ՍԻՍԻԱՆ ՀԱՄԱՅՆՔԻ ՂԵԿԱՎԱՐ ՀՈՎՍԵՓ ԱՌԱՔԵԼՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ՝ ՈՒՍԱՆՈՂՆԵՐԻ ՄԻՋԱԶԳԱՅԻՆ ՕՐՎԱ ԿԱՊԱԿՑՈ

Written by

in

Սիրելի՛ ուսանողներ,

Շնորհավորում եմ ձեզ Ուսանողների միջազգային օրվա առթիվ։

Ուսանողական տարիները մարդու կյանքի կարևորագույն փուլերից են։ Դրանք ոչ միայն գիտելիք ձեռք բերելու, մասնագիտական կարողություններ զարգացնելու, այլև սեփական աշխարհայացքը ձևավորելու, նոր գաղափարներին ծնունդ տալու և հետագա ճանապարհը նախանշելու տարիներ են։ Այսօր ձեռք բերված գիտելիքները, աշխատասիրությունն ու հետևողականությունը վաղվա մասնագիտական հաջողությունների և նորարար գաղափարների կարևոր նախադրյալներն են։

Սիրելի՛ ուսանողներ, հավատացե՛ք ձեր ուժերին, մի՛ վախեցեք նոր խոչընդոտներ հաղթահարելուց, հարցեր բարձրացնելուց, սեփական տեսակետն արտահայտելուց և դժվարությունները հաղթահարելուց։

Օգտվե՛ք սովորելու ու զարգանալու յուրաքանչյուր հնարավորությունից, եղե՛ք նախաձեռնող, հետաքրքրասեր և նպատակասլաց։ Մի՛ սահմանափակվեք միայն լսարանում ստացած գիտելիքներով․ փնտրե՛ք, ուսումնասիրե՛ք, փորձե՛ք և շարունակաբար կատարելագործե՛ք ինքներդ ձեզ։

Մեր համայնքի ապագան մեծապես պայմանավորված է նաև երիտասարդ սերնդի կրթվածությամբ, մասնագիտական պատրաստվածությամբ և զարգացման գործում ունեցած մասնակցությամբ։ Կարևոր է, որ ձեր գիտելիքներն ու կարողությունները հետագայում ծառայեցնեք ոչ միայն ձեր անձնական նպատակներին, այլև մեր հասարակության բարօրությանն ու հայրենիքի առաջընթացին։

Կրկին շնորհավորելով՝ մաղթում եմ ձեզ ուսանողական անմոռանալի տարիներ, ոգեշնչում, անսպառ եռանդ, նոր բացահայտումներ և նորանոր ձեռքբերումներ։

Comments

Leave a Reply

Your email address will not be published. Required fields are marked *