Հայաստանը՝ ռեսուրսների, կայունության և հնարավորությունների խաչմերուկում թեմայով պանելային քննարկում՝ ԶՊՄԿ գլխավոր տնօրեն Ռոման Խուդոլիի մասնակցությամբ

Mining Armenia Forum 2026-ն իրականություն է

 Հոկտեմբերի 16-17 Ծաղկաձորում անցկացվում է հանքարդյունաբերության ոլորտի ամենահեղինակավոր միջոցառումը՝ Mining Armenia Forum 2026-ը։ Զանգեզուրի պղնձամոլիբդենային կոմբինատը այս տարի հանդիսանում է ֆորումի ռազմավարական հովանավորը։

 Միջոցառման առաջին օրն անցկացվել է Հայաստանը՝ ռեսուրսների, կայունության և հնարավորությունների խաչմերուկում թեմայով պանելային քննարկումը, որին մասնակցել է ԶՊՄԿ գլխավոր տնօրեն Ռոման Խուդոլին։

 Խոսնակները քննարկել են Հայաստանի հանքային և երկրաբանական ներուժը, ներդրումային գրավչությունը, կարգավորումների կանխատեսելիությունը, շրջակա միջավայրի պաշտպանությունը, հանրային ակնկալիքները և այլ առանցքային հարցեր։