Պրոբացիայի ծառայության աշխատակիցները վերապատրաստվել են ազարտային խաղերից կախվածության վերականգնման ծրագրով
Եվրոպայի խորհրդի «Աջակցություն Հայաստանում Պրոբացիայի ծառայության հետագա հզորացմանը» ծրագրի շրջանակում Պրոբացիայի ծառայության և քրեակատարողական հիմնարկների աշխատակիցների համար անցկացվել է վերապատրաստում ազարտային խաղերից կախվածության վերականգնման ծրագրի վերաբերյալ։ Վերապատրաստումը վարել է Եվրոպայի խորհրդի ազգային փորձագետ Դավիթ Գևորգյանը։
Մասնակիցները ծանոթացել են՝
✔️ծրագրի կառուցվածքին, 12 հանդիպումներից բաղկացած ձևաչափին և անձնական փոփոխության պլանին,
✔️մոտիվացիոն հարցազրույցի և կոգնիտիվ-վարքային թերապիայի հիմունքներին,
✔️պատահականության մաթեմատիկային և խաղամոլությանը բնորոշ մտածողության սխալներին,
✔️խաղալու հակումների, բարձր ռիսկային իրավիճակների, ֆինանսների և պարտքերի կառավարման մեթոդներին,
✔️մասնակիցների ընտրության, խմբերի ձևավորման և գնահատման չափանիշներին։
Վերապատրաստման նպատակն էր աշխատակիցներին պատրաստել ծրագրի պիլոտային իրականացմանը, որը շահառուներին կօգնի հաղթահարելու ազարտային խաղերից կախվածությունը։
Leave a Reply