Դերասանուհի Մարինկա Խաչատրյանն ինստագրամյան իր էջում Եգիպտոսից կիսվել է նոր ֆոտոշարքով:
«Արևմուտը երբեք ուշադրություն չի պահանջում, բայց այն գողանում է բոլորի սիրտը»,- լուսանկարներին կից գրել է նա:
Blog
-
Վերջին օրերին այս երկու հեռախոսահամարներից իմ անունից հաղորդագրություններ են ուղարկվում․Նազելի Բաղդասարյան
«Խնդրում եմ լինել զգոն, չվստահել և անտեսել նման հաղորդագրությունները»։ -
Որքան գումար է ծախսվում «Կառավարական դաչաների» վրա. «Հրապարակ»
«Հրապարակ» թերթը գրում է․ «Վարչապետի աշխատակազմը «Կառավարական առանձնատների տնտեսություն» ՊՈԱԿ-ին այս տարի հատկացրել է 621 մլն 340 հազար 100 դրամ՝ առանձնատների սպասարկման և կեցության ապահովման համար։ -
Փաշինյանը «Իննոպրոմ-2026»-ում․ Տեխնոլոգիաները կոչված են ոչ թե փոխարինելու մարդուն, այլ ազատելու նրան միապաղաղ աշխատանքից
Հայաստանի վարչապետ Նիկոլ Փաշինյանը ելույթ է ունեցել Եկատերինբուրգում անցկացվող «Իննոպրոմ-2026» միջազգային արդյունաբերական ցուցահանդեսի գլխավոր լիագումար նիստում՝ հայտարարելով, որ տեխնոլոգիական զարգացման հիմնական ուղենիշը պետք է շարունակի մնալ մարդը, իսկ ժամանակակից տեխնոլոգիաներն ու արհեստական բանականությունը պետք է մարդկանց ազատեն առօրյա միապաղաղ աշխատանքից, այլ ոչ թե դուրս մղեն նրանց։
Բացման խոսքում Հայաստանի կառավարության ղեկավարը շնորհակալություն է հայտնել Ռուսաստանի կառավարության նախագահ Միխայիլ Միշուստինին՝ ցուցահանդեսին մասնակցելու հրավերի համար և նշել ֆորումի կազմակերպման բարձր մակարդակը։
Վարչապետը ընդգծել է, որ «Իննոպրոմ»-ը ավանդաբար հանդիսանում է առաջատար արդյունաբերական լուծումների ցուցադրման, փորձի փոխանակման և գործարար կապերի զարգացման խոշորագույն միջազգային հարթակներից մեկը։
Փաշինյանի խոսքով՝ համաշխարհային արդյունաբերությունն այսօր անցնում է խորքային վերափոխման փուլ, որտեղ առավել ու առավել կարևոր դեր են խաղում գիտական մշակումները, թվայնացումը, արհեստական բանականությունը և տվյալների վերլուծության տեխնոլոգիաները։
Խոսելով Հայաստանում տիրող իրավիճակի մասին՝ վարչապետը նշել է արդյունաբերության զարգացման կայուն դրական դինամիկան։
«2025 թվականին արդյունաբերական արտադրանքի ծավալի աճը 2024 թվականի համեմատ կազմել է 4,7%, իսկ ընթացիկ տարվա առաջին չորս ամիսներին՝ արդեն 13%՝ նախորդ տարվա նույն ժամանակահատվածի համեմատ», — հայտնել է նա։
Կառավարության ղեկավարը հատուկ ուշադրություն է դարձրել վերամշակող արդյունաբերության զարգացմանը։
Նրա խոսքով՝ վերջին ինը տարիների ընթացքում այս ոլորտում արտադրության ծավալներն աճել են երկու անգամ։ Զուգահեռաբար ակտիվորեն զարգանում են միկրոէլեկտրոնիկան, կենսադեղագործությունը և ռոբոտատեխնիկան, ինչը նպաստում է հիմնարար գիտական հետազոտությունների պահանջարկի աճին, մասնագիտական կրթության արդիականացմանը և աշխատանքի նոր շուկայի ձևավորմանը։
Փաշինյանը շեշտել է, որ Հայաստանի արդյունաբերական քաղաքականության առաջնահերթություններից մեկը գիտատար արտադրությունների ստեղծումն է։
