ԱՄՆ նախագահ Դոնալդ Թրամփը հայտարարել է, որ Վաշինգտոնը շատ շուտով որոշում կկայացնի Իրանի նկատմամբ հետագա գործողությունների վերաբերյալ։
«Մենք շատ շուտով որոշում կկայացնենք Իրանի հարցով։ Մենք վերահսկում ենք Հորմուզի նեղուցը, որով նավթի մեծ ծավալներ են տեղափոխվում»,- ասել է Թրամփը Սպիտակ տան հարավային մարգագետնում լրագրողների հետ զրույցում։
ԱՄՆ-ն և Իսրայելը Իրանի դեմ պատերազմը սկսել են փետրվարի 28-ին։ Հունիսին Վաշինգտոնն ու Թեհրանը փոխըմբռնման հուշագիր են ստորագրել, որը նախատեսում էր ռազմական գործողությունների անհապաղ դադարեցում բոլոր ճակատներում, այդ թվում՝ Լիբանանում։
Սակայն հուլիսի 8-ի գիշերը ԱՄՆ-ն վերսկսել է Իրանի ուղղությամբ լայնածավալ հարվածները՝ Թեհրանին մեղադրելով ձեռք բերված պայմանավորվածությունները խախտելու մեջ՝ Հորմուզի նեղուցի հարցում։
Հորմուզի նեղուցով է իրականացվում նավթի համաշխարհային առևտրի շուրջ 25 տոկոսը և հեղուկացված բնական գազի համաշխարհային առևտրի մոտ 20 տոկոսը։
Դրանից հետո ԱՄՆ վարչակազմը, ըստ էության, ազդարարել է Իրանի դեմ լայնածավալ ռազմական ուժի կիրառումը դադարեցնելու և պատժամիջոցների միջոցով երկրի վրա տնտեսական ճնշումն ուժեղացնելու քաղաքականության անցնելու մասին։
դիտվել է 127 անգամ
Leave a Reply