ՊԱՏՄՈՒԹՅԱՆ ԱՅՍ ՕՐԸ (17 նոյեմբերի). Ամենամեծ մետեորային անձրևը, եկեղեցիների միջև հարաբերությունների դադարեցումը. «Փաստ»

Written by

in


«Փաստ» օրաթերթը գրում է.

 ՏՈՆԵՐ ԵՎ ՀԻՇԱՐԺԱՆ ՕՐԵՐ

Ուսանողների միջազգային օր, Չեխիա և Սլովակիա՝ Ազատության և ժողովրդավարության համար մղվող պայքարի օր, Հայաստան՝ Ռազմական բժշկի օր։

ՀԱՅ-ՀԱՅԱՍՏԱՆ

1808– Ռուս-թուրքական 8-րդ պատերազմի ժամանակ (1806-1812) գրաֆ Գուդովիչի ղեկավարած ռուսական բանակը մոտեցել է Երևանին և անհաջող գրոհել այն:

1840 – ծնվել է նշանավոր բանասերբանահավաք, ազգագրագետ, հասարակական գործիչ Գարեգին Սրվանձտյանը։

1861 – վախճանվել է բանասեր, բժիշկ, տնտեսագետ, հասարակական գործիչ Գևորգ Ախվերդյանը։

1877 – ծնվել է դրամատուրգ, թարգմանիչ և բառարանագիր Մամիկոն Գևորգյանը։

1886 – ծնվել է բժիշկ, քաղաքական գործիչ Արտաշես Բաբալյանը։ 

1891 – ծնվել է ճարտարապետ Տիրան Երկանյանը։

1892 – իր ծննդյան նույն օրը 52 տարեկան հասակում վախճանվել է Գարեգին Սրվանձտյանը։

1896 – ծնվել է բանաստեղծ և գրականագետ Արշալույս Արշարունին։

 1904 – ծնվել է քիմիկոս – օրգանիկ Ալեքսանդր Հակոբյանը։

1920 – Հայ-թուրքական պատերազմի ժամանակ հուսալքված հայկական բանակը առանց դիմադրության թողել է Շահթախտին ու ամբողջ Շարուրը և միայն կարողացել է կանգնեցնել թուրքխորհրդային հարձակումը Դավալուի շրջանում։

1924 – ծնվել է գրականագետ Սերգեյ Սարինյանը։

1927 – ծնվել է գեղանկարիչ Առաքել Առաքելյանը։

 1992 – Ղարաբաղյան առաջին պատերազմի ժամանակ հայերի Կիչան-Վաղուհաս ուղղությամբ հարձակումը բեկում է մտցրել հակամարտության ընթացքում։

1992 – ավարտվել են Հայաստանի զինված ուժերի բժշկական հոսպիտալի ձևավորման աշխատանքները։

 2005 – Շոտլանդիայի մայրաքաղաք Էդինբուրգի քաղաքային խորհուրդը ձայների 29 «կողմ» և 16 «դեմ» հարաբերակցությամբ ընդունել է Հայոց ցեղասպանության ճանաչման մասին որոշմում:

2006 – Մուրմանսկում սպանվել է հայ գործարար, Ռուսաստանի հայերի միության տարածաշրջանային կառույցի ղեկավար Արթուր Հարությունյանը:

2011 – Լոռու մարզի ընդհանուր իրավասության դատարանը ԱՄՆ-ի 70-ամյա գործարար քաղաքացի Սերոբ Տեր-Պողոսյանին 15 տարվա ազատազրկման է դատապարտել մանկապղծության մեղադրանքով։

2016 – խորհրդարանն ընդունել է «Հազար դրամների օրինագիծը»՝ հայրենիքի պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին օրենքը։

ԱՇԽԱՐՀ

9 – ծնվել է Հռոմի կայսր Վեսպանսիանը։

1558 – կաթոլիկ-թագուհի Մարի Թյուդորի մահից հետո անգլիական գահ է բարձրացել նրա բողոքական քույր Ելիզավետա 1-ինը՝ թագավոր Հենրիխ 8-րդի և Աննա Բոլեյնի աղջիկը։

