Հայաստանում ամենից շատ ցանկանում են դառնալ ստոմատոլոգ, տնտեսագետ ու իրավաբան

Երեւան: Մեդիամաքս: 2025 թվականի համեմատ Հայաստանում ամենապահանջված մասնագիտությունների ցանկը չի փոխվել:

Մեկ տեղի համար առավել շատ դիմորդներ է ունեցել ԵՊԲՀ «Ստոմատոլոգիա» մասնագիտությունը՝ 3 դիմորդ, երկրորդ տեղում ԵՊՀ «Տնտեսագիտություն» մասնագիտությունն է` 2.7 դիմորդ, երրորդում՝ Ռուս-Հայկական Համալսարանի «Իրավագիտություն» մասնագիտությունն է` 2.5 դիմորդ։ 

Մեկ տեղի համար 2.3-ական հայտ են ստացել ԵՊԲՀ «Բուժական գործ», ՀՊՏՀ «Կիրառական վիճակագրություն եւ տվյալների գիտություն» եւ ԵՊՀ «Հանրային կառավարում» մասնագիտությունները։

Դիմորդների բացարձակ թվով առաջատարն են ԵՊԲՀ «Բուժական գործ» (832 հայտ, 397 ընդունված դիմորդ), ՃՇՀԱՀ «Ճարտարապետություն» (442 հայտ, 245 ընդունված դիմորդ), ՀՊՏՀ «Տնտեսագիտություն» (402 հայտ, 205 ընդունված դիմորդ) մասնագիտությունները։

2026 թ. սեպտեմբերին բակալավրի ու անընդհատ եւ ինտեգրված կրթական ծրագրերով առկա ուսուցմամբ Հայաստանի պետական եւ ոչ պետական բուհերում ուսումնառությունը կսկսեն 10958 առաջին կուրսեցիներ: 

Ամենամեծ թվով ընդունված դիմորդներ ունեն Երեւանի պետական համալսարանը, Հայաստան պետական տնտեսագիտական համալսարանը, Հայաստանի ազգային պոլիտեխնիկական համալսարանը: