Նաիրի Սարգսյանը հերքել է «Հրապարակ» օրաթերթի հրապարակումը, ըստ որի՝ մտադիր է մասնակցել Երևանի քաղաքապետի ընտրություններին։
Նա հայտարարել է, որ երբեք նման մտադրություն չի ունեցել՝ հրապարակումը որակելով որպես սուտ տեղեկություն և ակնարկելով, որ այն կարող է պատվեր լինել։
Սարգսյանի խոսքով՝ պարտադիր չէ, որ մարդն անձնական կամ քաղաքական շահ ունենա՝ իր քաղաքի խնդիրներով զբաղվելու համար։
«Ես պարզապես շատ եմ սիրում մեր քաղաքը և ուզում եմ, որ այն ավելի լավը դառնա»,- նշել է նա։Նաիրի Սարգսյանը նաև ընդգծել է, որ գոհ է քաղաքապետ Տիգրան Ավինյանի և նրա թիմի աշխատանքից՝ հավելելով, որ ինքն էլ առաջարկներով ու խորհուրդներով փորձում է աջակցել քաղաքում դրական փոփոխությունների իրականացմանը։
Նրա խոսքով՝ քաղաքապետարանի հետ համագործակցությունը հաջողությամբ է ընթանում։
Leave a Reply