«Շուրջ 50 մասնակցության հայտեր էին ներկայացվել Հայաստանի տարբեր մարզերից։ Միջոցառման շրջանակներում հյուրերի համար կազմակերպվեց պոեզիայի, երաժշտության երեկո՝ տոնելու արվեստի արտահայտման ուժն ու համայնքային կապերի կարեւորությունը։
Լուսանկարը` EUMA
«Իմ տունը…» խորագրով ցուցահանդեսը մասնակիցներին հրավիրել է խորհելու, թե ինչ է իրենց համար նշանակում տուն՝ վայր, մարդ, թե՞ զգացողություն։ Միջոցառումը նվիրված էր այն վայրերին, մարդկանց եւ համայնքներին, որոնք միավորում են մեզ եւ ամրապնդում պատկանելության զգացումը։
Լուսանկարը` EUMA
Նման նախաձեռնություններով EUMA-ն նպատակ ունի աջակցել ստեղծագործական արտահայտմանը՝ որպես համերաշխության, դիմադրողականության եւ համայնքային կապերի ամրապնդման միջոց։ Այն ընդգծում է արվեստի, պատմասացության եւ համայնքային ներգրավվածության միջեւ առկա սերտ կապը Հայաստանում», – ասվում է EUMA-ի մամուլի հաղորդագրության մեջ։
EUMA-ն հիմնվել է 2023 թվականի փետրվարի 20-ին՝ Հայաստանի կառավարության խնդրանքով։ Առաքելության գործող մանդատը նախատեսված է մինչև 2027 թվականի փետրվարը։
Leave a Reply