Media Monitoring

Blog

  • Վենսը մեկնաբանել է Ֆրանսիայում տեղի ունեցող անկարգությունները

    ԱՄՆ փոխնախագահ Ջեյ Դի Վենսը, անդրադառնալով Ֆրանսիայում տեղի ունեցող անկարգություններին, հայտարարել է, որ արևմտյան լիբերալները «Երրորդ աշխարհը» ներմուծել են Ֆրանսիա՝ միաժամանակ անտեսելով ասիմիլյացիայի և համատեղելիության խնդիրները։

    «Արևմտյան լիբերալները, հանուն բազմազանության և կարեկցանքի, «Երրորդ աշխարհը» ներմուծել են Ֆրանսիա և այլ երկրներ։ Նրանք անտեսել են ասիմիլյացիայի և համատեղելիության հիմնարար հարցերը», – գրել է Վենսը X-ի իր էջում։

    Վենսը հույս է հայտնել, որ Ֆրանսիային կհաջողվի վերջ դնել «այս խելահեղությանը»՝ նախքան ևս մի քանի նշանավոր վայրեր կբռնկվեն։

  • Աննա Ամրոյանը 102 կգ է բարձրացրել և դարձել Եվրոպայի առաջնության բրոնզե մեդալակիր

    Հայաստանի ծանրամարտի երիտասարդական հավաքականը հերթական մեդալն է նվաճել Եվրոպայի առաջնությունում:

    Ֆեդերացիայից հայտնում են, որ Ալբանիայի Դուրես քաղաքում շարունակվում է Եվրոպայի երիտասարդների ու Մ23 տարեկանների առաջնությունը:

    Կանանց 77 կգ քաշային կարգում Հայաստանն ուներ երկու ներկայացուցիչ՝ Աննա Ամրոյանն ու Ալինա Սուքիասյանը:

    Աննա Ամրոյանը պոկում առաջին անհաջող մոտեցումից հետո հաջորդաբար բարձրացրեց 98 կգ ու 102 կգ՝ դառնալով վարժության բրոնզե մեդալակիր: Ցավոք, հրում վարժության առաջին իսկ մոտեցման ժամանակ Ամրոյանը վնասվածք ստացավ ու լքեց հետագա պայքարը: Ամրոյանի վնասվածքը լուրջ չէ:

    Ընտրանու մյուս ներկայացուցիչը՝ Ալինա Սուքիասյանը, պոկեց 98 կգ ու 101 կգ: Նա այս վարժությունում զբաղեցրեց 4-րդ հորիզոնականը: Հրում վարժությունում էլ միայն մեկ հաջող մոտեցում ունեցավ՝ գլխավերևում պահելով 120 կգ: Նա չբարձրացրեց 125 կգ-ը: Այս վարժությունում Սուքիասյանը 5-րդն էր: Երկամարտի 221 կգ արդյունքով՝ նա ԵԱ-ում 4-րդն է:

  • ՀԱՄԱՇԽԱՐՀԱՅԻՆ ՕՊԵՐԱՅԻ ԼԵԳԵՆԴՆԵՐԸ ՄԵԿ ԲԵՄՈՒՄ. ԳԵՂԱՄ ԳՐԻԳՈՐՅԱՆ-75 – ԱՄԲԻՈՆ NEWS

    Երեկվա երեկոն դարձավ մեծ արվեստագետ Գեղամ Գրիգորյանի հիշատակի եւ անգնահատելի ստեղծագործական ժառանգության արժեւորման յուրահատուկ տոն՝ մեկ բեմում համախմբելով նրա ընտանիքի անդամներին, արվեստակիցներին եւ համաշխարհային օպերային բեմի նշանավոր արտիստներին

     

    Գալա-համերգն առանձնահատուկ շուք ստացավ համաշխարհային օպերային արվեստի լեգենդ Պլասիդո Դոմինգոյի եւ միջազգային ճանաչում ունեցող սոպրանո, Գեղամ Գրիգորյանի դուստր Հասմիկ Գրիգորյանի մասնակցությամբ

     

    Վստահ ենք՝ երեկվա հիշարժան երեկոն դեռ երկար կմնա բոլորիս հիշողության մեջ

     

    •••••••••••••••

     

    ✨ LEGENDS OF WORLD OPERA ON ONE STAGE: GEGHAM GRIGORYAN 75

     

    Last night was a remarkable celebration honoring the memory and invaluable artistic legacy of the great Gegham Grigoryan, bringing together his family, fellow artists, and distinguished stars of the international opera stage.

     

    The gala concert was made even more extraordinary by the participation of the legendary Plácido Domingo and internationally acclaimed soprano Hasmik Grigoryan, daughter of Gegham Grigoryan.

     

    We are certain that this unforgettable evening will remain in our hearts and memories for many years to come.

