Հարգելի՛ ուսուցիչներ, վաստակաշատ մանկավարժներ, կրթության ոլորտի հարգելի՛ ներկայացուցիչներ,
ընդունեք իմ ջերմ շնորհավորանքներն ու բարեմաղթանքները Ուսուցչի օրվա կապակցությամբ։
Ուսուցչի աշխատանքը հասարակության զարգացման և պետության կայացման կարևորագույն առաքելություններից է, որի միջոցով ձևավորում է պատասխանատու, արժեհամակարգային և հայրենասեր քաղաքացին։
Ձեր դերն ու պատասխանատվությունը անփոխարինելի է, իսկ ձեր մասնագիտական նվիրումը, սկզբունքայնությունն ու հետևողական աշխատանքը նպաստավոր` մեր երեխաների և երիտասարդների կրթական առաջընթացին, նրանց քաղաքացիական գիտակցության ձևավորմանն ու մեր համայնքի ու պետության կայուն զարգացմանը։
Համայնքի կրթական հաստատությունների, մանկավարժների և տեղական ինքնակառավարման մարմինների համատեղ ու հետևողական աշխատանքը կարևոր նախապայման են կրթական միջավայրի շարունակական բարելավման և նոր սերնդի լիարժեք զարգացման համար։
Իմ անունից խորին երախտագիտություն եմ հայտնում ձեզ՝ ձեր պատասխանատու և նվիրական աշխատանքի, մասնագիտական բարձր գիտակցության, համբերատարության և մեր սերունդների կրթության ու դաստիարակության գործում ունեցած նշանակալի ավանդի համար։
Մաղթում եմ ձեզ քաջառողջություն, բարեկեցություն, մասնագիտական նորանոր ձեռքբերումներ, անսպառ եռանդ և հաջողություններ ձեր պատասխանատու ու պատվաբեր առաքելության մեջ։
Թող ձեր ամենօրյա աշխատանքը մշտապես արժևորվի, իսկ ձեր սաների ձեռքբերումներն ու հաջողությունները դառնան ձեր նվիրումի լավագույն գնահատականը։
Շնորհավոր Ուսուցչի տոն։
Leave a Reply