Սիրելի՛ աշակերտներ, ուսանողներ,
հարգարժա՛ն գործընկերներ և կրթության երախտավորներ,
Ջերմորեն շնորհավորում եմ բոլորիս Գիտելիքի և դպրության օրվա՝ Սեպտեմբերի 1-ի առթիվ: Այս
տոնը ոչ միայն նոր ուսումնական տարվա մեկնարկն է, այլև այն լուսավոր ուղու վերարժևորումը, որը
տանում է դեպի իմաստնություն, ստեղծարար միտք և մասնագիտական նոր հորիզոններ:
Առանձնահատուկ սիրով ու ջերմությամբ ողջունում եմ բոլոր առաջինկուրսեցիներին: Թո՛ղ
ուսումնառության այս տարիները լինեն ձեր կյանքի ամենաբովանդակալից ու հիշարժան շրջանը՝ հագեցած
գիտական բացահայտումներով ու հաստատուն հաջողություններով: Նույնպիսի հուզումով շնորհավորում եմ
նաև մեր բոլոր առաջինդասարանցիներին, որոնց համար այսօր բացվում է գիտության ու
աշխարհճանաչողության լուսավոր դուռը:
Կրթությունը մեր պետության հզորության և ապագա հաղթանակների ամենահաստատուն հիմքն է:
Մաղթում եմ բոլորիս անսպառ եռանդ, ստեղծագործական ավյուն և անկոտրում կամք՝ ի նպաստ մեր երկրի
շարունակական զարգացման և գիտական մտքի վերելքի:
Բարի երթ և արգասաբեր ուսումնական տարի բոլորիս:
Շնորհավոր Գիտելիքի և դպրության օր։
Leave a Reply