Ֆրանսիայի նորանշանակ դեսպանը սկսել է աշխատանքը Հայաստանում

Երեւան: Մեդիամաքս: Վարչապետ Նիկոլ Փաշինյանն այսօր ընդունել է Ֆրանսիայի նորանշանակ արտակարգ եւ լիազոր դեսպան Ֆլորիան Էսկյուդիեին։

Կառավարությունից հայտնում են, որ Նիկոլ Փաշինյանն ընդգծել է Հայաստանի եւ Ֆրանսիայի միջեւ ձեւավորված ռազմավարական հարաբերությունների շարունակական զարգացման եւ ընդլայնման կարեւորությունը։

Երկկողմ կապերից բացի զրուցակիցները քննարկել են Հայաստան–Եվրոպական միություն փոխգործակցության ընթացքն ու տարածաշրջանային հարցեր։