Երեւան: Մեդիամաքս: ՀՀ վարչապետ Նիկոլ Փաշինյանն ասել է, որ ինքն ընդամենն ասել է «Քյարքի, բայց վերադարձի մասին չեմ խոսել»։
«Ընդամենն արձանագրել եմ, որ նման տարածք կա։ Եթե Տիգրանաշենին Քյարքի չասենք, նշանակում է՝ հրաժարվում ենք Ջերմուկի օկուպացված տարածքներից։
Առաջ է գալիս սկզբունք՝ ով ինչ գրավել է, իրենն է։ Դա կոնֆլիկտային սկզբունք է։ Սա նշանակում է անուղղակի պատերազմ հայտարարել Ադրբեջանին»,- կառավարության նիստից հետո լրագրողների հետ զրույցում ասել է Նիկոլ Փաշինյանը։
Նա նշել է, որ այս ամենն անում է վտանգը ոչ թե կառավարելու, այլ՝ չեզոքացնելու համար։
«Սա վերջին թեման էր, որի վրա կարելի էր կառուցել խաղաղությունը փլուզելու պլանը. այլեւս ոչ մի տարբերակ չկա»,- ասել է Փաշինյանը։
Leave a Reply