Լրատվամիջոցները հայտնում են, որ Ռուսաստանի ԶՈւ 4-րդ առանձին գվարդիական մոտոհրաձգային բրիգադի հրամանատար, գեներալ-մայոր Անտոն Գրունիսը զոհվել է Ուկրաինայի դեմ պատերազմում՝ Կոստանտինովկայի «գրավման» մասին Վլադիմիր Պուտինին զեկուցելուց կարճ ժամանակ անց։ Տեղեկությունը տարածել են ռուսական «Աննա Նյուզ»-ը, «Սուվորովսկոե Բրատստվո»-ն և «Աստրա»-ն՝ հղում անելով իրենց աղբյուրներին։
Գրունիսի մահվան հստակ ամսաթիվը, վայրը և հանգամանքները դեռևս հայտնի չեն։ Օգոստոսի 28-ին նա Ռուսաստանի պաշտպանության նախարար Անդրեյ Բելոուսովից ստացել էր Ռուսաստանի Դաշնության հերոսի «Ոսկե աստղ»՝ ռազմական ծառայության ընթացքում ցուցաբերած քաջության համար։
Գրունիսը մասնակցել է Կոստանտինովկայի և Բախմուտի ուղղություններով մարտերին։ Հուլիսին Ռուսաստանի Գլխավոր շտաբը և Գրունիսը Պուտինին հայտնել էին Կոստանտինովկայի ամբողջական օկուպացման մասին, ինչը Ուկրաինայի կողմը հերքել էր։
Leave a Reply