Երեւան: Մեդիամաքս: Իրանի նախագահ Մասուդ Փեզեշքիանը հայտարարել է, որ իր հրաժարականի մասին տեղեկությունները իրականությանը չեն համապատասխանում:
Նա այդ մասին ասել է տեսաուղերձում, որից մի հատվածը հրապարակել է պետական լրատվական IRNA գործակալությունը։
«Եթե ես հրաժարական տամ, ապա այդ մասին կհայտարարեմ հրապարակավ։ Բայց ես հրաժարական չեմ տալու, ես պայքարելու եմ»,- հայտարարել է Փեզեշքիանը։
Նա հերքել է նաեւ Իրանի Գերագույն առաջնորդ Մոջթաբա Խամենեիի եւ Զինված ուժերի հետ տարաձայնությունների մասին տեղեկությունները՝ հայտարարելով, որ ռազմական ղեկավարության հետ աշխատում է լիակատար համակարգմամբ։
Փեզեշքիանը նշել է, որ որոշ շրջանակներ փորձում են տպավորություն ստեղծել, թե իբր Իրանի Գերագույն առաջնորդի եւ նախագահի միջեւ տարաձայնություններ կան, ընդգծելով, որ այդ պնդումները չեն համապատասխանում իրականությանը։
Leave a Reply