«Բարձր տեխնոլոգիական արտադրությունների ձևավորումը պետք է ապահովի տեխնոլոգիական զարգացում՝ թվայնացման, արհեստական բանականության տեխնոլոգիաների և տվյալների վերլուծության ներդրման հաշվին», — նշել է վարչապետը։
Նրա խոսքով՝ նման մոտեցումը թույլ կտա բարձրացնել ոլորտի ներդրումային գրավչությունը, արագացնել ժամանակակից տեխնոլոգիաների փոխանցումը և ստեղծել պայմաններ բարձր ավելացված արժեքով արտադրանքի թողարկման համար։
Կառավարության ղեկավարը հայտարարել է, որ Հայաստանի նորարարական զարգացման ռազմավարությունն ուղղված է կայուն տնտեսական աճի ապահովմանը և երկրի ինտեգրմանը համաշխարհային տեխնոլոգիական գործընթացներին։
«Մեր նպատակը համաշխարհային տեղեկատվական տեխնոլոգիաների և բարձր տեխնոլոգիական արդյունաբերության քարտեզի վրա արժանի տեղ զբաղեցնելն է», — ասել է Փաշինյանը։
Նա նաև նշել է, որ վերջին տարիների խոշոր ներդրումները վկայում են միջազգային գործընկերների աճող վստահության մասին Հայաստանի նկատմամբ՝ որպես բարձր տեխնոլոգիաների ոլորտում երկարաժամկետ ռազմավարական տեսլական ունեցող պետության։
Իր ելույթի առանձին հատվածը վարչապետը նվիրել է եվրասիական ինտեգրման հարցերին։ Նրա խոսքով՝ արդյունաբերությունը շարունակում է մնալ Եվրասիական տնտեսական միության զարգացման առանցքային շարժիչ ուժերից մեկը։
Փաշինյանը նշել է կոոպերացիոն նախագծերի ֆինանսական աջակցության մեխանիզմի նշանակությունը, որը, նրա կարծիքով, նպաստում է ԵԱՏՄ անդամ պետությունների արդյունաբերության մրցունակության բարձրացմանը և ստեղծում է փոխշահավետ համագործակցության բարենպաստ պայմաններ։
Նա ընդգծել է, որ հայկական ձեռնարկություններն արդեն մասնակցում են Եվրասիական տնտեսական միության գործընկերների հետ մի շարք համատեղ արդյունաբերական նախագծերի։
Ամփոփելով ելույթը՝ վարչապետն անդրադարձել է արհեստական բանականության սրընթաց զարգացման թեմային՝ ընդգծելով նոր տեխնոլոգիաների ներդրման ժամանակ մարդակենտրոն մոտեցման պահպանման անհրաժեշտությունը։
«Բարձր տեխնոլոգիաների և արհեստական բանականության սրընթաց զարգացման դարաշրջանում մեզ համար հիմնական ուղենիշը պետք է մնա մարդասիրական ասպեկտը։ Տեխնոլոգիաները կոչված են ոչ թե փոխարինելու մարդուն, այլ ազատելու նրան առօրյա միապաղաղ աշխատանքից՝ այդպիսով բացելով նոր հորիզոններ մտավոր և ստեղծագործական գործունեության համար», — հայտարարել է Նիկոլ Փաշինյանը։
«Իննոպրոմ-2026» միջազգային արդյունաբերական ցուցահանդեսը Եկատերինբուրգում անցկացվում է հուլիսի 6-ից 9-ը։ Ֆորումի աշխատանքներին մասնակցում են կառավարությունների ղեկավարներ, նախարարներ, արդյունաբերության և բիզնեսի ներկայացուցիչներ տասնյակ երկրներից։
-
Երևանի քաղաքապետարանը մի քանի տարի երկունքի ամենադաժան ցավերի մեջ գալարվելով գիտական արժեքավոր գյուտ ա արել. Սուրեն Սահակյան
