Երեւան: Մեդիամաքս: Հայաստանի արտգործնախարար Արարատ Միրզոյանն այսօր ասել է, որ «Ադրբեջանի հետ անկլավ-էքսկլավների փոխանակում կարող է լինել»:
«Եթե Հայաստանի ճանաչված 29 740,3 քկմ որեւէ բան պետք է փոխանցվի այլ պետության եւ որեւէ բան ստացվի, այսինքն՝ տարածքի փոփոխություն պետք է լինի, ապա սա համաժողովրդական քվեարկություն ենթադրող հարց է, եւ այդպես էլ պետք է լինի, սրանից հնարավոր չէ խուսափել»,- ասել է նա Շվեյցարիայի արտաքին հարաբերությունների դաշնային դեպարտամենտի ղեկավար, ԵԱՀԿ Գործող նախագահ Իգնասիո Կասիսիի հետ համատեղ ճեպազրույցի ժամանակ:
Նա նշել է, որ լուծումներից մեկն էլ կարող է լինել, որ անկլավներից մեկը մնա մեկին, մյուսի տարածքում գտնվողը՝ մյուսին.
«Կարող է տարածքներով փոխանակվեն: Կարող է եւ ուրիշ տարբերակներ լինեն տեսականորեն, այսինքն՝ համարժեք տարածքներ իրար տրամադրվեն սահմանին»:
Leave a Reply