Գորիս համայնքի ղեկավար Առուշ Առուշանյանի ուղերձը՝ Ուսուցչի տոնի առթիվ

Սիրելի՛ ուսուցիչներ,

Ջերմորեն շնորհավորում եմ Ձեզ մասնագիտական տոնի՝ Ուսուցչի օրվա առթիվ։

Ուսուցչի մասնագիտությունը պարզապես աշխատանք չէ․ այն առաքելություն է, որը պահանջում է գիտելիք, նվիրում, համբերություն, պատասխանատվություն և, ամենակարևորը, սեր երեխայի և կրթության նկատմամբ։ Ուսուցիչն այն մարդն է, ով ոչ միայն սովորեցնում է, այլև ուղղորդում, ոգեշնչում ու հավատ է ներշնչում իր աշակերտներին՝ նրանց մեջ ձևավորելով գիտելիքի, աշխատանքի, հայրենիքի և մարդկային բարձր արժեքների նկատմամբ վերաբերմունք։

Կրթված ու արժեհամակարգով ամուր սերունդ ունենալու ճանապարհը սկսվում է դպրոցից, իսկ այդ ճանապարհի ամենակարևոր ուղեկիցը ուսուցիչն է։ Ձեր ամենօրյա աշխատանքը ներդրում է ոչ միայն յուրաքանչյուր աշակերտի անհատական ապագայի, այլև մեր համայնքի ու պետության վաղվա օրվա մեջ։

Գորիս խոշորացված համայնքի կրթական կյանքում առանձնահատուկ է Ձեր դերը։ Մեր դպրոցներում և կրթական հաստատություններում աշխատող մանկավարժներն իրենց մասնագիտական բարձր պատասխանատվությամբ շարունակում են ձևավորել սերունդներ, որոնք պետք է իրենց գիտելիքով, աշխատանքով ու արժանապատիվ վարքով կերտեն մեր համայնքի ապագան։

Այս գեղեցիկ օրվա առիթով իմ երախտագիտությունն եմ հայտնում Գորիս խոշորացված համայնքի բոլոր ուսուցիչներին՝ տարիների նվիրումի, կատարած պատասխանատու աշխատանքի և մեր երեխաների կրթության ու դաստիարակության գործում ունեցած անգնահատելի ավանդի համար։

Մաղթում եմ Ձեզ առողջություն, բարեկեցություն, մասնագիտական նոր ձեռքբերումներ, ստեղծագործական անսպառ եռանդ և ուժ՝ շարունակելու Ձեր կարևոր ու պատասխանատու առաքելությունը։ Թող Ձեր աշխատանքի ամենամեծ պարգևը լինեն Ձեր աշակերտների հաջողությունները, նրանց ձեռքբերումներն ու այն գիտակցումը, որ Ձեր փոխանցած գիտելիքն ու արժեքները շարունակելու են ապրել սերունդների մեջ։

Շնորհավո՛ր Ուսուցչի տոնը։ Խոնարհում և երախտագիտություն Ձեր նվիրական աշխատանքի ու առաքելության հանդեպ։