ՆԳՆ-ի անունից կրկին տարածվում են կեղծ հաղորդագրություններ

Written by

in

Քաղաքացիները iMessage համակարգի միջոցով շարունակում են ստանալ ՀՀ ՆԳՆ-ի և Ճանապարհային ոստիկանության անունից ուղարկվող կեղծ հաղորդագրություններ։ Այս մասին տեղեկացնում են ՆԳՆ Կիբեռոստիկանությունից:

«Դրանք հիմնականում ուղարկվում են օտարերկրյա հեռախոսահամարներից և պարունակում են պաշտոնական կայքերին նմանակող հղումներ, որոնց միջոցով զեղծարարները փորձում են ձեռք բերել անձնական և բանկային տվյալներ՝ գումար հափշտակելու նպատակով։

Կրկին հորդորում ենք ձեզ՝

Մի՛ բացեք կասկածելի հղումները։

Մի՛ տրամադրեք անձնական և բանկային տվյալներ։

Արգելափակեք ուղարկողին և հաղորդագրությունը նշեք որպես անցանկալի (Spam/Junk)։

Տվյալների փոխանցման կամ կասկածելի գործողությունների դեպքում անմիջապես կապ հաստատեք բանկի հետ և տեղեկացրեք ոստիկանությանը։

Հիշե՛ք․ պետական մարմնի անվանման օգտագործումը չի նշանակում, որ հաղորդագրությունն իրական է։ Տեղեկատվությունը ստուգեք միայն պաշտոնական աղբյուրներով»,- ասվում է հաղորդագրությունում։

Comments

Leave a Reply

Your email address will not be published. Required fields are marked *