Զանգեզուրի պղնձամոլիբդենային կոմբինատն իրականացնում է ընկերության թվայնացման գլոբալ գործընթաց

Զանգեզուրի պղնձամոլիբդենային կոմբինատն իրականացնում է ընկերության թվայնացման գլոբալ գործընթաց։

Այս բարեփոխման կարևոր բաղադրիչներից է «Թվային հուսալիություն» նախագիծը, որի գլխավոր նպատակն է բարձրացնել շահագործվող մեխանիզմների ու սարքավորումների արդյունավետությունը, իսկ նորոգման ծառայությունների աշխատանքը դարձնել նպատակային, պլանավորված և կառավարելի:

Նոր նախագծով «հետևանքները վերացնելու» մոդելը փոխարինվելու է «կանխարգելման» մոդելի։

Նախագիծը կօգնի.

• Կրճատել վթարային պարապուրդները

• Նվազեցնել նորոգումների տևողությունը

• Բարձրացնել աշխատանքների և գնումների պլանավորման որակը

• Կրճատել փաստաթղթաշրջանառության ծավալը

• Ապահովել արտադրության կայուն ընթացքը

Համակարգը թույլ է տալու ստեղծել միասնական թվային տարածք, որտեղ յուրաքանչյուր սարքավորում կունենա իր «թվային անձնագիրը», որում կարձանագրվի նորոգման պատմությունը, անսարքությունների պատճառները և դրանց վերացմանն ուղղված միջոցառումները։