Կառավարությունն այսօր՝ օգոստոսի 6-ին, չզեկուցվող հարցերի փաթեթով ընդունեց որոշման նախագիծ, ըստ որի երեք նախարարություններ այսուհետ կունենան այլ անուններ։
Ըստ առաջարկվող փոփոխությունների՝ Արտաքին գործերի նախարարությունը կվերանվանվի Արտաքին գործերի և միջազգային առևտրի նախարարություն, Բարձր տեխնոլոգիական արդյունաբերության նախարարությունը՝ Բարձր տեխնոլոգիական արդյունաբերության և արհեստական բանականության նախարարություն, իսկ Աշխատանքի և սոցիալական հարցերի նախարարությունը՝ Աշխատանքի և բարեկեցության նախարարություն։
Նախագիծը մինչ կառավարության կողմից հավանության արժանանալը դրվել էր հանրային քննարկման, որտեղ ներկայացվել էին դիտողություններ և առաջարկություններ, հատկապես Բարձր տեխնոլոգիական արդյունաբերության նախարարության անվանափոխության վերաբերյալ։
Leave a Reply