Հայաստանի Հանրապետությունը շարունակում է ֆինանսական և սոցիալական աջակցություն տրամադրել խնամատար ընտանիքներին՝ կյանքի դժվարին իրավիճակում հայտնված երեխաների խնամքն ու դաստիարակությունը ընտանեկան միջավայրում կազմակերպելու համար։ Այս մասին հայտնում են ՀՀ աշխատանքի և սոցիալական հարցերի նախարարությունից։
Այս պահին հանրապետության 115 խնամատար ընտանիքներում խնամք և դաստիարակություն է ստանում 271 երեխա։
-
Խնամատար ծնողներին պետության կողմից տրամադրվում է ամսական վարձատրություն՝ նվազագույն աշխատավարձի չափով, ինչպես նաև առանձին ֆինանսական միջոցներ՝ երեխայի կարիքների համար։
-
Հաշմանդամություն, առողջական խնդիրներ, դաստիարակության դժվարություններ ունեցող կամ հոգեկան տրավմայի ենթարկված երեխաներին խնամելու դեպքում տրամադրվում է 30% հավելավճար (նվազագույն աշխատավարձ + 30%)։
-
Խնամատար ծնող կարող են դառնալ ՀՀ-ում մշտապես բնակվող չափահաս քաղաքացիները։ Ծնողի և հոգեզավակի տարիքային տարբերությունը պետք է լինի 18-ից 50 տարի, ხოლო երեխային խնամքի հանձնելու պահին ծնողի տարիքը չի կարող գերազանցել 65-ը։
Խնամատար ծնող հաշվառվելու համար քաղաքացիները պետք է դիմեն իրենց բնակության վայրի մարզպետարան, իսկ մայրաքաղաքում՝ Երևանի քաղաքապետարան։
Leave a Reply