Երեւան: Մեդիամաքս: Հայաստանի վարչապետ Նիկոլ Փաշինյանն ու Ֆրանսիայի նախագահ Էմանյուել Մակրոնը ընդգծել են խաղաղության ամրապնդմանը միտված հետեւողական քայլերի իրականացման կարեւորությունը:
Նրանց հանդիպումը կայացել է սեպտեմբերի 9-ին Փարիզում: Էմանյուել Մակրոնը շնորհակալություն է հայտնել Հայաստանի վարչապետին առաջին Միջազգային տիեզերական գագաթնաժողովին մասնակցության հրավերն ընդունելու համար:
ՀՀ կառավարությունից հայտնում են, որ Ֆրանսիայի նախագահը կարեւորել է երկկողմ հարաբերությունների շարունակական զարգացումը բոլոր ուղղություններով՝ համահունչ ռազմավարական համագործակցության երկկողմ հռչակագրին:
Զրուցակիցներն ընդգծել են, որ տնտեսական համագործակցությունը երկու երկրների միջեւ ռազմավարական գործընկերության առաջնային ուղղություններից է։
Leave a Reply