Սուրեն Սահակյանը գրում է. «Երևանի քաղաքապետարանը մի քանի տարի երկունքի ամենադաժան ցավերի մեջ գալարվելով գիտական արժեքավոր գյուտ ա արել։ Նրանք պարզել են, որ խցանումները մեքենաներից են առաջանում։ Էդ բացահայտումը նրանց ստիպել ա եզրահանգել, որ խցանումներից խուսափելու միակ արդյունավետ միջոցը փողոցներից մեքենաները վերացնելն ա (է՛վրիկա)։ Էդ հանճարեղ մտահանգումը զարգացնելով նրանք եկել են որոշման, որ քաղաքի մուտքերի մոտ ավտոկայանատեղիներ կառուցեն, որ մարդիկ մեքենաները էդտեղ կայանեն ու հնազանդորեն քաղաքում երթևեկեն «արդյունավետ» հանրային տրանսպորտով։
Բնականաբար, վարորդները սեփական կամքով դա չեն անելու։ Հետևաբար, քաղաքապետարանը գործելու ա իր ծանոթ կացնային մեթոդներով՝ արգելք-տուգանք-արտոնություն։ Մինչդեռ կարելի ա դադարել հետույքով մտածել ու գլուխը, բացի պեռաշկի ծամելու ապարատ դիտարկելը, կիրառել նաև ըստ նշանակության՝ մտածել։ Մի պարզ օրինակով կարող ենք տեսնել, թե դա ոնց ա լինում։
Խցանումներից խեղդվող Երևանում կովիդի հետ կապված առաջին սահմանափակումը ԲՈՒՀ-երում հեռավար ուսուցման անցնելն էր։ Եվ, օ՛ հրաշք, հաջորդ առավոտյան կենտրոնում խցանում չկար։ Իսկ դրան գումարեք տասնյակ հազարավոր պետական ծառայողները, որոնք ամեն առավոտ շտապում են կենտրոն՝ նախարարությունների իրենց գրասենյակներում ոչնչով զբաղվելու, իսկ երեկոյան՝ հակառակը։
Մարդկության փորձը ցույց ա տալիս, որ կոռուպցիայի հաղթահարման գործում պատժելը արդյունավետ չի։ Շատ ավելի արդյունավետ ա անիմաստ դարձնել կոռուպցիոն սխեմաները։ Նույնպես և էս դեպքում։ Պետք ա ոչ թե արգելել ու պատժել, այլ անիմաստ դարձնել էդ քանակի մարդկանց միաժամանակյա քաղաքի կենտրոն իջնելը կամ, այլ կերպ ասած, տեղափոխել ու քաղաքում համաչափ բաշխել նրանց աշխատավայրերը՝ նախարարություններն ու պետական հիմնարկները։ «Ակադեմիական քաղաք»-ի նախագիծը և այն տրանսպորտային հաբ սարքելը ուսանողության հարցը կլուծի։ Եթե Պաշտպանության նախարարության օրինակով տեղափոխվեն նաև այլ նախարարությունները, Կենտրոնը կդառնա էսօրվա ամենաքիչ ծանրաբեռնված վարչական շրջանների պես։
Բայց ես վստահ եմ, որ Փաշինյանի կառավարությունն ու ՏԻՄ նրա կադրերը սա չեն անի։ Ես նույնիսկ կարող եմ խաղադրույք անել դրա վրա։ Համոզմունքիս պատճառը շատ պարզ ա։ Փաշինյանական (ինչպես նաև սերժական կամ քոչարյանական) պետական չինովնիկի համար ԱԶԱՏՈՒԹՅՈՒՆ բառն ընդամենը օդի ալիքային տատանում ա, ոչ ավելին։ Այն իմաստային էն ծանրաբեռնվածությունը չունի, ինչ նորմալ մարդկանց համար։ Նրանք ազատությանը նայում են որպես մի բանի, ինչ իրենք պաշտոնյա լինելու բերումով պետք ա ճնշեն ուղիղ նենց, ոնց իրենց ազատություններն են ճնշում, քանի որ պետական պաշտոնյա են։
Ազատորեն տեղաշարժվելը մարդու և ՀՀ քաղաքացու սահմանադրությամբ ամրագրված իրավունք ա։ Էլ ի՞նչ պաշտոնյա, որ էդ ազատությունը ճնշելու նորանոր մեթոդներ չմոգոնի, չբարդացնի էդ ազատության իրավունքն իրացումը։ Միայն մտածելու, որոշելու ազատություն ունեցող պաշտոնյան կարող ա իր որոշումների հիմքում դնել մարդու ազատ լինելու գաղափարը։ Մինչդեռ աննշան բացառություններով ամբողջ ՔՊ-ն մտածում ա էն, ինչ առավոտյան որոշում ա մտածել Նիկոլը։ Ընդ որում, դա կարող ա օրվա սկզբում ու դրա ավարտին տարբեր ու տրամագծորեն հակառակ բաներ լինեն։ Ո՞նց կարող ա նիկոլական պաշտոնյան իր որոշումների հիմքում ազատությունը դնի։ Չէ, տրանսպորտային հանգույցներ կառուցելու և երթևեկության մեջ տրամաբանություն մտցնելու փոխարեն պետք ա արգելել ու պատժել»:
