Հայաստանի հանքարդյունաբերության և մետալուրգիայի ասոցիացիայի նախագահ, Զանգեզուրի պղնձամոլիբդենային կոմբինատի գլխավոր տնօրենի առաջին տեղակալ Վարդան Ջհանյանը Ծաղկաձորում անցկացվող հանքարդյունաբերական երրորդ ֆորումում հայտարարել է, որ 2027 թվականին ոլորտի արտահանումը կարող է հասնել 3 միլիարդ դոլարի, իսկ 2031 թվականին՝ 5 միլիարդի։
Նրա ներկայացրած կանխատեսումների համաձայն՝ 2026 թվականին հանքարդյունաբերության աճը կկազմի 21,5%, իսկ ոլորտի արտահանումը կաճի 76%-ով։ Ջհանյանը նշել է, որ աճին նպաստում են մետաղների ռեկորդային գներն ու Ամուլսարի հանքի շահագործումը։
Միաժամանակ նա մտահոգություն է հայտնել Հայաստանում երկրաբանահետախուզական աշխատանքների անբավարար ծավալների վերաբերյալ։ Նրա խոսքով՝ 2015 թվականի համեմատ այդ ուղղությամբ ծախսերը նվազել են շուրջ 50%-ով, ինչի հետևանքով երկիրը լիարժեք չի օգտագործում իր հանքարդյունաբերական ներուժը։
Մանրամասները՝ տեսանյութում․
դիտվել է 89 անգամ
Leave a Reply