Կապանի լեռնահարստացման կոմբինատ» ՓԲ ընկերության կառավարման խորհրդի նախագահ Սասուն Ավետիսյանի շնորհավ

Հարգելի՛ գործընկերներ, հանքարդյունաբերության ոլորտի վաստակաշա՛տ մասնագետներ

Ջերմորեն շնորհավորում եմ ձեզ մասնագիտական տոնի՝ Հանքագործի և մետալուրգի օրվա կապակցությամբ։

Մեր ընկերության պատմությունը ստեղծվել է հանքագործների, երկրաբանների, հարստացնողների, ինժեներների, ինչպես նաև օժանդակ աշխատակիցների թիմային աշխատանքի շնորհիվ։ Ձեր մասնագիտական հմտությունները, միասնականությունը և աշխատանքի նկատմամբ պատասխանատու վերաբերմունքը տեսանելի են և գնահատելի:

Բոլորդ նկատել եք, որ Կապանի լեռնահարստացման կոմբինատում բարեփոխումների մի նոր ժամանակաշրջան է մեկնարկել: Լայն թափով իրականացվում են մեծածավալ ներդրումային ծրագրեր, որոնք ուղղված են ընկերության երկարաժամկետ զարգացմանը: Հանքարդյունաբերությունը մեր երկրի տնտեսության կարևորագույն և առաջատար ոլորտներից է:

Ուզում եմ հատուկ ընդգծել Լեռնամետալուրգիայի դերը հանքարդյունաբերության մեջ. այն ոլորտի հենասյուներից է, և հենց այստեղ են միավորվում գիտությունը, բարձր տեխնոլոգիաներն ու մասնագիտական փորձը:

Շարունակելու ենք ակտիվորեն շարժվել առաջ ՝ ստեղծելով առավել անվտանգ ու ժամանակակից աշխատանքային միջավայր՝ բարձր գնահատելով յուրաքանչյուրիդ ներդրումը։

Եվս մեկ անգամ շնորհավորում եմ բոլորիս մասնագիտական տոնի առթիվ, մաղթում՝ առողջություն, մասնագիտական նորանոր ձեռքբերումներ, ձեզ և ձեր ընտանիքներին՝ բարեկեցություն։

Շնորհավո՛ր Հանքագործի և մետալուրգի օրը։

Կապանի լեռնահարստացման կոմբինատ