Ավելացել են անմաքս էլեկտրամոբիլ ներկրելու քվոտաները | Հայաստան

ՀՀ էկոնոմիկայի նախարար Գևորգ Պապոյանը  կիսվել է լավ լուրով և տեղեկացրել, որ այն վերաբերվում է էլեկտրոմոբիլ ձեռք բերել ցանկացող Հայաստանի բնակիչներին։ Նախարարը հայտնել է, որ ՀՀ-ն ստացել է լրացուցիչ անմաքս քվոտա՝ 2026 թվականին լրացուցիչ 5000 էլեկտրական տրանսպորտային միջոցի ներմուծման համար,մաքսատուրքի 0% դրույքաչափով ներմուծման հնարավորությամբ։

«Շուրջ 1900 ավտոմեքենայի քվոտա էր մնացել մեր դիլերների և ֆիզանձանց համար։ Այս թվին  ավելացավ ևս 5000-ը։ Մեր այս տարվա ամբողջ քվոտան դարձավ 20 000 հատ»,- տեղեկացրել է Պապոյանը։

Հիշեցնենք, որ մինչ այս Հայաստանին 2026 թվականի համար հատկացվել է 15 000 էլեկտրամոբիլի անմաքս ներմուծման քվոտա։