Այդ մասին նա ասել է հոկտեմբերի 28-ին՝ ելույթ ունենալով «Արաբական ծոցի զարգացման ծրագիր» (AGFUND) կազմակերպության՝ «Մարդկային զարգացման ոլորտում Արքայազն Թալալի անվան միջազգային մրցանակաբաշխության» արարողությանը։
«Այսօր, երբ աշխարհը բախվում է փոխկապակցված տնտեսական, սոցիալական եւ բնապահպանական մարտահրավերների, նմանօրինակ նախաձեռնությունների նշանակությունն ավելի է մեծանում. նախաձեռնություններ, որոնք ի ցույց են դնում, որ զարգացման իրական արժեքը չափվում է ոչ միայն տնտեսական ցուցանիշներով, այլեւ մարդկանց կյանքի որակով, նրանց հնարավորություններով եւ ապագայի նկատմամբ վստահությամբ։
Այս տարվա մրցանակաբաշխությունը նվիրված է «Մատչելի եւ մաքուր էներգիա» նպատակին եւ այն պարունակում է կարեւոր ուղերձ առ այն, որ մարդկանց բարեկեցությունն ու շրջակա միջավայրի պահպանությունը փոխկապակցված են, եւ տեւական առաջընթացը հնարավոր է միայն դրանց համատեղ իրականացմամբ:
Մեր խնդիրն է ապահովել, որ էներգետիկ անցումը ոչ միայն ամրապնդի տնտեսական եւ էներգետիկ անվտանգությունը, այլեւ ստեղծի զարգացման նոր հնարավորություններ՝ դրա օգուտները հասանելի դարձնելով հասարակության բոլոր շերտերին», – ասել է Հայաստանի վարչապետը:
Leave a Reply