Ադրբեջանի և Հայաստանի միջև դե ֆակտո խաղաղություն է հաստատվել։ Այս մասին ՄԱԿ-ի Գլխավոր ասամբլեայի 81-րդ նստաշրջանի ընդհանուր քննարկման ժամանակ հայտարարել է Ադրբեջանի արտաքին գործերի նախարար Ջեյհուն Բայրամովը։
Բայրամովը նշել է, որ հարաբերությունների կարգավորման գործընթացը տնտեսական կապեր է բացել Հայաստանի հետ։
«Այսօր մենք հասել ենք դե ֆակտո խաղաղության։ Ավելին՝ միակողմանիորեն վերացնելով տարանցիկ սահմանափակումները՝ Ադրբեջանը նպաստում է դեպի Հայաստան և Հայաստանից ապրանքների փոխադրմանը։ Մենք նաև երկկողմ առևտուր ենք հաստատել։ Ադրբեջանը Հայաստանին կանոնավոր կերպով մատակարարում է ռազմավարական նշանակություն ունեցող նավթամթերք՝ չնայած շուկաներում անկայունության աճին և այդ ապրանքների նկատմամբ միջազգային պահանջարկի մեծացմանը»,- ասել է Բայրամովը։
Նա հիշեցրել է, որ 2025 թվականի օգոստոսին Վաշինգտոնում Հայաստանի և Ադրբեջանի ղեկավարները ստորագրել են համատեղ հռչակագիր և նախաստորագրել խաղաղության ու միջպետական հարաբերությունների հաստատման մասին համաձայնագիրը։
«Այս հռչակագրով երկու կողմերը հաստատեցին հակամարտության ավարտը և խաղաղ ու բարեկեցիկ ապագան համատեղ կերտելու իրենց կամքը»,- նշել է Ադրբեջանի արտգործնախարարը։
Leave a Reply