Ստեփանավանն ու հարակից համայնքները ստանում են ժամանակակից գյուղտեխնիկա

Լոռու մարզի Ստեփանավան խոշորացված համայնքում և Գյուլագարակ, Կուրթան, Գարգառ բնակավայրերում գյուղտեխնիկայի սուր պակասի հարցը ստացել է իրական լուծում։ «Ուժեղ Հայաստանն» ու Սամվել Կարապետյանը, տեղական շուկայի ուսումնասիրությունից և լեռնային ռելիեֆի ու կլիմայի հաշվառումից հետո, ներմուծել են «Gomselmash G55» հացահատիկահավաք կոմբայն։

Նոր տեխնիկան կկրճատի հնձի կորուստները՝ նախկինում 20 տոկոսից և ավելիից մինչև ընդամենը 1-3 տոկոս, ապահովելով արագ ու անկորուստ բերքահավաք։

Ֆերմերների ծախսերը նույնպես կնվազեն. եթե մեկ հեկտարի քաղը այլ մարզերից վարձակալած տեխնիկայով արժեր 25000-30000 դրամ, ապա այժմ կվճարվի միայն վառելիքն ու վարորդի աշխատանքը, և ծախսը կնվազի ավելի քան երկու անգամ՝ մինչև 15000 դրամ։ Սա կիջեցնի տեղական հացահատիկի ինքնարժեքը և կբարձրացնի Լոռու ֆերմերների մրցունակությունը։