Իմ կարծիքում որևէ բան չի փոխվել։ Տվյալների և կանխատեսումների վերաբերյալ՝ կապրենք, կտեսնենք։ Այդ մասին ճեպազրույցի ժամանակ ասաց վարչապետ Նիկոլ Փաշինյանը՝ անդրադառնալով Հայաստանի անդամակցության կասեցման մասին Եվրասիական միջկառավարական խորհրդի՝ Ռուսաստանի, Բելառուսի, Ղազախստանի և Ղրղզստանի անդամների ներկայացրած զեկույցին և դրա վերաբերյալ ՀՀ արձագանքին։
Փաշինյանը հիշեցրեց, որ օրենքը, որն ընդունվել է, Հայաստանի պատմության մեջ առաջին դեպքն է, երբ այն ընդունվել է քաղաքացիական նախաձեռնությամբ, երբ մի շարք կազմակերպություններ, քաղաքացիական հասարակության ներկայացուցիչներ օգտվել են Սահմանադրությամբ վերապահված հնարավորությունից, ըստ որի՝ 50 հազար ստորագրություն հավաքելու դեպքում կարող են նախագիծ ներկայացնել ԱԺ-ում, և եթե ԱԺ-ն չի ընդունում, կարող են 300 հազար ստորագրությամբ վերադառնալ, որի արդյունքում տեղի կունենա հանրաքվե։
«ԵՄ-ին Հայաստանի անդամակցության գործընթաց սկսելու մասին օրենքը Հայաստանում ժողովրդավարության շատ կարևոր արտահայտություն է, և մենք պատրաստվում ենք մեր երկրում ժողովրդավարությունը նույնպես պաշտպանել»,- ասաց նա։
Leave a Reply