Երեւան: Մեդիամաքս: Ադրբեջանի նախագահ Իլհամ Ալիեւը շնորհակալություն է հայտնել Իրանի նախագահ Մասուդ Փեզեշքիանին:
Ադրբեջանական ԶԼՄ-ները մեջբերում են սոցիալական ցանցերում Ալիեւի հրապարակումը, որում ասվում է.
«Պարոն նախագահ Մասուդ Փեզեշքիան, շնորհակալություն եմ հայտնում Ձեզ Ադրբեջանի մասին ասված բարի եւ անկեղծ խոսքերի համար:
Ադրբեջանցի եւ իրանցի ժողովուրդները ծանր օրերին միշտ միմյանց կողքին են եղել:
Մեր տարածաշրջանում տեղի ունեցած վերջին իրադարձությունների ֆոնին կրկին ապացուցվեց, որ Ադրբեջանը եղբայրական իրանցի ժողովրդի կողքին էր»:
Ավելի վաղ Մասուդ Փեզեշքիանը հայտարարել էր, որ «Ադրբեջանը զգալիորեն օգնել է Իրանին պատերազմի ընթացքում»:
«Պատերազմի ընթացքում նրանք զգալիորեն օգնում էին մեզ տարբեր ուղղություններով՝ լինեին դրանք մատակարարումներ Ռուսաստանից, թե իրենց սեփականը: Նրանք մեզ աջակցություն էին ցուցաբերում ամեն ինչում, ինչն անհրաժեշտ էր», – հայտարարել է Փեզեշքիանը:
Leave a Reply