Ռուսաստանից Հայաստան՝ Ադրբեջանի և Վրաստանի տարածքով․ իրականացվել է ցորենի և քարածխի հերթական մատակարարումը | Հայաստան

Ռուսաստանի Դաշնությունից Ադրբեջանի և Վրաստանի տարածքով դեպի Հայաստան իրականացվել է երկաթուղային տարանցիկ բեռնափոխադրումների հերթական խմբաքանակի մատակարարումը։

Օգոստոսի 8-ին Բիլյաջարի կայարանից առաքվել է ընդհանուր առմամբ 25 վագոն բեռ․

• Ցորեն․ 15 վագոն՝ 1049 տոննա ընդհանուր քաշով,

• Քարածուխ․ 10 վագոն՝ 700 տոննա ընդհանուր քաշով։

Ադրբեջանական տարանցիկ երթուղու գործարկումից ի վեր Ռուսաստանից Ադրբեջանի տարածքով Հայաստան է տեղափոխվել ռազմավարական նշանակության խոշորաքանակ բեռ․

• Հացահատիկ․ ավելի քան 37,000 տոննա,

• Փայտանյութ․ շուրջ 67,000 տոննա,

• Պարարտանյութ․ շուրջ 9,000 տոննա,

• Պրոպան․ 1,136 տոննա,

• Անտրացիտ․ 414 տոննա,

• Ալյումին․ 133 տոննա։

Զուգահեռաբար ակտիվորեն զարգանում է նաև երկկողմ առևտուրը․ Ադրբեջանից անմիջականորեն Հայաստան է ներմուծվել շուրջ 15,000 տոննա դիզելային վառելիք և շուրջ 5,000 տոննա բենզին։