Կալանավոր Հ. Ենոքյանը փախել է, ոստիկանությունը փորձում է հայտնաբերել նրան․

 Կալանավոր Հ. Ենոքյանը փախել է, ոստիկանությունը փորձում է հայտնաբերել նրան․ որտե՞ղ է նա

Ambion.news-ի տեղեկություններով՝ կալանավոր Հ. Ենոքյանը փախել է Արմավիրի մարզի առաջին ատյանի ընդհանուր իրավասության դատարանի Արմավիրի նստավայրից։

Հ. Ենոքյանը կալանքը կրում էր «Արմավիր» քրեակատարողական հիմնարկում։ Ambion.news-ի տեղեկություններով նա խարդախության համար էր կալանավորված։ Նրան դատարան էին տեղափոխել դատավոր Գևորգ Մանուկյանի վարույթում գտնվող քրեական գործով դատական նիստին մասնակցելու նպատակով։ Այս պահին Արմավիրում ոստիկանությունը ուժեղացված ծառայություն է իրականացնում։

Ambion.news-ի հետ զրույցում Ներքին գործերի նախարարի մամուլի քարտուղար Նարեկ Սարգսյանը հաստատեց տեղեկությունը՝ հայտնելով, որ ձեռնարկվում են միջոցառումներ նրան հայտնաբերելու ուղղությամբ։ Հանգամանքները պարզվում են։