Լուգանսկում Ուկրաինայի ԶՈւ-ն հարձակվել է ուղևորատար ավտոբուսի վրա։
ԵՐԵՎԱՆ, 27 հուլիսի – Sputnik. Ուկրաինական զինված ուժերի հարվածների հետևանքով ԼԺՀ–ում 2 մարդ է զոհվել, 7-ը` վիրավորվել։ Այս մասին հայտնել է հանրապետության ղեկավար Լեոնիդ Պասեչնիկը։
«Վաղ առավոտյան Պերևալսկում քաղաքացիական բեռնատար է հարձակման ենթարկվել, զոհվել է 41-ամյա վարորդը։ Պերվոմայսկ քաղաքային օկրուգում նեոնացիստները հարվածել են գազի ծառայության ավտոմեքենային։ Վարորդը տեղում զոհվել է, ևս երեք աշխատակից` վիրավորվել»,- գրել է Պասեչնիկը «Մաքս» հարթակի իր ալիքում։
Նա հավելել է, որ բեռնատար ավտոմեքենայի վրա հարձակման հետևանքով ամուսնական զույգ է տուժել Նովոայդարի մունիցիպալ շրջանում, ևս մեկ տղամարդ վիրավորվել է իր մարդատար ավտոմեքենային հասցված հարվածի հետևանքով։
Նրա խոսքով՝ Լուգանսկում ուղևորատար միկրոավտոբուս է հարձակման ենթարկվել, վիրավորում է ստացել 43-ամյա վարորդը։ Բացի այդ, քաղաքում ԱԹՍ-ն հարվածել է կայանված բեռնատար ավտոմեքենային, ոչ ոք չի տուժել։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։
Leave a Reply