Երեւան: Մեդիամաքս: Մայր Աթոռ Սուրբ Էջմիածնում բացվել է թանգարանային արժեքների վերականգնման եւ կոնսերվացման արհեստանոցը։
«Ալեք եւ Մարի Մանուկյան» գանձատան հարկաբաժնում Ամենայն Հայոց Հայրապետի նախաձեռնությամբ հիմնված արհեստանոցը համալրվել է անհրաժեշտ սարքավորումներով Ճապոնիայի կառավարության մշակութային դրամաշնորհային ծրագրի շրջանակում, Հայաստանում Ճապոնիայի դեսպանության եւ Հայկական բարեգործական ընդհանուր միության (ՀԲԸՄ) աջակցությամբ։
Արհեստանոցի գործունեությունը հնարավորություն կտա ընդլայնել Մայր Աթոռի թանգարանային հավաքածուների ցուցադրությունը՝ պահոցներում գտնվող հոգեւոր եւ մշակութային արժեքները պատշաճ կերպով ներկայացնելով հանրությանը։
Բացման արարողությանը ներկա էին Հայաստանում Ճապոնիայի փոխդեսպան Անազավա Յոկոն, ՀԲԸՄ Հայաստանի նախագահ եւ Կենտրոնական վարչության անդամ Վազգեն Յակուբյանը, հայաստանյանյան թանգարանների ներկայացուցիչներ, վերականգնման մասնագետներ։
Leave a Reply