  • Լեռներում տեղացել է սեզոնի առաջին ձյունը․ Հունաստան



    Հունաստանի արևմուտքում, լեռներում տեղացել է սեզոնի առաջին ձյունը։ Ուրբաթ՝ հոկտեմբերի 16-ին, ձյուն է տեղացել Գրևենա քաղաքի շրջանում, այդ թվում՝ Վասիլիցա լեռնադահուկային հանգստավայրում և բարձրալեռնային Սամարինա գյուղում, հայտնել է հունական պետական ERT հեռուստառադիոընկերությունը։

    Պինդոսի լեռնազանգվածում գտնվող Վասիլիցա հանգստավայրում ձյուն է տեղացել գագաթներին և լանջերին՝ հանգստավայրի ենթակառուցվածքների շրջանում։ Ձյունը թույլ է եղել, սակայն այն ազդարարել է տարածաշրջանի լեռներում ձմեռային սեզոնի սկիզբը։

    Ձյուն է տեղացել նաև Սամարինայում՝ Գրևենայի տարածաշրջանային միավորման մեջ գտնվող գյուղում, Էպիրոսի սահմանից ոչ հեռու։ Այն գտնվում է ծովի մակարդակից մոտ 1 450 մետր բարձրության վրա և համարվում է Հունաստանի ամենաբարձրադիր բնակավայրերից մեկը։

    Առաջին ձյունը տեղացել է լեռնադահուկային սեզոնի սպասվող մեկնարկից մի քանի շաբաթ առաջ։ Առաջիկա օրերին եղանակի հետագա զարգացումը ցույց կտա, թե արդյոք մեծ բարձրություններում ձյան տեղումները կշարունակվեն։


    Հետևեք     մեզ՝ այստեղ


  • Ֆրանսիայի ՆԳՆ-ն հաստատել է հոկտեմբերի 17-ի բողոքի ցույցերին ավելի քան 500 հազար մարդու մասնակցությունը



    Ֆրանսիայի Ներքին գործերի նախարար Լորան Նունյեսի տվյալներով՝ երկրում գների աճի և բնակչության գնողունակության նվազման դեմ բողոքի ցույցերին մասնակցել է ավելի քան կես միլիոն մարդ։

    «Երկրի ամբողջ տարածքում անցկացվել է 110 ցույց, որոնց մասնակցել է 550 հազար մարդ, այդ թվում՝ 110 հազարը՝ Փարիզում»,- ասել է Նունյեսը՝ նշելով, որ ակցիաներից միայն մի մասն է պաշտոնապես համաձայնեցվել իշխանությունների հետ։

    Ավելի վաղ Ֆրանսիայի խոշորագույն արհմիություններից մեկը՝ CGT-ն, հայտնել էր, որ ցույցերին մասնակցել է ավելի քան 500 հազար մարդ։ Ուսանողական L’Union étudiante կազմակերպության պնդմամբ՝ ամբողջ երկրում անցկացվել է 1700 ակցիա՝ 800 հազար մասնակցով։


    Հետևեք     մեզ՝ այստեղ


  • ՅՈՒՆԵՍԿՕ-ի գլխավոր տնօրեն Խալեդ Էլ-Էնանին այցելել է Զվարթնոց տաճար



    Մշակույթ





    Կենսաբազմազանության մասին կոնվենցիայի կողմերի 17-րդ համաժողովին (COP17) մասնակցելու նպատակով Հայաստանում գտնվող ՅՈՒՆԵՍԿՕ-ի գլխավոր տնօրեն Խալեդ Էլ-Էնանին այցելել է Զվարթնոց տաճար, որը գրանցված է ՅՈՒՆԵՍԿՕ-ի Համաշխարհային ժառանգության ցուցակում։

    ՅՈՒՆԵՍԿՕ-ի գլխավոր տնօրեն Խալեդ Ալ-Անանիին ուղեկցել են Կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը և ՅՈՒՆԵՍԿՕ-ում Հայաստանի մշտական ներկայացուցիչ Արամ Հակոբյանը:

    Պաշտոնյաները շրջել են հուշարձանի տարածքում և թանգարանային հատվածում։ Գլխավոր տնօրենին ներկայացվել են հուշարձանի պատմությունը,
    պահպանության ներկայիս վիճակը, կատարված և նախատեսվող աշխատանքները:

    ՅՈՒՆԵՍԿՕ-ի գլխավոր տնօրենն ընդգծել է հուշարձանների պատշաճ կառավարման կարևորությունը, մշակութային և կրթական նպատակներով օգտագործումը:

    Քննարկվել են համագործակցության հետագա զարգացման հնարավորությունները:


    Հետևեք     մեզ՝ այստեղ




  • Ձորաստան գյուղում վերաբացվեց մշակույթի տունը

    Շարունակելով գյուղական բնակավայրերում մշակութային կյանքի աշխուժացմանն ու համայնքային ենթակառուցվածքների բարելավմանն ուղղված ծրագրերի շարքը՝ համայնքային բյուջեի միջոցներով այս անգամ գյուղացիների առջև իր դռներն է բացել Ձորաստան բնակավայրի մշակույթի տունը՝ ավելի բարեկարգ, հարմարավետ և գեղեցիկ պայմաններով։

