Երեկ՝ սեպտեմբերի 6-ին, խոշոր ավտովթար է տեղի ունեցել Երևանում։ Ժամը 22։20-ի սահմաններում Նոր Արեշ 11-րդ փողոցում՝ թիվ 100 հասցեի դիմաց, «Nissan Teana» մակնիշի ավտոմեքենան բախվել է ճանապարհի թույլատրելի հատվածում կայանված «Գազել» մակնիշի ավտոմեքենային, ապա գազատար խողովակների հենասյուներին և կոտրել դրանք։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի տարբեր աստիճանի մարմնական վնասվածքներով տեղափոխվել են՝ մեկը՝ «Սուրբ Աստվածամայր» բժշկական կենտրոն, մյուսը՝ «Մուրացան» հիվանդանոցային համալիր։
Դեպքի վայր են ժամանել նաև «Գազպրոմ Արմենիա», «Տրանսգազ» ընկերությունների և Երևանի ԳԳՄ-ի աշխատակիցները։
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում են ավտոմեքենաների սեփականատերերի, վարորդների և վիրավորների ինքնությունը։
դիտվել է 171 անգամ
Leave a Reply