Ադրբեջանական ԶԼՄ-ների տեղեկացմամբ՝Ադրբեջանը սկսել է պլաստիկե շինանյութերի արտահանումը Հայաստան | Էկոնոմիկա

Ադրբեջանի Պետական ​​վիճակագրական կոմիտեի տվյալների համաձայն՝ Ադրբեջանը սկսել է պլաստիկե շինանյութերի արտահանումը Հայաստան։ Այս մասին գրում են ադրբեջանական լրատվամիջոցները։

Հունիսին, ըստ ներկայացված տվյալների, Հայաստան է արտահանվել 1.39 տոննա պլաստիկե շինանյութերի 5,910 դոլար արժողությամբ ապրանքներ։

2026 թվականի հունվարից մինչև հունիս Ադրբեջանը Հայաստան է արտահանել 17,128,640 դոլար արժողությամբ ապրանքներ։

Նույն ժամանակահատվածում Հայաստանից Ադրբեջան ապրանքների անուղղակի ներմուծումը կազմել է 960 դոլար։ Սակայն հունիսին Հայաստանից Ադրբեջան առաքումներ չեն եղել, հայտնում են այդ երկրի լրատվամիջոցները։