Քննարկվել են հարկային քաղաքականության փոփոխություններին ուղղված մի շարք առաջարկություններ

ՀՀ ֆինանսների նախարարի տեղակալ Համլետ Սահակյանի մասնակցությամբ տեղի է ունեցել աշխատանքային քննարկում՝ հարկման համակարգերի բարեփոխմանն ուղղված օրենսդրական նախաձեռնությունների վերաբերյալ:

Անդրադարձ է կատարվել միկրոձեռնարկատիրության շեմի բարձրացմանը, ինչպես նաև հարկման նպատակով կիրառվող՝ հիմնական միջոցների ամորտիզացման համակարգի ազատականացման հարցերին։

Քննարկման մասնակիցները ներկայացրել են մի շարք առաջարկություններ, որոնք լրացուցիչ կուսումնասիրվեն` օրենսդրական փոփոխությունների նախագծերում դրանց ներառման հնարավորությունը գնահատելու նպատակով։