, որպեսզի հող նախապատրաստի ադրբեջանական անկլավները վերադարձնելու համար եւ արդարանա՝ եթե չվերադարձնենք, օկուպացված տարածքները հետ պահանջել չենք կարող։ Փաշինյանը, ըստ էության, ուղիղ խոստովանում է, որ տալու է Տիգրանաշենն ու տավուշյան 3 գյուղերը, մի բան, որ, Զոլյանի խոսքով՝ նախկինում ուղիղ չէր խոստովանում՝ ասելով միայն, թե չի կարող Արծվաշենը չվերադարձնել, ինչը նշանակում է դրա դիմաց տալ ադրբեջանական անկլավները, բայց ընտրություններից հետո այլեւս այս մասին բաց տեքստով է հայտարարում․ «Ինքը խառնաշփոթ է պարզապես ստեղծում, Ջերմուկի ու Արծվաշենի տարածքները բոլորովին տարբեր են։ Նա մի հարթության մեջ է դնում, որ հիմնավորի իր հանձնումը։ Ավելին, անգամ ուղղությունը նշեց, թե ինչպես պիտի զարգանա, այսինքն՝ եթե Արծվաշենին, Ջերմուկին, Սեւ լճին անդրադառնա, դա կլինի վերջում, սկզբում Իջեւանով կհասնի Տիգրանաշեն, հետո նոր կքննարկեն՝ ինչ անել։ Սա նշանակում է, որ հարցն արդեն մանրակրկիտ քննարկվել է, բնական է նաեւ, որ Բայրամովը շտապեցնում է, քանի որ իրենք էլ գիտեն, որ Փաշինյանն իրականում չունի մեծամասնություն, ժողովրդի մանդատ՝ անկախ այն բանից, որ ինքը խոսում է այդ մասին, փաստն այն է, որ չունի մեծամասնություն, իսկ հետագայում լուրջ խնդիրների է բախվելու՝ թե՛ Իրանի հետ կապված, թե՛ Զանգեզուրի միջանցքն է առաջ գալու եւ այլն»։
Տավուշի հատվածում 3 անկլավի հանձնումը, Զոլյանի գնահատմամբ, աղետալի հետեւանքների կարող է հանգեցնել․ «Երեք գյուղ, որոնք հենց մարզի կենտրոնում են, եւ շատ խնդրահարույց է լինելու։ Ես հիշում եմ, որ 1991 թվականին ստիպված էինք ռուսաստանցի պատգամավորների հետ Նոյեմբերյանից Իջեւան գնալ Ստեփանավանով։ Մի անգամ գնացինք անտառով, քիչ էր մնում կրակի տակ ընկնեինք, չընկանք միայն փորձառու վարորդի շնորհիվ, հետո ստիպված էինք Ստեփանավանով՝ ամբողջ Հայաստանով պտտվել։ Այսինքն, այդ անկլավները փոքր են, բայց կարեւոր դիրքերում են, իսկ տնտեսական վնասների մասին չեմ խոսում, որ դրանք տալուց հետո պետք է ճանապարհներ կառուցել, բայց որքան էլ կառուցվի, այլեւս պաշտպանելու հնարավորություն չի լինի, եւ եթե նոր կոնֆլիկտ լինի, դրանք միանշանակ անցնելու են Ադրբեջանին։ Արծվաշենի եւ ադրբեջանական անկլավների նշանակությունը տարբեր է, Արծվաշենի վերադարձի պահանջ անգամ չի դրվել արծվաշենցիների կողմից, եւ հայտնի չէ, թե ով կվերադառնա այնտեղ, եւ արդյոք կվերադառնա՞ որեւէ մեկը, ո՞ւմ պետք է համոզեն՝ անհասկանալի կարգավիճակում վերադառնալ Հայաստանից մեկուսացած տարածք, մինչդեռ ադրբեջանական անկլավները Հայաստանի ռազմավարական ճանապարհների վրա են, մեկը՝ դեպի Վրաստան, մյուսը՝ Իրան, եւ նրանց ռազմավարական արժեքը լրիվ այլ է»։
Քաղաքագետի կարծիքով, առաջիկայում ավելի է ուժգնանալու Փաշինյանի՝ պատերազմի սպառնալիքի լեքսիկոնը․ «Որ եթե չտանք այդ անկլավները, պատերազմ կլինի, կկորցնենք մեր սուվերեն տարածքները եւ այլն։ Ստացվում է, որ ինչքան շատ տարածք տանք Ադրբեջանին, այնքան շատ անկախ կլինենք»։ Նա տարակուսած է՝ Փաշինյանը հրապարակավ ստում է իր ծրագրի համար․ «Անհասկանալի էր հիշատակումը, թե Մինսկի խումբը դեռ քննարկում էր անկլավների հարցը, բայց, վստահեցնում եմ, այդ խումբը երբեք չի քննարկել, որովհետեւ հստակ մանդատ ունեին՝ լուծել միայն Ղարաբաղի հարցը»։ Ի դեպ, Զոլյանը չի բացառում, որ առաջիկայում ադրբեջանական կողմը պահանջի նաեւ Մեղրիին հարակից Նռնաձոր գյուղը, որը նախկինում բնակեցված է եղել ադրբեջանցիներով եւ կոչվել է Նյուվադի։
Հայաստանի տարածքն առանձնանում է կլիմայական պայմանների մեծ բազմազանությամբ, հանդիպում են կլիմայի գրեթե բոլոր տարատեսակները՝ չոր մերձարևադարձայինից մինչև ցուրտ բարձրլեռնային։