    Մշակույթի տան վերաբացումն ազդարարել են Կապան համայնքի ղեկավար Գևորգ Փարսյանը և Ձորաստան բնակավայրի վարչական ղեկավար Հրայր Եփրեմյանը՝ կտրելով խորհրդանշական կարմիր ժապավենը։

     Երկար տարիներ անմխիթար վիճակում գտնվող մշակույթի տան շենքն այսօր վերանորոգվել և համալրվել է ժամանակակից գույքով ու տեխնիկայով։ Ստեղծվել են բոլոր անհրաժեշտ պայմանները ինչպես կրթամշակութային գործունեության արդյունավետ կազմակերպման, այնպես էլ վարչական աշխատանքների պատշաճ իրականացման համար։

     Գյուղացիների օրվա տոնական տրամադրությունը ապահովել է Կապանի մշակույթի կենտրոնի ստեղծագործական կազմը՝ հանդես գալով գեղեցիկ համերգային ծրագրով։

    Մշակույթի տան նորոգումն իրականացվել է համայնքային միջոցներով՝ շուրջ 20 մլն ՀՀ դրամի ներդրմամբ։

    Շինարարական կազմակերպությունը՝ «Մելիքյան Շին» ՍՊԸ

  • Դատապարտելի է. Հայր Ասողիկը` ՅՈՒՆԵՍԿՕ-ի գլխավոր տնօրենին Մայր տաճար չտանելու մասին

    Լրատվությունից տեղեկացանք, որ Հայաստանում գտնվող ՅՈՒՆԵՍԿՕ-ի գլխավոր տնօրենի համար այց է կազմակերպվել Զվարթնոցի տաճար։

    Եթե կարելի էր հասնել Զվարթնոց, հապա ինչո՞ւ չայցելել Մայր Աթոռ Սուրբ Էջմիածին, ինչո՞ւ չներկայացնել, ՅՈՒՆԵՍԿՕ-ի իսկ հավանությամբ, սքանչելիորեն վերանորոգված ու շքեղազարդված Մայր Տաճարը։ Հենց Մայր Տաճարի հայտն է ընդգրկվել ՅՈՒՆԵՍԿՕ-ի համաշխարհային ժառանգության ցանկի մեջ, իսկ Զվարթնոցի տաճարն ընդամենը մաս էր կազմում Մայր Տաճարի հայտի։

    Ցավալի է ու դատապարտելի, նման որոշումն ու արարքը բացարձակապես ցուցանիշ է պետականության ու պետության բարձրագույն գիտակցության չգոյության։

    Հայոց Եկեղեցին՝ իր Մայր Աթոռով, կանգուն է եւ տեր է իր ողջ աշխարհասփյուռ ժառանգության։

    Ասողիկ աբեղա Կարապետյան

    ՀՀ-ում ՅՈՒՆԵՍԿՕ-ի Ազգային հանձնաժողովի անդամ

  • Սպասվում է կարճատև անձրև, ամպրոպ, եղանակն առաջիկա օրերին

    Սպասվում է կարճատև անձրև, ամպրոպ, եղանակն առաջիկա օրերինԵրևան քաղաքում -Հոկտեմբերի  18-19-ին սպասվում է առանց տեղումների եղանակ։Հոկտեմբերի 20-22-ին գիշերը և կեսօրից հետո սպասվում է կարճատև անձրև, հնարավոր է նաև ամպրոպ։

    Հանրապետության տարածքում -Հոկտեմբերի  19-ի ցերեկը, 20-22-ի՝ գիշերը և կեսօրից հետո առանձին շրջաններում սպասվում է կարճատև անձրև, հնարավոր է նաև ամպրոպ։ Հոկտեմբերի 18-ին, 19-ի գիշերը սպասվում է առանց տեղումների եղանակ։ Քամին հարավարևմտյան՝ 2-5 մ/վ։ Օդի ջերմաստիճանն էապես չի փոխվի։

  • «Ռոսատոմը» ՀՀ-ից դրական ազդակներ է ստանում Հայկական ԱԷԿ-ի էներգաբլոկի կառուցման առաջարկի առնչությամբ. Լիխաչով



    Տնտեսություն





    «Ռոսատոմը» Հայաստանից դրական ազդակներ է ստանում Հայկական ԱԷԿ-ի նոր էներգաբլոկի կառուցման վերաբերյալ իր առաջարկի առնչությամբ։ Այս մասին ասել է «Ռոսատոմի» ղեկավար Ալեքսեյ Լիխաչովը, հաղորդում է ՏԱՍՍ-ը:


    Հիշեցնենք, որ ավելի վաղ՝ ՀՀ այցի ժամանակ Լիխաչովը հայտնել էր, որ «Ռոսատոմը» Հայաստանի կառավարությանը առաջարկել է կառուցել 1 ԳՎտ հզորությամբ ԱԷԿ-ի նոր էներգաբլոկ՝ հիմնված ՎՎԷՌ-1000 (VVER-1000) ռեակտորային տեխնոլոգիայի վրա։


    Հետևեք     մեզ՝ այստեղ