դիտվել է 106 անգամ
Լրահոս
Ամենաընթերցվածները
Շուտով
Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը
Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը
Հուլիսի 8-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Հուլիսի 8-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Հուլիսի 8-ին՝ ժամը 12։00-ին, Հայելի ակումբի հյուրն է Դավիթ Մկրտչյանը
Հուլիսի 8-ին՝ ժամը 15։00-ին, Հայելի ակումբի հյուրն է քաղաքագետ Երվանդ Բոզոյանը
Հուլիսի 7-ին՝ ժամը 15։30-ին, Հայելի ակումբի հյուրն է ազատամարտիկ Սեյրան Չիլինգարյանը
Հուլիսի 7-ին՝ ժամը 15։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հուլիսի 7-ին՝ ժամը 13։00-ին, Հայելի ակումբի հյուրն է ՀՃՇ անդամ Ռուզաննա Ստեփանյանը
Հուլիսի 7-ին՝ ժամը 12։00-ին, Հայելի ակումբի հյուրն է «Ժառանգություն» կուսակցության հիմնադիր, նորանկախ Հայաստանի Հանրապետության առաջին արտգործնախարար Րաֆֆի Հովհաննիսյանը -
Սպասվում է կարճատեւ անձրեւ – Սյունիք ՀԸ
Հանրապետության տարածքում`
Հուլիսի 7-8-ը շրջանների զգալի մասում, 9-ի գիշերը առանձին շրջաններում, 9-ի ցերեկը և 10-11-ի կեսօրից հետո առավելապես հյուսիսային շրջաններում սպասվում է կարճատև անձրև և ամպրոպ, առանձին վայրերում սպասվում է նաև կարկուտ։ Հուլիսի 6-ի երեկոյան, 7-8-ն առանձին հատվածներում անձրևները կլինեն հորդառատ։
Քամին`արևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 18-23 մ/վ արագությամբ։
Երևան քաղաքում`
Հուլիսի 7–8-ը, 9-ի գիշերը սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 17–20 մ/վ արագությամբ։ Հուլիսի 9-ի ցերեկը, 10-11-ը սպասվում է առանց տեղումների եղանակ։
-
Բագրատ արքեպիսկոպոս Գալստանյանը դատական հայց է ներկայացրել Փաշինյանի դեմ
Բագրատ սրբազանը դատական հայց է ներկայացրել Փաշինյանի դեմ՝ պահանջելով հերքել ընտրակաշառքի վերաբերյալ հնչեցրած հայտարարությունները, որոնք, ըստ հայցի, զրպարտչական են։ Պահանջում է նաև 49.7 դրամ խորհրդանշական փոխհատուցում։ Այս մասին տեղեկանում ենք Datalex տեղեկատվական համակարգից:Վազգեն Գալստանյանը պահանջում է, որ Նիկոլ Փաշինյանը դատարանի վճիռն օրինական ուժի մեջ մտնելուց հետո 5 աշխատանքային օրվա ընթացքում հրապարակայնորեն հերքի իր պատիվը, արժանապատվությունը և բարի համբավը, ըստ հայցի, արատավորող և իրականությանը չհամապատասխանող հայտարարությունները։ Հերքումը պետք է հրապարակվի ՀՀ կառավարության պաշտոնական կայքում, ՀՀ վարչապետի պաշտոնական կայքում, ինչպես նաև առնվազն 5000 տպաքանակ ունեցող մամուլի միջոցով։
Հայցում առաջարկվող հերքման տեքստը հետևյալն է.
