«Փաստ» օրաթերթը գրում է.
Մինչ հայաստանյան հասարակական-քաղաքական դաշտում շարունակում են շրջանառվել իշխանությունների կողմից օրակարգ բերվող հնարավոր սահմանադրական փոփոխությունները, ակնհայտ է դառնում մեկ պարզ իրողություն. այս թեման դառնալու է առաջիկա ամիսների ներքաղաքական կյանքի ամենաթեժ «մարտադաշտը»։ Այս գործընթացները ոչ միայն իրավական կամ ձևական բնույթ են կրում, այլև ուղղակիորեն առնչվում են պետության և յուրաքանչյուր քաղաքացու հիմնարար ապագային՝ առաջ բերելով խորը մտահոգություններ և լուրջ հակադրություններ երկրում։
Անդրադառնալով ստեղծված իրավիճակին՝ «Փաստի» հետ զրույցում «ՀայաՔվե» ազգային քաղաքացիական միավորման համակարգող Ավետիք Չալաբյանը նշեց, որ եթե Հայաստանի Հանրապետությունում հանկարծ անցնի նոր Սահմանադրությունը, ապա երկիրն ուղղակիորեն դառնալու է հայ ժողովրդի մեծ համակենտրոնացման ճամբար՝ վերջնականապես կորցնելով հանրապետության իր ստատուսը։ Նրա խոսքով, այդ մղձավանջային պարագայում մարդիկ ապրելու են բացարձակ իրավազուրկ ու անպաշտպան վիճակում, որտեղ ցանկացած պահի յուրաքանչյուրը կարող է ձերբակալվել, ունեզրկվել, զրկվել բոլոր իրավունքներից կամ պարզապես արտաքսվել սեփական հայրենիքից։ Ավետիք Չալաբյանը նշեց, որ նման հետապնդումները կարող են տեղի ունենալ սոսկ այն պատճառով, որ, օրինակ՝ բարձրաձայնվում է այնպիսի պարզ ու սրբազան ճշմարտություն, թե Արարատ սարը մերն է, կամ Անդրանիկը մեր ազգի հերոսն է։
Միաժամանակ, նա նկատեց, որ նմանատիպ ճնշումների ու երևույթների տարրերն արդեն իսկ նկատելի են, սակայն նոր Սահմանադրության ընդունումից հետո դրանք ստանալու են համատարած ու անկասելի բնույթ։
Ամփոփելով իր խոսքը՝ Ավետիք Չալաբյանն ընդգծեց, որ ոչ մի պարագայում և երբեք չի կարելի թույլ տալ, որ գործող իշխանությունները՝ Փաշինյանի գլխավորությամբ, սպառնալիքի, ճնշումների ու շանտաժի ուժով այդ կործանարար Սահմանադրությունը կապեն մեր ժողովրդի վզին, և հետևաբար՝ նման հանրաքվեի անցկացումը պետք է արմատապես բացառվի ու թույլ չտրվի։
դիտվել է 14 անգամ
Լրահոս
Ամենաընթերցվածները
Շուտով
Հոկտեմբերի 27-ին՝ ժամը 12։00-ին, Հայելի ակումբի հյուրն է Երվանդ Բոզոյանը
Հոկտեմբերի 27-ին՝ ժամը 11։30-ին, Հայելի ակումբի հյուրն է Արման Աբովյանը
Հոկտեմբերի 27-ին՝ ժամը 13։30-ին, Հայելի ակումբի հյուրն է Խոսրով Հարությունյանը
Հոկտեմբերի 27-ին՝ ժամը 16։00-ին, Հայելի ակումբի հյուրն է Հովհաննես Իշխանյանը
Հոկտեմբերի 26-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը
Հոկտեմբերի 26-ին՝ ժամը 14։00-ին, Հայելի ակումբի հյուրն է Էդգար Էլբակյանը
Հոկտեմբերի 26-ին՝ ժամը 13։00-ին, Հայելի ակումբի հյուրն է Սուրեն Սուրենյանցը
Հոկտեմբերի 26-ին՝ ժամը 11։00-ին, Հայելի ակումբի հյուրն է Հայկ Նահապետյանը
Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը
Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը
Leave a Reply