Կոնստանտին Ցիոլկովսկին․ տղան, որը դպրոցը թողեց, բայց փոխեց տիեզերագնացության պատմությունը

Այս տղան երրորդ դասարանում թողեց դպրոցը, իսկ տարիներ անց նրա գաղափարները փոխեցին ամբողջ աշխարհը:

Երբ նա երեխա էր, նա հիվանդացավ և կորցրեց լսողությունը։ Նա մեծ դժվարությամբ էր սովորում, քանի որ գրեթե ոչինչ չէր լսում։ Հետո մահացավ նրա մայրը, և նա այլևս չկարողացավ շարունակել կրթությունը:

Դրանով նրա պատմությունը կարող էր ավարտվել, բայց տեղի ունեցավ հակառակը։

Նա սկսեց ինքնուրույն սովորել։ Նույնիսկ հատուկ խողովակներ էր պատրաստում զրուցակցին ավելի լավ լսելու համար: Նա գրքեր էր կարդում, փորձեր կատարում, գծագրեր անում, և մտածում, թե ինչպես մարդը կարող է թռչել տիեզերք:

Շատ տարիներ անց հենց նրա գաղափարներն են դառնալու ժամանակակից տիեզերագնացության հիմքը։ Նրա գաղափարներից շատերն այն ժամանակ ֆանտաստիկ էին թվում,բայց տասնամյակներ անց մարդիկ իրականում կթռչեն տիեզերք և նույնիսկ դուրս կգան տիեզերք:

Ինձ ամենից շատ տպավորել էին նրա նկարները։ Նա նկարում էր հրթիռի կառուցվածքը (բաժանման փուլերով), անկշռությունը և մարդու տիեզերական զբոսանքը մոտ 40 տարվա ընթացքում նախքան դրա իրականում տեղի ունենալը:

Ես արդեն եղել եմ Մոսկվայի և Կալուգայի տիեզերագնացության հսկայական թանգարաններում։ Ինձ ավելի շատ տպավորեց Ռյազանսկի գյուղում գտնվող փոքրիկ տիզերական թանգարանը: Ես այստեղ առաջին անգամ իմացա այդ սովորական տղայի մասին, ով չհանձնվեց և շարունակեց զարգանալ մեծ ներդրումներ ունենալով գիտության մեջ: Ի դեպ! Լուսանկարում պատկերված տղան՝ Կոնստանտին Ցիոլկովսկին է։