«ՀԵՐՔՈՒՄ. Ես՝ Նիկոլ Փաշինյանս, հայտնում եմ, որ 2026 թվականի հունիսի 11-ին ՀՀ կառավարության նիստից հետո լրագրողների հետ հարցուպատասխանի ընթացքում իմ կողմից հնչեցված այն պնդումները, թե «ՔՊ-ն ստացել է 100 տոկոսով օրգանիկ քվե, էն մյուս ուժերը ստացել են 100 տոկոսով ընտրակաշառքով քվե… Առանց փողի, նրանց օգտին ոչ մեկը չի քվեարկել, բացարձակապես ոչ մեկը», չեն համապատասխանում իրականությանը և հանդիսանում են զրպարտություն ընտրություններին այլ քաղաքական ուժի օգտին քվեարկած ՀՀ քաղաքացի Վազգեն Պետրոսի Գալստանյանի նկատմամբ»։
-
ՌԴ-ն հույս ունի, որ Ուկրաինայում խաղաղ կարգավորման ուղղությամբ ԱՄՆ-ի ջանքերը հաջող կլինեն. Պեսկով
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ռուսաստանը հույս ունի, որ ուկրաինական խաղաղ կարգավորման ուղղությամբ ԱՄՆ-ի ջանքերը կպսակվեն հաջողությամբ։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը:
«Մենք աշխատանքային ուղիներով կապի մեջ ենք ամերիկացիների հետ, և մենք հույս ունենք, որ նրանց ջանքերը՝ ողջ իրավիճակը խաղաղ զարգացման ուղու վրա դնելու ջանքերը, այնուամենայնիվ, կպսակվեն հաջողությամբ», – նշել է Պեսկովը։
«Համենայնդեպս, մենք, ինչպես բազմիցս ասել է Ռուսաստանի նախագահը, պահպանում ենք մեր բացությունը դրա համար», – հստակեցրել է Կրեմլի ներկայացուցիչը։
Հետևեք մեզ՝ այստեղ
-
Առյուծներին տանելու են Ազգային ժողով, չհասկացանք՝ չուչելներին ինչ են անելու. Սամվել Կարապետյան
Փողոցային պայքար անպայման կլինի, այն մեկ անգամ տեղի կունենա և կլինի վերջնական։ Այդ մասին լրագրողների հետ զրույցում հուլիսի 7-ին հայտարարել է «Ուժեղ Հայաստան» կուսակցության առաջնորդ Սամվել Կարապետյանը։
Նրա խոսքով՝ անօրինականությունը շարունակվում է, վերջին տարիներին Հայաստանում ներդրումներ չեն իրականացվել։
Նա պարզաբանեց, որ, ի տարբերություն իշխանությունների, ինքը դրանում ռիսկեր է տեսնում։ Կարապետյանը հավելեց, որ իշխանությունների բոլոր քայլերը խոչընդոտում են ինչպես ներքին, այնպես էլ արտաքին ներդրողներին։ «Գագիկ Ծառուկյանը երկրի գլխավոր ներդրողներից մեկն է, իսկ այժմ նրանից խլել են անգամ կենդանիների խրտվիլակները», – նշել է նա։
Սամվել Կարապետյանը հիշեցրել է, որ ընդդիմությունը հայտարարել է միասնական համակարգող մարմին ձևավորելու մտադրության մասին։
«Այս կապակցությամբ արձագանքներ են ստացվում նաև այլ ուժերից։ Մարմինը կձևավորվի պատշաճ ժամանակին։ Հիմնական հինգ ընդդիմադիր ուժերը հանդես են եկել հայտարարությամբ, դրանից հետո կհետևեն հաջորդ քայլերը», – վստահեցրել է «Ուժեղ Հայաստան»-ի առաջնորդը։
-
Կապանի ԼՀԿ-ի ուսումնական կենտրոնում իրենց գիտելիքներն ու հմտությունները զարգացրեցին հարստացուցիչ ֆաբ
Մենք կարևորում ենք շարունակական կրթությունն ու որակյալ մասնագետների պատրաստումը
Այս անգամ Կապանի ԼՀԿ-ի ուսումնական կենտրոնում իրենց գիտելիքներն ու հմտությունները զարգացրեցին հարստացուցիչ ֆաբրիկայի աշխատակիցները։