Կենսաչափական համակարգի ներդրումը պետության սեփական ուժերով 7-8 տարի կպահանջեր․ Սարգսյան

Հայաստանում նոր սերնդի կենսաչափական համակարգի ներդրումը պետության սեփական ուժերով իրականացնելու դեպքում կպահանջեր 7-ից 8 տարի և պետական բյուջեի խոշորածավալ ֆինանսական միջոցներ։ Պետություն-մասնավոր գործընկերության մոդելի կիրառման շնորհիվ այդ գործընթացը կիրականացվի շուրջ մեկ տարվա ընթացքում, հայտարարել է ՆԳ նախարար Արփինե Սարգսյանը։

Նա նշել է, որ առկա համակարգի խնդիրներն ու արդիականացման անհրաժեշտությունը

Համակարգի ներդրման անհրաժեշտությունը պայմանավորված է գործող ենթակառուցվածքների վիճակով․ «Պատճառն այն է, որ անձնագրային համակարգը հնամաշ է, իսկ ծառայությունների մատուցման համակարգը՝ ժամանակավրեպ»։

Նախարարի խոսքով՝ համակարգի ամբողջական արդիականացման համար պահանջվում է իրականացնել մի շարք տեխնիկական և կազմակերպչական քայլեր

-Նոր գրասենյակների կառուցում և դրանց դուրսբերում ոստիկանության տարածքներից,

-Նոր սերնդի սերվերային տնտեսության և միջազգային չափանիշներին համապատասխան տվյալների կենտրոնի հիմնում․

-Ժամանակակից ծրագրային ապահովման մշակում,

-Մասնագիտացված աշխատակազմի հավաքագրում և վերապատրաստում,

Բացի այդ, ըստ Սարգսյանի, արձանագրվել է, որ կենսաչափական համակարգի ներդրման համար անհրաժեշտ միջազգային փորձագիտական ներուժը Հայաստանում դեռևս բավարար չէր։

Նախարարի խոսքով՝ պետություն-մասնավոր գործընկերության շնորհիվ հնարավոր է դարձել միջազգային առաջատար փորձն ու տեխնոլոգիաները ներդնել «ոչ թե յոթից ութ, այլ շուրջ մեկ գերհագեցած տարվա ընթացքում»։

«Մասնավոր գործընկերը մատուցելու է բացառապես տեխնիկական ծառայություններ, բոլոր որոշումները կայացնելու է պետությունը»,-ասել է նա։