Վենսը հայտարարել է, որ ԱՄՆ-ն թույլ չի տա, որ Իրանում պատերազմը ձգվի երկու տարի

Written by

in

ԱՄՆ փոխնախագահ Ջեյ Դի Վենսը Fox News հեռուստաալիքին տված հարցազրույցում հայտարարել է, որ ամերիկյան վարչակազմը թույլ չի տա, որ Իրանի հետ պատերազմը ձգվի երկու տարի։

Նա նաև նշել է, որ իրանական միջուկային ծրագիրը շարունակում է սպառնալիք ներկայացնել Միացյալ Նահանգների համար։

«Մենք ամերիկացի ժողովրդին ասել ենք, որ այլևս անվերջ պատերազմներ չենք մղելու», – ասել է Վենսը։ «Այո՛, նախագահը համարում էր, որ պետք է ոչնչացնի միջուկային ծրագիրը, և այո՛, իրանական միջուկային ծրագիրը սպառնալիք է ներկայացնում ԱՄՆ-ի համար։ Բայց մենք չենք պատրաստվում սա ձգձգել 10 կամ 15 տարի և, անկեղծ ասած, նույնիսկ երկու տարի», – նշել է նա։

«Թեև շատ նեոպահպանողականներ և այլ մարդիկ ցանկանում են, որ մենք այնտեղ մնանք հավերժ, մենք չենք պատրաստվում ընդմիշտ մնալ այնտեղ։ Մենք խոստացել ենք, որ չենք մնա, և ես լիովին վստահ եմ, որ նախագահը մեզ այս իրավիճակից դուրս կբերի գերազանց արդյունքներով», – ընդգծել է ԱՄՆ փոխնախագահը։

դիտվել է 7 անգամ

Comments

Leave a Reply

Your email address will not be published. Required fields are marked *