Իրանի արտգործնախարար Աբաս Արաղչին քննադատել է ԱՄՆ նախագահ Դոնալդ Թրամփի հայտարարությունը՝ Մերձավոր Արևելքում նավերին և բեռներին հասցված վնասը փոխհատուցելու համար իրանական սառեցված միջոցների հնարավոր օգտագործման վերաբերյալ։ Այս մասին հայտնել է Sky News-ը՝ հղում կատարելով Արաղչիի խոսքերին։
Իրանի ԱԳ նախարարի խոսքով՝ մեկ այլ երկրի ակտիվների բռնագրավումը՝ ապագա պահանջները ծածկելու համար, որոնք դրանց հետ անմիջականորեն կապված չեն, ստեղծում է «վտանգավոր նախադեպ»։
«Նրանք, ովքեր ողջունում են նման գործողությունները կամ դրանցից օգուտ են քաղում, պետք է հիշեն՝ հենց որ կառավարություններն օրինականացնեն բռնագրավումը, ոչ մեկի ակտիվներն այլևս անվտանգ չեն լինի։ Ստեղծված քաոսը չի լինի ոչ հաճելի, ոչ խաղաղ», — հայտարարել է Արաղչին։
Ավելի վաղ Թրամփը հայտնել էր, որ դիտարկում է Իրանի դեմ լայնածավալ ռազմական գործողությունների վերսկսման հնարավորությունը, ներառյալ այնպիսի հարվածները, որոնք մասշտաբով կարող են գերազանցել «Epic Fury» գործողությունը։
Միևնույն ժամանակ, ԱՄՆ Ներկայացուցիչների պալատը երկրորդ անգամ կոչ է արել նախագահին դադարեցնել Իրանի դեմ ռազմական գործողությունները։ Հանրապետական կուսակցության մի քանի ներկայացուցիչներ աջակցել են բանաձևին՝ հակառակ կուսակցության ղեկավարության դիրքորոշմանը։
Յուրաքանչյուր երեխա արժանի է ապահով մանկության, կրթության, սիրո և խնամքի՝ անկախ իր ազգությունից կամ սոցիալական վիճակից։ Երեխաները երբեք չպետք է դառնան աղքատության, անտարբերության կամ սոցիալական խնդիրների զոհը։