1796 – վախճանվել է Ռուսաստանի կայսրուհի Եկատերինա 2-րդը։

 1800 – ԱՄՆ-ի Կոնգրեսը առաջին անգամ հավաքվել է Վաշինգտոնում։

1853 – աշխարհում առաջին անգամ տեղի է ունեցել շոգեֆրեգատների ճակատամարտ։

1855 – Աֆրիկայի հետազոտող Դևիդ Լիվինգտոնը դարձել է առաջին եվրոպացին, որը տեսել է Զամբեզի գետի վրա գտնվող 120 մետր բարձրությամբ ջրվեժը և այն անվանել է իր թագուհու անունով՝ Վիկտորիա ջրվեժ։

 1858 – վախճանվել է անգլիացի փիլիսոփա Ռոբերտ Օուենը։

 1869 – բացվել է Սուեզի ջրանցքը, որ Միջերկրական ծովը կապում է Կարմիր ծովին։

1903 – Պետրոպոլիսյան հաշտության պայմանագրով ավարտվել է Ակրիի պատերազմը Բրազիլիայի և Բոլիվիայի միջև, ըստ որի, Բոլիվիան Բրազիլիային է զիջել իր տարածքի մի մասը՝ որպես փոխհատուցում երկաթուղու և ջրմուղի կառուցման։

1913 – Պանամայի ջրանցքով անցել է առաջին նավը։

1917 – բրիտանական զորքերը Պաղեստինում թուրքերից գրավել են Յաֆֆան։

1917 – վախճանվել է ֆրանսիացի քանդակագործ Օգյուստ Ռոդենը։

 1920 – Ղրիմը գարվվել է Կարմիր բանակի կողմից։

1929 – վախճանվել է ամերիկացի գյուտարար Հերման Հոլերիթը։

 1933 – ԱՄՆ-ը ճանաչել է Խորհրդային Միությունը։

1942 – ծնվել է ամերիկացի հայտնի ռեժիսոր, պրոդյուսեր և սցենարիստ Մարտին Սկորսեզեն։

1944 – ծնվել է ամերիկացի դերասան, ռեժիսոր և պրոդյուսեր Դենի դե Վիտոն։

1948 – «Ավրորա» հածանավը կանգնել է հավերժական կայանի Պետերբուրգի ափամերձ Մեծ Նևկայում։

1966 – գիշերը գրանցվել է Լեոնիդ մետեորային խմբի ամենամեծ մետեորային անձրևը, որը նկատելի է եղել ԽՍՀՄ-ի արևել յան հատվածում և Հյուսիսային Ամերիկայում։

1978 – ԽՍՀՄ-ը հայտարարել է նեյտրոնային ռումբի հաջողված փորձարկման մասին։

1988 – Բենազիր Բհուտտոն դարձել է Պակիստանի վարչապետ. նա դարձել է մուսուլմանական պետության առաջին կին ղեկավարը։

1997 – Եգիպտոսի Լուքսոր քաղաքում «ալԳամմա ալ-Իսլամ» խմբավորման իսլամ ահաբեկիչների կողմից սպանվել է Լուքսորի հուշարձանները նայող 58 արտասահմանցի տուրիստ և 4 եգիպտացի, 26-ը վիրավորվել են։

2001 – Աֆղանստանի նախկին նախագահ Բուհրաննուդին Ռաբբանին վերադարձել է Քաբուլ այն բանից հետո, երբ 5 տարի առաջ հեռացվել էր պաշտոնից «Թալիբան» շարժման կողմից։

2003 – Ռուս ուղղափառ եկեղեցին հայտարարել է ԱՄՆ-ի եպիսկոպոսյան եկեղեցու հետ հարաբերությունների դադարեցման մասին այն պատճառով, որ այդ եկեղեցում որպես եպիսկոպոս ձեռնադրվել է միասեռական անձնավորություն։

Մանրամասները՝ «Փաստ» օրաթերթի այսօրվա համարում

Comments

Leave a Reply

Your email address will not be published. Required fields are marked *